ಕಲಬುರಗಿ,ಅ.24-ನಗರದ ಭರತ ನಗರ ತಾಂಡಾದಿಂದ ಸಂತ್ರಾಸವಾಡಿ ಕಡೆ ಹೋಗುವ ರಸ್ತೆಯ ವಿದ್ಯುತ್ ಕಂಬದ ಕೆಳಗೆ ಕುಳಿತು ಜೂಜಾಟವಾಡಲಾಗುತ್ತಿದೆ ಎಂಬ ಮಾಹಿತಿ ಮೇಲೆ ಎಂ.ಬಿ.ನಗರ ಪೊಲೀಸ್ ಠಾಣೆ ಪಿಐ ಖಾಜಾ ಹುಸೇನ್, ಸಿಬ್ಬಂದಿಗಳಾದ ಬೀರಪ್ಪ, ಸಂತೋಷ ಮತ್ತು ಮಹೇಶ್ ಅವರು ದಾಳಿ ನಡೆಸಿ ಐವರನ್ನು ಬಂಧಿಸಿದ್ದಾರೆ.
ಅಂಬಾರಾಯ ಕಣಮಸ್, ಸರ್ವೇಶ ಯಾದವ್, ಪರಶುರಾಮ ಚವ್ಹಾಣ್, ಭರತ್ ಚವ್ಹಾಣ್, ಕಪಿಲ್ ದೇವ್ ಪ್ರಸಾದ್ ಎಂಬುವವರನ್ನು ಬಂಧಿಸಿ 9490 ರೂ.ನಗದು ಮತ್ತು 52 ಇಸ್ಪೀಟ್ ಎಲೆಗಳನ್ನು ಜಪ್ತಿ ಮಾಡಿದ್ದಾರೆ. ಎಂ.ಬಿ.ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.