ಗ್ಯಾಂಗ್ಟಾಕ್,ಏ.೨೮-ಪ್ರಧಾನಿ ನರೇಂದ್ರ ಮೋದಿ ಪ್ರಸ್ತುತ ಸಿಕ್ಕಿಂಗೆ ಎರಡು ದಿನಗಳ ಭೇಟಿಯಲ್ಲಿದ್ದಾರೆ . ಸಿಕ್ಕಿಂನ ೫೦ ನೇ ರಾಜ್ಯೋತ್ಸವ ದಿನಾಚರಣೆಯ ಸಮಾರೋಪ ಸಮಾರಂಭದಲ್ಲಿ ಭಾಗವಹಿಸಲು ಪ್ರಧಾನಿ ಮೋದಿ ಗ್ಯಾಂಗ್ಟಾಕ್ಗೆ ಆಗಮಿಸಿದ್ದಾರೆ.
ಪ್ರಧಾನಿ ಮೋದಿ ಇಂದು ಬೆಳಿಗ್ಗೆ ಗ್ಯಾಂಗ್ಟಾಕ್ನಲ್ಲಿ ಮಕ್ಕಳೊಂದಿಗೆ ಫುಟ್ಬಾಲ್ ಆಡಿದ್ದಾರೆ.ವಿಶ್ವ ಪ್ರಸಿದ್ಧ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿಯಂತೆಯೇ, ಅವರು ಗೋಲುಗಳ ಸುರಿಮಳೆಯನ್ನು ಸುರಿಸಿದ್ದರು. ಮಕ್ಕಳೊಂದಿಗಿನ ಫುಟ್ಬಾಲ್ ಆಟದ ಅವಧಿಯನ್ನು ಪ್ರಧಾನಿ ಮೋದಿ ಅವರು ಚೈತನ್ಯದಾಯಕ ಎಂದು ಬಣ್ಣಿಸಿದ್ದಾರೆ ಮತ್ತು ಸಾಮಾಜಿಕ ಮಾಧ್ಯಮದಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
ಫುಟ್ಬಾಲ್ ಆಡುವ ಮಜಾ ಬೇರೆಯೇ ಇದೆ.
ಪ್ರಧಾನಿ ಮೋದಿ ಫುಟ್ಬಾಲ್ ಆಡುತ್ತಿರುವ ಕೆಲವು ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. “ಸುಂದರವಾದ ಗ್ಯಾಂಗ್ಟಾಕ್ ಬೆಳಿಗ್ಗೆ ಸಿಕ್ಕಿಂನ ಯುವ ಸ್ನೇಹಿತರೊಂದಿಗೆ ಫುಟ್ಬಾಲ್ ಆಡುವ ಮಜವೇ ಬೇರೆ ಎಂದು ಅವರು ಬರೆದಿದ್ದಾರೆ.
ಬಂಗಾಳದಲ್ಲಿ ನಾಳೆ ಎರಡನೇ ಹಂತದ ಮತದಾನ . ಆದ್ದರಿಂದ, ಇಂದು ಮೋದಿ ಫುಟ್ಬಾಲ್ ಆಡುವುದನ್ನು ಸಂಕೇತವೆಂದು ಪರಿಗಣಿಸಲಾಗುತ್ತಿದೆ.ಬಂಗಾಳದಲ್ಲಿ ಫುಟ್ಬಾಲ್ ಬಗ್ಗೆ ಅಪಾರ ಕ್ರೇಜ್ ಇದೆ. ಅಲ್ಲಿನ ಜನರು ಕ್ರಿಕೆಟ್ನಷ್ಟೇ ಫುಟ್ಬಾಲ್ ಅನ್ನು ಗೌರವಿಸುತ್ತಾರೆ. ಆದ್ದರಿಂದ, ಇದು ಬಂಗಾಳದ ಯುವಕರನ್ನು ಆಕರ್ಷಿಸುವ ಒಂದು ಕ್ರಮವಾಗಿರಬಹುದು ಎಂದು ಜಾಲತಾಣದಲ್ಲಿ ಚರ್ಚೆ ಹರಿದಾಡುತ್ತಿದೆ.
