ಟೆಲ್ ಅವೀವಾ,ಮೇ.27- ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಹಿಜ್ಬೊಲ್ಲಾ ವಿರುದ್ಧ ಮಿಲಿಟರಿ ಕ್ರಮ ಕೈಗೊಳ್ಳುವುದಾಗಿ ಪ್ರತಿಜ್ಞೆ ಮಾಡಿದ ನಂತರ, ದಕ್ಷಿಣ ಮತ್ತು ಪೂರ್ವ ಲೆಬನಾನ್ನಾದ್ಯಂತ ಇಸ್ರೇಲ್ ಸೇನೆ ನಡೆಸಿದ ತೀವ್ರ ದಾಳಿಯಲ್ಲಿ ಕನಿಷ್ಠ 31 ಮಂದಿ ಸಾವನ್ನಪ್ಪಿರುವ ಘಟನೆ ನಡೆದಿದೆ.
ಮಕ್ಕಳು ಸೇರಿದಂತೆ ಕನಿಷ್ಠ 31 ಜನರು ಸಾವನ್ನಪ್ಪಿದ್ದು ನೂರಾರರು ಮಂದಿ ಗಾಯಗೊಂಡಿದ್ದಾರೆ ಎಂದು ಲೆಬನಾನ್ನ ಆರೋಗ್ಯ ಸಚಿವಾಲಯ ತಿಳಿಸಿದೆ.
ಏಪ್ರಿಲ್ ಮಧ್ಯದಲ್ಲಿ ಅಮೆರಿಕ ಮಧ್ಯಸ್ಥಿಕೆಯಲ್ಲಿ ಕದನ ವಿರಾಮ ಪ್ರಾರಂಭವಾದ ನಂತರದ ಅತ್ಯಂತ ಭೀಕರ ಬಾಂಬ್ ದಾಳಿಗಳಲ್ಲಿ ಒಂದಾಗಿದೆ ಈ ದಾಳಿಯಲ್ಲಿ 100 ಕ್ಕೂ ಹೆಚ್ಚು ಹೆಜ್ಬೊಲ್ಲಾ ಮೂಲಸೌಕರ್ಯ ತಾಣಗಳು ಮತ್ತು ಹೋರಾಟಗಾರರ ಮೇಲೆ ದಾಳಿ ನಡೆಸಲಾಗಿದೆ ಎಂದು ಇಸ್ರೇಲ್ ಸೇನೆ ತಿಳಿಸಿದೆ.
ಹೆಜ್ಬೊಲ್ಲಾವನ್ನು ಗುರಿಯಾಗಿಸಿ ನಡೆಸುವಂತೆ ಇಸ್ರೇಲ್ ಸೇನೆಗೆ ಪ್ರಧಾನಿ ಬೆಂಜಮಿನ್ ನೇತನ್ಯಾಹು ಸೂಚನೆ ನೀಡಿದ ಬಳಿಕ ಈ ದಾಳಿ ನಡೆದಿದೆ.
ಭದ್ರತಾ ಸಂಪುಟ ಸಭೆಯಲ್ಲಿ ಮಾತನಾಡಿದ ಪ್ರದಾನಿ, ಇಸ್ರೇಲ್ “ಲೆಬನಾನ್ನಲ್ಲಿ ನಮ್ಮ ಕಾರ್ಯಾಚರಣೆಯನ್ನು ಇನ್ನಷ್ಟು ಹೆಚ್ಚಿಸುತ್ತಿದೆ” ಎಂದು ಗುಡುಗಿದ್ದರು.
ಇಸ್ರೇಲ್ ರಕ್ಷಣಾ ಪಡೆಗಳು ನೆಲದ ಮೇಲೆ ದೊಡ್ಡ ಪಡೆಗಳೊಂದಿಗೆ ಕಾರ್ಯನಿರ್ವಹಿಸುತ್ತಿವೆ ಮತ್ತು ಪ್ರಬಲ ಭೂಪ್ರದೇಶವನ್ನು ವಶಪಡಿಸಿಕೊಳ್ಳುತ್ತಿವೆ” ಉತ್ತರ ಇಸ್ರೇಲ್ನಲ್ಲಿರುವ ಸಮುದಾಯಗಳನ್ನು ಹೆಜ್ಬೊಲ್ಲಾ ದಾಳಿಯಿಂದ ರಕ್ಷಿಸಲು “ಭದ್ರತಾ ವಲಯವನ್ನು ಬಲಪಡಿಸುತ್ತಿದ್ದಾರೆ” ಎಂದು ಹೇಳಿದ್ದಾರೆ.
