ಮುಂಬೈ, ಆ. 20- ಬ್ರಹ್ಮಾಸ್ತ್ರ 2' ಸಿನಿಮಾದ ಕುರಿತು ಹೊರಬಿದ್ದಿರುವ ಹೊಸ ವಿವರಗಳು ಬಾಲಿವುಡ್ ಅಂಗಳದಲ್ಲಿ ಭಾರಿ ಸಂಚಲನ ಮೂಡಿಸಿದ್ದು, ಅಸ್ಟ್ರಾವರ್ಸ್ ಜಗತ್ತಿನ ಕಥೆಯನ್ನು ಕಣ್ಣುಂಬಿಕೊಳ್ಳಲು ಕಾಯುತ್ತಿರುವ ಅಭಿಮಾನಿಗಳಲ್ಲಿ ಕಾತುರವನ್ನು ಇಮ್ಮಡಿಗೊಳಿಸಿವೆ. ನಿರ್ದೇಶಕ ಅಯಾನ್ ಮುಖರ್ಜಿ ಕಲ್ಪನೆಯಲ್ಲಿ ಮೂಡಿಬರಲಿರುವ ಈ ಬೃಹತ್ ಫ್ಯಾಂಟಸಿ ಲೋಕದ ಎರಡನೇ ಭಾಗವು ಪ್ರೇಕ್ಷಕರಿಗೆ ಸಂಪೂರ್ಣ ವಿಭಿನ್ನ ಹಾಗೂ ವಿಶಾಲವಾದ ದೃಶ್ಯಕಾವ್ಯವನ್ನು ಉಡುಗೊರೆಯಾಗಿ ನೀಡಲು ಸಜ್ಜಾಗುತ್ತಿದೆ. ಪ್ರಸ್ತುತ ಲಭ್ಯವಿರುವ ಮಾಹಿತಿಯ ಪ್ರಕಾರ, ನಟ ರಣಬೀರ್ ಕಪೂರ್ ಅವರು ನಿತೇಶ್ ತಿವಾರಿ ನಿರ್ದೇಶನದ ಬ್ರಹ್ಮಾಂಡ ನಿರ್ಮಾಣದ 'ರಾಮಾಯಣ ಭಾಗ 2' ಚಿತ್ರೀಕರಣದಲ್ಲಿ ಸಂಪೂರ್ಣವಾಗಿ ತೊಡಗಿಸಿಕೊಂಡಿದ್ದು, ಈ ಮಹತ್ವಾಕಾಂಕ್ಷೆಯ ಯೋಜನೆಯನ್ನು ಜನವರಿ 2027 ರ ವೇಳೆಗೆ ಪೂರ್ಣಗೊಳಿಸುವ ನಿರೀಕ್ಷೆಯಿದೆ. ಈ ಕಮಿಟ್ಮೆಂಟ್ ಮುಗಿಯುತ್ತಿದ್ದಂತೆಯೇ, ಕೆಲವು ತಿಂಗಳ ಕಾಲ ಬ್ರಹ್ಮಾಸ್ತ್ರ 2 ಚಿತ್ರಕ್ಕೆ ಅಗತ್ಯವಿರುವ ತಾಂತ್ರಿಕ ಪ್ರಿ-ಪೆÇ್ರಡಕ್ಷನ್ ಮತ್ತು ವಿಶೇಷ ತರಬೇತಿ ಕಾರ್ಯಗಳಲ್ಲಿ ಭಾಗವಹಿಸಿ, ಏಪ್ರಿಲ್ 2027 ರ ಹೊತ್ತಿಗೆ ಭವ್ಯ ಸೆಟ್ಗಳಿಗೆ ಕಾಲಿಡಲು ಯೋಜಿಸಲಾಗಿದೆ. ಈ ಸೀಕ್ವೆಲ್ನ ಅತ್ಯಂತ ಕುತೂಹಲಕಾರಿ ಮತ್ತು ವಿಶಿಷ್ಟ ಅಂಶವೆಂದರೆ ರಣಬೀರ್ ಕಪೂರ್ ಅವರ ದ್ವಿಪಾತ್ರದ ಜಾದೂ. ಮೊದಲ ಭಾಗದಲ್ಲಿ ಕೇವಲಶಿವ’ನಾಗಿ ಪ್ರೇಕ್ಷಕರ ಮನಗೆದ್ದಿದ್ದ ರಣಬೀರ್, ಈ ಸೀಕ್ವೆಲ್ನಲ್ಲಿ ಶಿವ' ಮಾತ್ರವಲ್ಲದೆ ಶಕ್ತಿಶಾಲಿ ಮತ್ತು ರಹಸ್ಯಮಯ ನಾಯಕದೇವ್’ ಪಾತ್ರದಲ್ಲೂ ಕಾಣಿಸಿಕೊಳ್ಳಲಿದ್ದಾರೆ. ಮೊದಲ ಸಿನಿಮಾದ ಅಂತ್ಯದಲ್ಲಿ ದೇವ್ ಪಾತ್ರದ ಸಣ್ಣ ಸುಳಿವು ನೀಡಿ ಕುತೂಹಲ ಹೆಚ್ಚಿಸಲಾಗಿತ್ತು, ಆದರೆ ಈ ಎರಡನೇ ಭಾಗದಲ್ಲಿ ದೇವ್ ಕಥೆಯ ಹಿನ್ನೆಲೆ, ಆತನ ಶಕ್ತಿ ಹಾಗೂ ಆತನ ಭೂತಕಾಲವನ್ನು ಅತ್ಯಂತ ಆಳವಾಗಿ ಅನ್ವೇಷಿಸಲಾಗುತ್ತದೆ. ಶಿವ ಮತ್ತು ದೇವ್ ನಡುವಿನ ನೇರ ಮುಖಾಮುಖಿ ಹಾಗೂ ಅವರಿಬ್ಬರ ನಡುವಿನ ಕರುಳಿನ ಸಂಪರ್ಕವು ಇಡೀ ಅಸ್ಟ್ರಾವರ್ಸ್ ಕಥಾನಕಕ್ಕೆ ಹೊಸ ತಿರುವು ನೀಡಿ, ಇಡೀ ಚಿತ್ರದ ಕಥೆಯನ್ನು ಪ್ರಧಾನವಾಗಿ ಮುನ್ನಡೆಸಲಿದೆ.
