ಕಲಬುರಗಿ,ನ.2-ಬಬಲಾದ (ಎಸ್) ಗ್ರಾಮದ ಹತ್ತಿರವಿರುವ ರೈಲ್ವೆ ಪಟ್ರಿ ಪಕ್ಕದ ಹೊಲದಲ್ಲಿ ಮರದ ಕೆಳಗೆ ಕುಳಿತು ಜೂಜಾಟವಾಡಲಾಗುತ್ತಿದೆ ಎಂಬ ಮಾಹಿತಿ ಮೇಲೆ ಸಬ್-ಅರ್ಬನ್ ಪೊಲೀಸ್ ಠಾಣೆ ಪಿಎಸ್‍ಐ ಶಶಿಕಲಾ, ಸಿಬ್ಬಂದಿಗಳಾದ ಜಗದೀಶ, ಗುಂಡೇರಾಯ, ಶಶಿಕಾಂತ, ಪ್ರಭುರಾಜ, ಶಿವರಾಜ, ಚಂದ್ರಕಾಂತ ಮತ್ತು ಶಿವಕುಮಾರ ಅವರು ದಾಳಿ ನಡೆಸಿ ಐವರನ್ನು ಬಂಧಿಸಿದ್ದಾರೆ.
ಮಲ್ಲಿಕಾರ್ಜುನ ಪಾಟೀಲ, ಮಹೇಬೂಬ್ ವಾಲಿಕರ್, ಶಾಂತಪ್ಪ ಪೂಜಾರಿ, ರಾಜಣ್ಣ ವಾಲಿ, ಅನೀಲಕುಮಾರ ಕಿವಡೆ ಎಂಬುವವರನ್ನು ಬಂಧಿಸಿ 3,100 ರೂ.ನಗದು, 52 ಇಸ್ಪೇಟ್ ಎಲೆಗಳನ್ನು ಜಪ್ತಿ ಮಾಡಿದ್ದಾರೆ. ಸಬ್-ಅರ್ಬನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.