ಮುಂಬೈ,ಆ.1-ಸಲ್ಮಾನ್ ಖಾನ್ ಶುಕ್ರವಾರ ತಡರಾತ್ರಿ ತಮ್ಮ ಆತ್ಮೀಯ ಗೆಳೆಯ ಸಂಜಯ್ ದತ್ ಜೊತೆಗಿನ ಎರಡು ವಿಶೇಷ ಚಿತ್ರಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ಈ ಚಿತ್ರಗಳಲ್ಲಿ ಇಬ್ಬರೂ ನಟರು ಪರಸ್ಪರ ಅತ್ಯಂತ ಪ್ರೀತಿಯಿಂದ ಅಪ್ಪಿಕೊಂಡಿರುವುದು ಕಂಡುಬಂದಿದೆ. ಚಿತ್ರಗಳ ಜೊತೆಗೆ ಸಲ್ಮಾನ್ ಖಾನ್ ಬರೆದ ಶೀರ್ಷಿಕೆಯು ಪ್ರತಿಯೊಬ್ಬರ ಹೃದಯ ಮುಟ್ಟುವಂತಿದ್ದು, “ಬಾಬಾ ಎಂದೆಂದಿಗೂ… ಬಾಬಾ ಮತ್ತು ಬಾಬಾ, ಬಾಬಾ ಬಾಬಾನೇ. ಸಂಜು ಬಾಬಾ ನಮ್ಮ ಬಾಬಾ ಮತ್ತು ಈಗ ಅವರ ಮಕ್ಕಳಿಗೂ ಬಾಬಾ. ನನ್ನ ಅಣ್ಣ ಸಂಜಯ್ ದತ್. ಅಲ್ಲಾಹ್, ದೇವರು ಮತ್ತು ಯೇಸು ಈ ಮನುಷ್ಯನನ್ನು ಶಾಶ್ವತವಾಗಿ ಸಂತೋಷವಾಗಿರಿಸಲಿ. ನಾನು ನಿನ್ನನ್ನು ಪ್ರೀತಿಸುತ್ತೇನೆ ಬಾಬಾ” ಎಂದು ಭಾವನಾತ್ಮಕವಾಗಿ ಸಲ್ಮಾನ್ ಬರೆದುಕೊಂಡಿದ್ದಾರೆ.
ಸಲ್ಮಾನ್ ಮತ್ತು ಸಂಜಯ್ ನಡುವಿನ ಈ ಅಪರೂಪದ ಬಾಂಧವ್ಯವನ್ನು ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ಇಷ್ಟಪಡುತ್ತಿದ್ದು, ಲಕ್ಷಾಂತರ ಜನರು ಈ ಪೆÇೀಸ್ಟ್ಗೆ ಹೃದಯಪೂರ್ವಕ ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ. ಈ ವಿಶೇಷ ಪೆÇೀಸ್ಟ್ಗೆ ಸಂಜಯ್ ದತ್ ಅವರ ಪತ್ನಿ ಮಾನ್ಯತಾ ದತ್ ಅವರು “ಜೀವನದುದ್ದಕ್ಕೂ ಸಹೋದರರು” ಎಂದು ಕಾಮೆಂಟ್ ಮಾಡುವ ಮೂಲಕ ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ. ಹಾಗೆಯೇ ಸಂಜಯ್ ದತ್ ಅವರ ಹಿರಿಯ ಮಗಳು ತ್ರಿಶಾಲಾ ದತ್ ಕೂಡ ಪ್ರೀತಿಯ ಹೃದಯದ ಎಮೋಜಿಯೊಂದಿಗೆ ಕಾಮೆಂಟ್ ಮಾಡಿ ಈ ಸಹೋದರತ್ವಕ್ಕೆ ತಮ್ಮ ಬೆಂಬಲ ಸೂಚಿಸಿದ್ದಾರೆ.
