ಕಠ್ಮಂಡು,ಮಾ.5- ಕಳೆದ ವರ್ಷ ಜನರಲ್ ಜಿ ನೇತೃತ್ವದ ಬೃಹತ್ ದಂಗೆ ನಂತರ ಪ್ರಧಾನಿ ಕೆ.ಪಿ. ಶರ್ಮಾ ಓಲಿ ಅವರ ಸರ್ಕಾರ ಪತನ ಗೊಳಿಸಿದ ನಂತರ ದೇಶ ನೂತನ ಸರ್ಕಾರ ರಚನೆಗೆ ಮುಂದಾಗಿದ್ದು 275 ಸ್ಥಾನಗಳಿಗೆ ಮತದಾನ ಬಿರುಸಿನ ಸಾಗಿದೆ.
ಬಿಗಿ ಭದ್ರತೆಯಲ್ಲಿ ಮತದಾನ ಪ್ರಗತಿಯಲ್ಲಿದ್ದು 275 ಸ್ಥಾನಗಳಿಗಾಗಿ 18.9 ದಶಲಕ್ಷ ಜನರು ತಮ್ಮ ರಾಜಕೀಯ ನಾಯಕರನ್ನು ಆಯ್ಕೆ ಮಾಡಲು ಸಾಂವಿಧಾನಿಕ ಹಕ್ಕು ಚಲಾಯಿಸಿದ್ದಾರೆ. ಅಧಿಕಾರದ ಗದ್ಗುಗೆ ಯಾರ ಕೊರಳಿಗೆ ಎಂಬುದು ಕುತೂಹಲ ಕೆರಳಿಸಿದೆ.
ಭಾರೀ ಭದ್ರತೆಯ ಅಡಿಯಲ್ಲಿ, ನೇಪಾಳದ ಜನರು ತಮ್ಮ ಮುಂದಿನ ಪ್ರಧಾನಿ ಮತ್ತು ಸರ್ಕಾರವನ್ನು ಆಯ್ಕೆ ಮಾಡಲು ಮತ ಚಲಾಯಿಸಿದ್ದರೆ, ಪ್ರಧಾನಿ ಹುದ್ದೆಗಳಲ್ಲಿ ಮೂರು ಪ್ರಮುಖ ನಾಯಕರಾದ ಬಾಲೇಂದ್ರ ಶಾ, ನೇಪಾಳದ ಅತ್ಯಂತ ಹಳೆಯ ಪಕ್ಷವಾದ ನೇಪಾಳಿ ಕಾಂಗ್ರೆಸ್ನ ಯುವ ನಾಯಕ ಗಗನ್ ಥಾಪಾ ಮತ್ತು ಕೊನೆಯದಾಗಿ ಮಾಜಿ ಪ್ರಧಾನಿ ಕೆ.ಪಿ. ಓಲಿ ಮುಂಚೂಣಿಯಲ್ಲಿದ್ದಾರೆ
ಭ್ರಷ್ಟಾಚಾರ ಮತ್ತು ಉದ್ಯೋಗ ಸೃಷ್ಟಿಯಿಂದ ಹಿಡಿದು ನೆರೆಯ ಭಾರತ ಮತ್ತು ಚೀನಾದೊಂದಿಗಿನ ಸಂಬಂಧಗಳವರೆಗೆ, ಈ ಚುನಾವಣೆಯಲ್ಲಿ ನೇಪಾಳಕ್ಕೆ ಬಹಳಷ್ಟು ಅಪಾಯವಿದೆ.
ಫೆಬ್ರವರಿ 16 ರಿಂದ ಮಾರ್ಚ್ 2 ರವರೆಗೆ ರಾಜಕೀಯ ಪಕ್ಷಗಳು ತಮ್ಮ ಚುನಾವಣಾ ಪ್ರಚಾರಗಳನ್ನು ನಡೆಸಿದವು. ಎಲ್ಲಾ ಚುನಾವಣಾ ಪ್ರಚಾರಗಳ ಮೇಲೆ ನಿರ್ಬಂಧಗಳನ್ನು ವಿಧಿಸಲಾಯಿತು. ನೇಪಾಳದ ಪ್ರತಿನಿಧಿಗಳ ಸಭೆಯ 275 ಸದಸ್ಯರನ್ನು ಆಯ್ಕೆ ಮಾಡಲು ಸುಮಾರು 18.9 ಮಿಲಿಯನ್ ಅರ್ಹ ಮತದಾರರು ಆಯ್ಕೆ ಮಾಡಲಿದ್ದಾರೆ
ನೇಪಾಳದ ಮಧ್ಯಂತರ ಪ್ರಧಾನಿ ಸುಶೀಲಾ ಕರ್ಕಿ ಪ್ರತಿಕ್ರಿಯೆ ನೀಡಿ ಎಲ್ಲಾ ನಾಗರಿಕರು ಸಾರ್ವತ್ರಿಕ ಚುನಾವಣೆಯಲ್ಲಿ ಮತದಾನ ಪ್ರಕ್ರಿಯೆಯಲ್ಲಿ ಭಾಗಿಯಾವವಂತೆ ಮನವಿ ಮಾಡಿದ್ದಾರೆ
ದೇಶದ ಸ್ಥಿರತೆ ಮತ್ತು ಸಮೃದ್ಧಿಯ ಜೊತೆಗೆ ನೇಪಾಳದ “ಶಾಂತಿ ಮತ್ತು ಸುವ್ಯವಸ್ಥೆಯನ್ನು ಕಾಪಾಡಿಕೊಳ್ಳಲು” ಭಾಗಿಯಾಗುವಂತೆ ಮನವಿ ಮಾಡಿದ್ದಾರೆ
ಬೆಳಗ್ಗೆ 7 ಗಂಟೆಯಿಂದ ಮತದಾನ ಆರಂಭವಾಗಿದ್ದು ಸಂಜೆ 5 ಗಂಟೆಯ ತನಕ ಮತದಾನ ನಡೆಯಲಿದ್ದು 275 ಸದಸ್ಯರ ಬಲದಲ್ಲಿ 165 ಸ್ಥಾನಕ್ಕೆ ನೇರ ಆಯ್ಕೆ ನಡೆಯಲಿದ್ದು 110 ಮಂದಿಯನ್ನು ಮತದಾನದ ಮೂಲಕ ಆಯ್ಕೆ ಮಾಡಲಾಗುತ್ತಿದೆ ಎಂದು ಹೇಳಲಾಗಿದೆ
ನೇಪಾಳದ ಹಂಗಾಮಿ ಮುಖ್ಯ ಚುನಾವಣಾ ಆಯುಕ್ತ ರಾಮ್ ಪ್ರಸಾದ್ ಭಂಡಾರಿ ಅವರು ಮತಪೆಟ್ಟಿಗೆಗಳನ್ನು ಸಂಗ್ರಹಿಸಿದ ತಕ್ಷಣ ಮತ ಎಣಿಕೆಯನ್ನು ಪ್ರಾರಂಭಿಸಲು ಚುನಾವಣಾ ಸಂಸ್ಥೆ ಯೋಜಿಸಿದೆ ಎಂದು ಹೇಳಿದ್ದಾರೆ