ಅಮೆರಿಕ, ಇಸ್ರೇಲ್ ಮತ್ತು ಇರಾನ್ ನಡುವಿನ ಯುದ್ಧವನ್ನು ಕೊನೆಗೊಳಿಸಲು ನಡೆಯುತ್ತಿರುವ ಸಂಕೀರ್ಣ ಮಾತುಕತೆಗಳನ್ನು ಹಳಿತಪ್ಪಿಸುವ ಬೆದರಿಕೆಯನ್ನು ಎರಡೂ ಕಡೆಯವರು ಪದೇ ಪದೇ ಉಲ್ಲಂಘಿಸುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ
ಇಸ್ರೇಲ್ ವಾಯು ಮತ್ತು ಫಿರಂಗಿ ದಾಳಿಗಳು ಪ್ರತಿದಿನವೂ ಮುಂದುವರೆದಿವೆ, ವಿಶೇಷವಾಗಿ ಲೆಬನಾನ್ನ ದಕ್ಷಿಣದಲ್ಲಿ, ಹೆಜ್ಬೊಲ್ಲಾ ಉತ್ತರ ಇಸ್ರೇಲ್ನ ಸಮುದಾಯಗಳ ಮೇಲೆ ಮತ್ತು ದಕ್ಷಿಣ ಲೆಬನಾನ್ನ ಕೆಲವು ಭಾಗಗಳನ್ನು ಆಕ್ರಮಿಸಿಕೊಂಡಿರುವ ಇಸ್ರೇಲಿ ಪಡೆಗಳ ಮೇಲೆ ರಾಕೆಟ್ಗಳು ಮತ್ತು ಡ್ರೋನ್ ದಾಳಿ ನಡೆಸಲಾಗುತ್ತಿದೆ ಎಂದು ದೂರಿದ್ದಾರೆ.
ವೈಮಾನಿಕ ದಾಳಿಗಳು ದಕ್ಷಿಣ ಲೆಬನಾನ್ನ ಬೆಕಾ ವ್ಯಾಲಿ ಗ್ರಾಮವಾದ ಮಶ್ಘರಾ ಮತ್ತು ಬುರ್ಜ್ ಅಲ್-ಶಮಾಲಿಯನ್ನು ಗುರಿಯಾಗಿಸಿಕೊಂಡಿವೆ ಎಂದು ಸ್ಥಳೀಯ ಮಾಧ್ಯಮಗಳು ತಿಳಿಸಿವೆ.
ಬ್ಯೂಫೆÇೀರ್ಟ್ ಕ್ಯಾಸಲ್ ಬಳಿ ಕೆಲವು ದಾಳಿಗಳು ಸಂಭವಿಸಿವೆ ಎಂದು ರಾಜ್ಯ ಮಾಧ್ಯಮ ವರದಿ ಮಾಡಿದೆ, ಸುಮಾರು 900 ವರ್ಷಗಳಷ್ಟು ಹಳೆಯದಾದ ಕೋಟೆಯಾಗಿದ್ದು, ಈ ಪ್ರದೇಶವನ್ನು “ಮಧ್ಯಕಾಲೀನ ಕೋಟೆಗಳ ಅತ್ಯುತ್ತಮ ಸಂರಕ್ಷಿತ ಉದಾಹರಣೆಗಳಲ್ಲಿ ಒಂದಾಗಿದೆ” ಎಂದು ವಿಶ್ವಸಂಸ್ಥೆಯ ಪರಂಪರೆಯ ಸಂಸ್ಥೆ ಯುನೆಸ್ಕೋ ಗುರುತಿಸಿದೆ.
ವೀಡಿಯೊ ಹೇಳಿಕೆಯಲ್ಲಿ, ಇರಾನ್ ಬೆಂಬಲಿತ ಶಿಯಾ ಮುಸ್ಲಿಂ ಗುಂಪಿನ ದಾಳಿಗಳಿಗೆ ಪ್ರತಿಕ್ರಿಯೆಯಾಗಿ ಇಸ್ರೇಲ್ ಹೆಜ್ಬೊಲ್ಲಾವನ್ನು ಗುರಿಯಾಗಿಸಿಕೊಂಡು ತನ್ನ ದಾಳಿಗಳ ಸಂಖ್ಯೆ ಮತ್ತು ತೀವ್ರತೆಯನ್ನು ಹೆಚ್ಚಿಸಲಿದೆ ಇದರಲ್ಲಿ ಇಸ್ರೇಲಿ ರಕ್ಷಣೆಯನ್ನು ತಪ್ಪಿಸುವ ಫೈಬರ್-ಆಪ್ಟಿಕ್ ಡ್ರೋನ್ಗಳನ್ನು ಒಳಗೊಂಡ ದಾಳಿಗಳು ಸೇರಿವೆ ಎಂದು ಬೆಂಜಮಿನ್ ನೆತನ್ಯಾಹು ಹೇಳಿದ್ದಾರೆ
ಈ ಘೋಷಣೆ ಹಿಜ್ಬೊಲ್ಲಾ ಭದ್ರಕೋಟೆಯಾದ ಬೈರುತ್ನ ದಕ್ಷಿಣ ಉಪನಗರಗಳಲ್ಲಿ ಭೀತಿಯ ದೃಶ್ಯಗಳನ್ನು ಸೃಷ್ಟಿಸಿದೆ. ನಿವಾಸಿಗಳು ಈ ಹೇಳಿಕೆಗಳನ್ನು ಅನುಸರಿಸಿ ಪ್ರದೇಶದಿಂದ ಪಲಾಯನ ಮಾಡುತ್ತಿರುವುದು ಕಂಡುಬಂದಿತು. ಸುರಕ್ಷತೆಗಾಗಿ ತಪ್ಪಿಸಿಕೊಳ್ಳಲು ಪ್ರಯತ್ನಿಸುತ್ತಿರುವ ಕುಟುಂಬಗಳೊಂದಿಗೆ ಸಾವಿರಾರು ಕಾರುಗಳು ಬೀದಿಗಳಲ್ಲಿ ಸಾಲುಗಟ್ಟಿ ನಿಂತಿವೆ ಎಂದು ಹೇಳಲಾಗಿದೆ.