ಸಂಜಯ್ ದತ್ ಮತ್ತು ಸಲ್ಮಾನ್ ಖಾನ್ ನಡುವಿನ ಈ ಆಳವಾದ ಸ್ನೇಹವನ್ನು ಬಾಲಿವುಡ್ನ ಅತ್ಯಂತ ರೋಚಕ ಹಾಗೂ ದಂತಕಥೆಯಂತಹ ಬಾಂಧವ್ಯ ಎಂದು ಪರಿಗಣಿಸಲಾಗಿದೆ. ಆದರೆ, ಇಷ್ಟೊಂದು ಗಾಢವಾದ ಸ್ನೇಹದ ನಡುವೆಯೂ ಒಮ್ಮೆ ಸಂಜಯ್ ದತ್ ಸಲ್ಮಾನ್ ಖಾನ್ ಅವರ ಮೇಲೆ ತೀವ್ರವಾಗಿ ಕೋಪಗೊಂಡಿದ್ದ ಘಟನೆಯೊಂದು ನಡೆದಿತ್ತು. ಪ್ರಸಿದ್ಧ ನಿರೂಪಕ ರಜತ್ ಶರ್ಮಾ ಅವರ ‘ಆಪ್ ಕಿ ಅದಾಲತ್’ ಕಾರ್ಯಕ್ರಮದಲ್ಲಿ ಸಲ್ಮಾನ್ ಖಾನ್ ಸ್ವತಃ ಈ ಕುತೂಹಲಕಾರಿ ಘಟನೆಯನ್ನು ಸಾರ್ವಜನಿಕವಾಗಿ ಬಹಿರಂಗಪಡಿಸಿದ್ದರು.
ಸಲ್ಮಾನ್ ಖಾನ್ ಅವರ ಸಹೋದರ ಸೊಹೈಲ್ ಖಾನ್ ನಟಿಸಿ ನಿರ್ದೇಶಿಸಿದ್ದ “ಮೈನೆ ದಿಲ್ ತುಜ್ಕೋ ದಿಯಾ” ಚಿತ್ರದಲ್ಲಿ ಸಂಜಯ್ ದತ್ ಕೇವಲ ಸ್ನೇಹಕ್ಕಾಗಿ ಒಂದು ವಿಶೇಷ ಅತಿಥಿ ಪಾತ್ರದಲ್ಲಿ ಉಚಿತವಾಗಿ ನಟಿಸಿಕೊಟ್ಟಿದ್ದರು. ಈ ಚಿತ್ರದ ಶೂಟಿಂಗ್ ಯಶಸ್ವಿಯಾಗಿ ಮುಗಿದ ನಂತರ, ಸಂಜಯ್ ದತ್ ಸಲ್ಮಾನ್ ಅವರ ಮನೆಗೆ ಬಂದಿದ್ದರು. ಅಲ್ಲಿ ಒಂದು ಸಂಭ್ರಮದ ಪಾರ್ಟಿ ನಡೆಯುತ್ತಿತ್ತು. ಅದೇ ಸಮಯದಲ್ಲಿ ಸಲ್ಮಾನ್ ಖಾನ್ ಹೊಸದಾಗಿ ಕಪ್ಪು ಬಣ್ಣದ ಬಿ ಎಂ ಡಬ್ಲ್ಯೂ ಎಂ 5 ಕಾರನ್ನು ಖರೀದಿಸಿದ್ದರು. ಸಂಜಯ್ ದತ್ ಅವರ ಕೊಡುಗೆಗೆ ಕೃತಜ್ಞತೆ ಸಲ್ಲಿಸುವ ಉದ್ದೇಶದಿಂದ ಸಲ್ಮಾನ್ ಅವರನ್ನು ಹೊರಗೆ ಕರೆದೊಯ್ದು, “ಬಾಬಾ, ಇದು ಭಾರತ ದೇಶಕ್ಕೆ ಬಂದ ಮೊದಲ ಬಿ ಎಂ ಡಬ್ಲ್ಯೂ ಎಂ 5 ಃ ಕಾರು, ಮತ್ತು ಇದನ್ನು ನಾನು ನಿಮಗೆ ಪ್ರೀತಿಯ ಉಡುಗೊರೆಯಾಗಿ ನೀಡಬೇಕೆಂದು ಬಯಸುತ್ತೇನೆ” ಎಂದು ಹೇಳಿದರು.