ಮಧುಗಿರಿ, ಜೂ.೧- ನ್ಯೂಯಾರ್ಕ್ ನಗರದ ವಿಶ್ವ ಸಂಸ್ಥೆಯ ಪ್ರಧಾನ ಕಚೇರಿಯಲ್ಲಿ ನಡೆದ ಸಹಕಾರಿ ಹಣಕಾಸು ಸಂಸ್ಥೆಗಳ ಕುರಿತಾದ ಅಂತಾರಾಷ್ಟ್ರೀಯ ವಿಚಾರ ಸಂಕಿರಣದಲ್ಲಿ ಕರ್ನಾಟಕವನ್ನು ಪ್ರತಿನಿಧಿಸುವ ಗೌರವ ನನಗೆ ಸಿಕ್ಕಿದೆ ಎಂದು ಮಾಜಿ ಸಚಿವ ಹಾಗೂ ಶಾಸಕ ಕೆ.ಎನ್. ರಾಜಣ್ಣ ಹೇಳಿದರು.
“ಅಂತರ್ಗತ ಮತ್ತು ಸಮಾನ ಬೆಳವಣಿಗೆ” ಮತ್ತು ಸಹಕಾರಿ ಹಣಕಾಸು ಸಂಸ್ಥೆಗಳ ಭವಿಷ್ಯದ ಬಗ್ಗೆ ಚರ್ಚಿಸಲು ಪ್ರಪಂಚದಾದ್ಯಂತ ಪ್ರತಿಷ್ಠಿತ ನೀತಿ ನಿರೂಪಕರು, ಹಣಕಾಸು ತಜ್ಞರು ಮತ್ತು ಸಹಕಾರಿ ನಾಯಕರೊಂದಿಗೆ ಸೇರುವ ಸೌಭಾಗ್ಯ ನನಗೆ ಸಿಕ್ಕಿತು ಎಂದರು.
ಭಾರತದ ಸಹಕಾರಿ ಚಳವಳಿಯನ್ನು ಹಂಚಿಕೊಳ್ಳಲು ಮತ್ತು ಸಮಗ್ರ ಅಭಿವೃದ್ಧಿಯ ಕುರಿತು ಜಾಗತಿಕ ಸಂಭಾಷಣೆಗಳಿಗೆ ಕೊಡುಗೆ ನೀಡಲು ಭಾಗವಹಿಸಿರುವುದು ಹೆಮ್ಮೆಯ ಕ್ಷಣ ಎಂದರು.
ಈ ಕಾರ್ಯಕ್ರಮದಲ್ಲಿ ಅಂತಾರಾಷ್ಟ್ರೀಯ ವಕಾಲತ್ತು ಮತ್ತು ನಿಯಂತ್ರಕ ಸಲಹೆಗಾರ್ತಿ ಎರಿನ್ ಒ’ಹೆರ್ನ್, ಈಕ್ವೆಡಾರ್ನ ಡಿಜಿಟಲ್ ಟ್ರಾನ್ಸ್ಫರ್ಮೇಷನ್ ಸ್ಟ್ರಾಟೆಜಿಕ್ ಪ್ಲಾನಿಂಗ್ ಮತ್ತು ಕೋಆಪರೇಟಿವ್ನ ನಿರ್ದೇಶಕಿ ವೆರೋನಿಕಾ ಮೊರೇಲ್ಸ್, ಚಿಲಿಯ ಹಿರಿಯ ಕಾರ್ಯನಿರ್ವಾಹಕ ಮತ್ತು ಕೋಆಪರೇಟಿವ್ ಕಾರ್ಲೋಸ್ ಒರೆಲ್ಲಾ, ಇಸ್ರೇಲ್ನ ವಕೀಲೆ ಮತ್ತು ಸಹಕಾರಿ ಅಭಿವೃದ್ಧಿಯ ಮುಖ್ಯಸ್ಥೆ ಮೆರಾವ್ ಮತ್ತು ಬಾರ್ಸಿಲೋನಾ ವಿಶ್ವವಿದ್ಯಾಲಯದ ವಕೀಲೆ ಮತ್ತು ಪಿಎಚ್ಡಿ ವಿದ್ವಾಂಸೆ ಮರಿಲಿಯಾ ಫೆರಾಜ್ ಟೀಕ್ಸೀರಾ ಭಾಗವಹಿಸಿದ್ದರು
