ಲಂಡನ್, ಸೆ.21: ಜನರ ರಾಜಕುಮಾರಿ’ ಎಂದೇ ಜನಪ್ರಿಯರಾಗಿದ್ದ ಡಯಾನಾ ಅವರ ಪ್ರತೀಕಾರದ ಉಡುಪು' ಶುಕ್ರವಾರ ಲಂಡನ್ನಲ್ಲಿ ಪ್ರದರ್ಶನಗೊಂಡಿದೆ. ರಾಜ ಚಾಲ್ರ್ಸ್ ಅವರ ಸಾವಿನ ಕುರಿತ ಹೊಸ ಆರೋಪಗಳು ಪ್ರಕಟವಾದ ಕೆಲವೇ ದಿನಗಳಲ್ಲಿ ನಡೆದ ಈ ಪ್ರದರ್ಶನವು, ಸುಮಾರು 30 ವರ್ಷಗಳ ಬಳಿಕವೂ ರಾಜಮನೆತನದ ಮೇಲೆ ಡಯಾನಾ ಬೀರಿರುವ ಪ್ರಭಾವವನ್ನು ತೋರಿಸಿದೆ. 1990ರ ದಶಕದ ಆರಂಭದಲ್ಲಿ ಚಾಲ್ರ್ಸ್?ಡಯಾನಾ ದಾಂಪತ್ಯ ಮುರಿದುಬಿದ್ದ ಸಂದರ್ಭದಲ್ಲಿ, ಚಾಲ್ರ್ಸ್ ತಮ್ಮ ದಾಂಪತ್ಯೇತರ ಸಂಬಂಧ ಒಪ್ಪಿಕೊಂಡ ಕೆಲವೇ ದಿನಗಳಲ್ಲಿ ಡಯಾನಾ ಭುಜ ತೆರೆದ ಕಪ್ಪು ರೇಷ್ಮೆ ಉಡುಪು ಧರಿಸಿ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದರು. ಅದು ದಂಪತಿಯ ನಡುವಿನ ಅಸಮಾಧಾನದ ಸಂಕೇತವಾಯಿತು. ಡಯಾನಾ ಅವರ ಸಹೋದರ ಚಾಲ್ರ್ಸ್ ಸ್ಪೆನ್ಸರ್ ಅವರ ಶೀಘ್ರದಲ್ಲೇ ಪ್ರಕಟವಾಗಲಿರುವ ಪುಸ್ತಕದ ಭಾಗಗಳು ಈ ವಾರ ಪ್ರಕಟಗೊಂಡಿದ್ದು, ಡಯಾನಾ ಸಾವಿನ ತಕ್ಷಣ ಚಾಲ್ರ್ಸ್ ಅತಿಯಾದ ಉಲ್ಲಾಸದಲ್ಲಿದ್ದರು’ ಎಂದು ಆರೋಪಿಸಿವೆ. ಬಕಿಂಗ್ಹ್ಯಾಮ್ ಅರಮನೆ, ದುಃಖದಿಂದ ಲೇಖಕರ ನೆನಪು ಪ್ರಭಾವಿತವಾಗಿರಬಹುದು ಎಂದು ಪ್ರತಿಕ್ರಿಯಿಸಿದೆ.
ಸೋಥೆಬೀಸ್ನಲ್ಲಿ ಅನಾವರಣಗೊಂಡ ಉಡುಪು ಹಾಂಗ್ಕಾಂಗ್, ಜಿನೀವಾ ಮತ್ತು ನ್ಯೂಯಾರ್ಕ್ ಪ್ರವಾಸ ಕೈಗೊಳ್ಳಲಿದೆ. ಡಿಸೆಂಬರ್ನಲ್ಲಿ ನ್ಯೂಯಾರ್ಕ್ನಲ್ಲಿ ಹರಾಜಾಗಲಿರುವ ಇದರ ಅಂದಾಜು ಬೆಲೆ 1.5 ಲಕ್ಷದಿಂದ 3 ಲಕ್ಷ ಡಾಲರ್. 1994ರಲ್ಲಿ ಧರಿಸಿದ್ದ ಈ ಉಡುಪು, ಕ್ಯಾಮಿಲಾ ಅವರೊಂದಿಗಿನ ಚಾಲ್ರ್ಸ್ ಸಂಬಂಧದ ಹಿನ್ನೆಲೆಯಲ್ಲಿ ಡಯಾನಾ ತೋರಿದ ಧೈರ್ಯದ ಸಂಕೇತವೆಂದು ಪರಿಗಣಿಸಲಾಗಿತ್ತು. ಕ್ಯಾಮಿಲಾರನ್ನು ಅವರು 2005ರಲ್ಲಿ ವಿವಾಹವಾದರು.
ಸೋಥೆಬೀಸ್ನ ಜಾಗತಿಕ ಫ್ಯಾಷನ್ ಮುಖ್ಯಸ್ಥೆ ಮೊರ್ಗೇನ್ ಹಲೀಮಿ, ಅತ್ಯಂತ ಸುಂದರ, ಶಕ್ತಿಶಾಲಿಯಾಗಿ ಕಾಣಲು ಅವರು ಈ ಉಡುಪು ಆಯ್ದುಕೊಂಡರು. ಇದು ಆತ್ಮವಿಶ್ವಾಸ ಮತ್ತು ಸ್ವಾಭಿಮಾನದ ಸಂಕೇತ'' ಎಂದರು. ಶುಕ್ರವಾರ ಜನರು ಉಡುಪು ವೀಕ್ಷಿಸಲು ಬಂದಾಗ, ಸ್ಪೆನ್ಸರ್ ಆರೋಪಗಳು ಬ್ರಿಟನ್ನ ಪತ್ರಿಕೆಗಳು, ರೇಡಿಯೊ ಮತ್ತು ಪಬ್ಗಳ ಚರ್ಚೆಗಳಲ್ಲಿ ಪ್ರಮುಖವಾಗಿದ್ದವು. ಎಲ್ಲರೂ ಅವರನ್ನು ಇಷ್ಟಪಟ್ಟಿದ್ದರು; ಅವರ ಕಥೆ ಎಂದಿಗೂ ಸಾಯದು,” ಎಂದು 54 ವರ್ಷದ ಮಕ್ಕಳ ವೈದ್ಯಕೀಯ ನರ್ಸ್ ಮೆರೆಟೆ ಲುಂಡ್ ಜೆನ್ಸನ್ ಹೇಳಿದರು.
