ಹುಬ್ಬಳ್ಳಿ,ಅ೩೧: ೧೧ನೇ ವಿಶ್ವ ಆಯುರ್ವೇದ ಸಮ್ಮೇಳನದ ಅಂಗವಾಗಿ ಎಚ್.ಎ.ಎಸ್.ಎಸ್. ಆಯುರ್ವೇದ ಮಹಾವಿದ್ಯಾಲಯ ಮತ್ತು ಆಸ್ಪತ್ರೆ, ಹುಬ್ಬಳ್ಳಿ ವತಿಯಿಂದ “ಸಂಭವ ಯುಗೇ ಯುಗೇ ? ಸಮಗ್ರ ಸಂತಾನೋತ್ಪತ್ತಿ ವೈದ್ಯಕೀಯ” ಎಂಬ ವಿಷಯದಡಿ ೧೧ ನೇ ಡಬ್ಲುö್ಯಎಸಿ ಉಪಸಮ್ಮೇಳನವನ್ನು ಹುಬ್ಬಳ್ಳಿಯ ಸವಾಯಿ ಗಂಧರ್ವ ಕಲಾಮಂದಿರದಲ್ಲಿ ಯಶಸ್ವಿಯಾಗಿ ನಡೆಯಿತು.
ಕಾರ್ಯಕ್ರಮದ ಮುಖ್ಯ ಪೋಷಕರಾದ ಗೋವಿಂದ ಜೋಶಿ, ಪೋಷಕರಾದ ಸಂಜೀವ್ ಜೋಶಿ ಅವರ ಉಪಸ್ಥಿತಿಯಲ್ಲಿ, ಸಂಸ್ಥೆಯ ಪ್ರಾಂಶುಪಾಲರು ಹಾಗೂ ವೈದ್ಯಕೀಯ ನಿರ್ದೇಶಕರಾದ ಡಾ. ಎ.ಎಸ್. ಪ್ರಶಾಂತ್ ಅವರ ಅಧ್ಯಕ್ಷತೆಯಲ್ಲಿ ಉದ್ಘಾಟನಾ ಸಮಾರಂಭ ಜರುಗಿತು.
ಸಂಘಟನಾ ಅಧ್ಯಕ್ಷರಾಗಿ ಡಾ. ಜೆ.ಆರ್. ಜೋಶಿ, ಸಂಘಟನಾ ಕಾರ್ಯದರ್ಶಿಗಳಾಗಿ ಡಾ. ಮಂಜುನಾಥ ನಾಯಕ್ ಮತ್ತು ಡಾ. ಮಹೇಶ್ ಸಾಲಿಮಠ ಕಾರ್ಯನಿರ್ವಹಿಸಿದರು. ವರ್ಚುವಲ್ ವೈಜ್ಞಾನಿಕ ಸಮಿತಿಯ ಡಾ. ಎಸ್.ಎ. ಪಾಟೀಲ್, ವೈಜ್ಞಾನಿಕ ಮತ್ತು ಶೈಕ್ಷಣಿಕ ಸಮಿತಿಯ ಅಧ್ಯಕ್ಷರಾದ ಡಾ. ಪ್ರಮೋದ್ ಕಟ್ಟಿ ಹಾಗೂ ಡಾ. ಪ್ರದೀಪ್ ಅಗ್ನಿಹೋತ್ರಿ ಕಾರ್ಯಕ್ರಮದ ಆಯೋಜನೆಯಲ್ಲಿ ಪ್ರಮುಖ ಪಾತ್ರ ವಹಿಸಿದರು.
ಗೋವಾದ ಅಖಿಲ ಭಾರತೀಯ ಆಯುರ್ವೇದ ಸಂಸ್ಥೆಯ ಡೀನ್ ಡಾ. ಸುಜಾತಾ ಕದಂ ಪಾಟೀಲ್, ಡಾ. ಮಾಧವ್ ದಿಗ್ಗಾವಿ, ಡಾ. ಸುರಜ್ ಕುಬಿಹಾಳ, ಡಾ. ಮಮತಾ ಕೆ.ವಿ., ಡಾ. ಸುಹಾಸಕುಮಾರ್ ಶೆಟ್ಟಿ, ಡಾ. ಮಮತಾ ಭಾಗವತ್, ಡಾ. ಗೋವಿಂದ ಮಿರಜ್ ಹಾಗೂ ಮೈಸೂರಿನ ಆಯುಷ್ ಸಂಶೋಧನಾ ಸಂಸ್ಥೆಯ ಸಹಾಯಕ ನಿರ್ದೇಶಕ ಡಾ. ಎಲ್.ಎನ್. ಶೆಣೈ ಅವರು ವಿವಿಧ ಗೋಷ್ಠಿಗಳಲ್ಲಿ ಉಪನ್ಯಾಸ ನೀಡಿದರು.
ಬಂಜೆತನ ನಿವಾರಣೆಯಲ್ಲಿ ಆಯುರ್ವೇದದ ಪಾತ್ರ, ಪುರುಷ ಮತ್ತು ಮಹಿಳೆಯರ ಫಲವತ್ತತೆ, ಪಂಚಕರ್ಮ ಚಿಕಿತ್ಸೆ, ಗರ್ಭಸಂಸ್ಕಾರ, ಭ್ರೂಣದ ಬೆಳವಣಿಗೆ ಹಾಗೂ ಐವಿಎಫ್, ಐಯುಐ ಮತ್ತು ಐಸಿಎಸ್‌ಐ ಮುಂತಾದ ಆಧುನಿಕ ಸಂತಾನೋತ್ಪತ್ತಿ ತಂತ್ರಜ್ಞಾನಗಳ ಕುರಿತು ತಜ್ಞರು ವಿಚಾರ ಮಂಡಿಸಿದರು. ನಂತರ ತಜ್ಞರ ಫಲಕ ಚರ್ಚೆ ನಡೆಯಿತು.
ಈ ಉಪಸಮ್ಮೇಳನದಲ್ಲಿ ಮಹಾವಿದ್ಯಾಲಯದ ಎಲ್ಲಾ ವಿಭಾಗಗಳ ಬೋಧಕ ಸಿಬ್ಬಂದಿ, ಬೋಧಕೇತರ ಸಿಬ್ಬಂದಿ, ಆಸ್ಪತ್ರೆಯ ವೈದ್ಯರು ಹಾಗೂ ಸಿಬ್ಬಂದಿ, ಪದವಿಪೂರ್ವ (ಯುಜಿ) ಮತ್ತು ಸ್ನಾತಕೋತ್ತರ (ಪಿಜಿ) ವಿದ್ಯಾರ್ಥಿಗಳು, ಆಡಳಿತ ಮಂಡಳಿಯ ಸದಸ್ಯರು, ವಿವಿಧ ಸಮಿತಿಗಳ ಪದಾಧಿಕಾರಿಗಳು ಪಾಲ್ಗೊಂಡಿದ್ದರು.