ಬಾಲಿವುಡ್‍ನ ಅತ್ಯಂತ ನಿರೀಕ್ಷಿತ ಹಾಗೂ ಬ್ರಹ್ಮಾಂಡ ಸೃಷ್ಟಿಯ ಸಿನಿಮಾ ಎನಿಸಿಕೊಂಡಿರುವ ನಿತೇಶ್ ತಿವಾರಿ ನಿರ್ದೇಶನದ “ರಾಮಾಯಣ: ಭಾಗ ಒಂದು” ಚಿತ್ರದ ಕುರಿತಾದ ಹೊಸ ಸುದ್ದಿಯೊಂದು ಸಿನಿರಂಗದಲ್ಲಿ ಸಂಚಲನ ಮೂಡಿಸಿದೆ.
ಪ್ರೇಕ್ಷಕರು ಮತ್ತು ಚಲನಚಿತ್ರಾಭಿಮಾನಿಗಳು ಕಾತರದಿಂದ ಕಾಯುತ್ತಿರುವ ಈ ಚಿತ್ರದ ಬಿಡುಗಡೆಗೂ ಮುನ್ನವೇ ಅಭಿಮಾನಿಗಳಿಗೆ ಭರ್ಜರಿ ಮನರಂಜನೆ ನೀಡಲು ಚಿತ್ರತಂಡ ಮಹತ್ವದ ಯೋಜನೆ ರೂಪಿಸಿದೆ. ವರದಿಗಳ ಪ್ರಕಾರ, ಸಿನಿಮಾ ಅಧಿಕೃತವಾಗಿ ಬಿಡುಗಡೆಯಾಗುವ ಒಂದು ದಿನ ಮುಂಚಿತವಾಗಿ ಅಂದರೆ ನವೆಂಬರ್ 4 ರಂದೇ ಭಾರತದಾದ್ಯಂತ ಸುಮಾರು 300 ಪಾವತಿಸಿದ ಪೂರ್ವವೀಕ್ಷಣೆ ಪ್ರದರ್ಶನಗಳನ್ನು ಆಯೋಜಿಸಲು ತಯಾರಕರು ಚಿಂತನೆ ನಡೆಸಿದ್ದಾರೆ.
ಚಿತ್ರದ ಅತ್ಯಾಧುನಿಕ ದೃಶ್ಯ ವೈಭವ, ವಿಎಫ್‍ಎಕ್ಸ್ ಹಾಗೂ ಅಂತರರಾಷ್ಟ್ರೀಯ ಮಟ್ಟದ ಪೆÇೀಸ್ಟ್-ಪೆÇ್ರಡಕ್ಷನ್ ಕೆಲಸಗಳು ಪ್ರೇಕ್ಷಕರಿಗೆ ಕಣ್ಣಿಗೆ ಹಬ್ಬದಂತಹ ಐತಿಹಾಸಿಕ ಅನುಭವವನ್ನು ನೀಡಲಿದ್ದು, ಈ ಸ್ಪೆಷಲ್ ಪ್ರೀಮಿಯರ್‍ಗಳ ಮೂಲಕ ಸಿನಿಮಾ ಬಿಡುಗಡೆಗೂ ಮುನ್ನವೇ ಬಾಕ್ಸ್ ಆಫೀಸ್‍ನಲ್ಲಿ ಹೊಸ ದಾಖಲೆಗಳನ್ನು ಬರೆಯುವ ಸಾಧ್ಯತೆಯಿದೆ. ಈ ಚಿತ್ರದಲ್ಲಿ ರಣಬೀರ್ ಕಪೂರ್ ಅವರು ರಾಮನ ಪಾತ್ರದಲ್ಲಿ, ಪ್ರತಿಭಾವಂತೆ ಸಾಯಿ ಪಲ್ಲವಿ ಸೀತೆಯಾಗಿ ಮತ್ತು ದಕ್ಷಿಣ ಭಾರತದ ಖ್ಯಾತ ನಟ ಯಶ್ ರಾವಣನಾಗಿ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ.
ಮೂಲಗಳ ಪ್ರಕಾರ ಮುಂಬರುವ ದಸರಾ ಹಬ್ಬದ ವಿಶೇಷ ಸಂದರ್ಭದಲ್ಲಿಯೇ ಚಿತ್ರದ ಮುಂಗಡ ಬುಕಿಂಗ್ ಪ್ರಕ್ರಿಯೆಯೂ ಅಧಿಕೃತವಾಗಿ ಆರಂಭವಾಗಲಿದ್ದು, ನವೆಂಬರ್ 4 ರಂದು ಸೀಮಿತ ಪ್ರದರ್ಶನಗಳ ಬಳಿಕ ನವೆಂಬರ್ 5, 2026 ರಂದು ಈ ಮಹತ್ವದ ಕಾವ್ಯ ಕಥಾನಕವು ವಿಶ್ವಾದ್ಯಂತ ವಿಜೃಂಭಣೆಯಿಂದ ತೆರೆಕಾಣಲಿದೆ. ಆದಾಗ್ಯೂ, ತಯಾರಕರಿಂದ ಅಂತಿಮ ಬಿಡುಗಡೆ ವೇಳಾಪಟ್ಟಿ ಸಂಪೂರ್ಣವಾಗಿ ದೃಢೀಕಣಗೊಳ್ಳುವವರೆಗೆ ಈ ಪೂರ್ವವೀಕ್ಷಣೆ ಪ್ರದರ್ಶನಗಳ ಸಂಖ್ಯೆಯನ್ನು ಸದ್ಯ ಅಂದಾಜು ಎಂದೇ ಪರಿಗಣಿಸಬೇಕಾಗಿದೆ.