ಡಯಾನಾ ನಿರಾಶ್ರಿತರು, ಆಸ್ಪತ್ರೆಯ ಮಕ್ಕಳು ಮತ್ತು ಏಡ್ಸ್ಪೀಡಿತರನ್ನು ಆತ್ಮೀಯವಾಗಿ ಭೇಟಿಯಾಗುವುದಕ್ಕಾಗಿ ಪ್ರಸಿದ್ಧರಾಗಿದ್ದರು. 1997ರಲ್ಲಿ ಪ್ಯಾರಿಸ್ನಲ್ಲಿ ಕಾರು ಅಪಘಾತದಲ್ಲಿ ಮೃತಪಟ್ಟಾಗ ಅವರಿಗೆ 36 ವರ್ಷ. ಹಿಂದಿನ ವರ್ಷವೇ ಚಾಲ್ರ್ಸ್ನಿಂದ ವಿಚ್ಛೇದನ ಅಂತಿಮಗೊಂಡಿತ್ತು. ಆಗ ವಿಲಿಯಂ ಮತ್ತು ಹ್ಯಾರಿ ಕ್ರಮವಾಗಿ 15 ಮತ್ತು 12 ವರ್ಷದವರಾಗಿದ್ದರು.
ಅವರ ಸಾವಿನಿಂದ ರಾಜಮನೆತನ ಬಿಕ್ಕಟ್ಟಿಗೆ ಸಿಲುಕಿತು. ದೇಶಾದ್ಯಂತ ವ್ಯಕ್ತವಾದ ದುಃಖಕ್ಕೆ ವಿರುದ್ಧವಾಗಿದ್ದ ರಾಜಮನೆತನದ ಭಾವನಾರಹಿತ ನಿಲುವು ಜನರ ಆಕ್ರೋಶಕ್ಕೆ ಕಾರಣವಾಗಿ, ಸಂಸ್ಥೆ ತನ್ನ ಧೋರಣೆ ಬದಲಾಯಿಸಬೇಕಾಯಿತು.
ಚಾಲ್ರ್ಸ್ ಡಯಾನಾಳನ್ನು ಶೀಘ್ರದಲ್ಲೇ ಮರೆತುಬಿಡುತ್ತೇವೆ' ಎಂದಿದ್ದರು ಎಂದು ಸ್ಪೆನ್ಸರ್ ಬರೆದಿದ್ದಾರೆ. ``ಇತರರು ದುಃಖದಿಂದ ಮಾತೇ ಆಡಲಾಗದೆ ಇದ್ದರೆ, ಅವರು ಲಾಟರಿ ಗೆದ್ದವನಂತೆ ಅತಿಯಾದ ಉಲ್ಲಾಸದಲ್ಲಿದ್ದರು,'' ಎಂದು ಅವರು ಹೇಳಿದ್ದಾರೆ. ಕ್ಯಾನ್ಸರ್ ಚಿಕಿತ್ಸೆಯಲ್ಲಿರುವ 77 ವರ್ಷದ ಚಾಲ್ರ್ಸ್, ದೂರವಾಗಿರುವ ಪುತ್ರ ಹ್ಯಾರಿಯೊಂದಿಗೆ ಸಂಬಂಧ ಸುಧಾರಿಸಲು ಪ್ರಯತ್ನಿಸುತ್ತಿದ್ದಾರೆ. ತಮ್ಮ ಕಿರಿಯ ಸಹೋದರ ಆಂಡ್ರ್ಯೂ ಮೌಂಟ್ಬ್ಯಾಟನ್-ವಿಂಡ್ಸರ್ ಬಂಧನದ ಪರಿಣಾಮವನ್ನೂ ಎದುರಿಸುತ್ತಿದ್ದಾರೆ. ಡೈಲಿ ಮೇಲ್ನಲ್ಲಿ ಧಾರಾವಾಹಿಯಾಗಿ ಪ್ರಕಟವಾಗುತ್ತಿರುವ ಪುಸ್ತಕ ಮಂಗಳವಾರ ಬಿಡುಗಡೆಯಾಗಲಿದೆ. ಅರಮನೆ ವಕ್ತಾರರು, ``ಸಹೋದರನ ಸಾವಿನ ನೋವು ವಿವೇಕ, ತೀರ್ಮಾನ ಮತ್ತು ನೆನಪನ್ನು ಮಸುಕುಗೊಳಿಸಬಹುದು,'' ಎಂದರು. ರಾಜಕೀಯ ವಿಶ್ಲೇಷಕಿ ಅಫುವಾ ಹಗನ್, ಪ್ರತಿಕ್ರಿಯೆ ಚಳಿಯುತ, ದೂರದ’ದ್ದಾಗಿದ್ದು, ಡಯಾನಾ ಇನ್ನೂ ಎಷ್ಟು ಜನಪ್ರಿಯರೆಂಬುದನ್ನು ರಾಜಮನೆತನ ಅರಿತಿಲ್ಲವೆಂಬುದನ್ನು ತೋರಿಸಿದೆ ಎಂದರು.