ಇನ್ನು ಪಾತ್ರವರ್ಗದ ವಿಷಯಕ್ಕೆ ಬಂದರೆ, ಆಲಿಯಾ ಭಟ್ ಅವರು ತಮ್ಮ ಮೊದಲ ಭಾಗದ ನಾಯಕಿ ಇಶಾ' ಪಾತ್ರದಲ್ಲೇ ಮುಂದುವರಿಯಲಿದ್ದಾರೆ. ಆದರೆ ಈ ಸೀಕ್ವೆಲ್ನಲ್ಲಿ ಎಲ್ಲರ ಗಮನ ಸೆಳೆಯುತ್ತಿರುವ ಮತ್ತೊಂದು ಪ್ರಮುಖ ಪಾತ್ರವೆಂದರೆ ಅದು 'ಅಮೃತ'. ಶಿವನ ತಾಯಿಯಾದ ಅಮೃತಾ ಪಾತ್ರಕ್ಕೆ ದೀಪಿಕಾ ಪಡುಕೋಣೆ ಅವರೇ ಸೂಕ್ತ ಎಂಬ ಚರ್ಚೆಗಳು ಮೊದಲ ಚಿತ್ರ ಬಿಡುಗಡೆಯಾದಾಗಿನಿಂದಲೂ ಕೇಳಿಬರುತ್ತಿದ್ದವು. ಪ್ರಸ್ತುತ ನಿರ್ದೇಶಕ ಅಯಾನ್ ಮುಖರ್ಜಿ ಈ ಪ್ರಭಾವಶಾಲಿ ಪಾತ್ರಕ್ಕಾಗಿ ದೀಪಿಕಾ ಪಡುಕೋಣೆ ಅವರೊಂದಿಗೆ ಗಂಭೀರ ಮಾತುಕತೆ ನಡೆಸುತ್ತಿದ್ದಾರೆ. ಅಸ್ಟ್ರಾವರ್ಸ್ ಕಥೆಯಲ್ಲಿ ಅಮೃತಾ ಪಾತ್ರಕ್ಕೆ ಅತ್ಯಂತ ಮಹತ್ವದ ಮತ್ತು ಆಯಕಟ್ಟಿನ ಸ್ಥಾನವಿದ್ದು, ಕಥೆಯನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯುವ ಶಕ್ತಿ ಈ ಪಾತ್ರಕ್ಕಿದೆ. ಒಂದು ವೇಳೆ ದೀಪಿಕಾ ಈ ಯೋಜನೆಗೆ ಅಂತಿಮವಾಗಿ ಸಹಿ ಹಾಕಿದರೆ, ಈ ಹಿಂದೆ ಭಾರತೀಯ ಚಿತ್ರರಂಗದಲ್ಲಿ ಸಂಚಲನ ಸೃಷ್ಟಿಸಿದ್ದಬಚ್ನಾ ಏ ಹಸೀನೋ’, ಯೇ ಜವಾನಿ ಹೈ ದಿವಾನಿ’ ಮತ್ತು ತಮಾಷಾ' ಚಿತ್ರಗಳ ಬಳಿಕ ರಣಬೀರ್ ಕಪೂರ್ ಮತ್ತು ದೀಪಿಕಾ ಪಡುಕೋಣೆ ಜೋಡಿ ಮತ್ತೆ ಬೆಳ್ಳಿಪರದೆ ಮೇಲೆ ಒಂದಾಗಲಿದೆ. ಪ್ರಸ್ತುತ ದೀಪಿಕಾ ಅವರ ಕಾಲ್ಶೀಟ್ ಲಭ್ಯತೆ ಮತ್ತು ಡೇಟ್ಸ್ ಹೊಂದಾಣಿಕೆಯಾದ ತಕ್ಷಣವೇ ಚಿತ್ರತಂಡದಿಂದ ಅಧಿಕೃತ ಪ್ರಕಟಣೆ ಹೊರಬೀಳುವ ಸಾಧ್ಯತೆಯಿದೆ. ಅತ್ಯಾಧುನಿಕ ವಿಎಫ್ಎಕ್ಸ್ ತಂತ್ರಜ್ಞಾನ ಮತ್ತು ಬೃಹತ್ ಬಜೆಟ್ನೊಂದಿಗೆ ಮೂಡಿಬರಲಿರುವಬ್ರಹ್ಮಾಸ್ತ್ರ 2′ ಭಾರತೀಯ ಸಿನಿಮಾರಂಗದಲ್ಲಿ ಮತ್ತೊಂದು ಅಪರೂಪದ ಮೈಲಿಗಲ್ಲು ಸ್ಥಾಪಿಸುವುದರಲ್ಲಿ ಅನುಮಾನವಿಲ್ಲ.