ವಾಷಿಂಗ್ಡನ್,ಮೇ.೩- ಯುದ್ಧ ಕೊನೆಗೊಳಿಸಲು ಇರಾನ್ ಸಲ್ಲಿಸಿರುವ ೧೪ ಅಂಶಗಳ ಯೋಜನೆ ಸಂಶಯದಿಂದ ಕೂಡಿದ್ದು ಪರಿಶೀಲನೆ ನಡೆಸಲಾಗುತ್ತಿದೆ ಎಂದು ಅಮೇರಿಕಾ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.
ಇರಾನ್ನ ಹೊಸ ಪ್ರಸ್ತಾವನೆ ಪರಿಶೀಲನೆ ನಡೆಸುವುದಾಗಿ ಹೇಳಿದ ಅವರು ಇರಾನ್ ಸ್ವೀಕಾರಾರ್ಹತೆಯ ಬಗ್ಗೆ ಬಲವಾದ ಅನುಮಾನ ವ್ಯಕ್ತಪಡಿಸಿದ್ದಾರೆ, ಟೆಹ್ರಾನ್ ತನ್ನ ಹಿಂದಿನ ಕ್ರಮಗಳಿಗೆ “ಸಾಕಷ್ಟು ದೊಡ್ಡ ಬೆಲೆ ಪಾವತಿಸಿಲ್ಲ ಎಂದು ವಾದಿಸಿದ್ದಾರೆ
“ಇರಾನ್ ನಮಗೆ ಕಳುಹಿಸಿರುವ ೧೪ ಅಂಶಗಳ ಯೋಜನೆಯನ್ನು ಶೀಘ್ರದಲ್ಲೇ ಪರಿಶೀಲಿಸುತ್ತೇನೆ, ಆದರೆ ಕಳೆದ ೪೭ ವರ್ಷಗಳಲ್ಲಿ ಅವರು ಮಾನವೀಯತೆ ಮತ್ತು ಜಗತ್ತಿಗೆ ಮಾಡಿದ್ದಕ್ಕೆ ಸಾಕಷ್ಟು ದೊಡ್ಡ ಬೆಲೆಯನ್ನು ಇನ್ನೂ ಪಾವತಿಸಿಲ್ಲ ಎಂದಿದ್ದಾರೆ.
ಏರ್ ಫೋರ್ಸ್ ಒನ್ ಹತ್ತುವ ಮುನ್ನ ಸುದ್ದಿಗಾರರೊಂದಿಗೆ ಮಾತನಾಡಿದ ಡೊನಾಲ್ಡ್ ಟ್ರಂಪ್, ಪೂರ್ಣ ಪ್ರಸ್ತಾವನೆ ಇನ್ನೂ ಪರಿಶೀಲಿಸಿಲ್ಲ ಅದನ್ನು ಇಲ್ಲಿ ನೋಡುತ್ತಿದ್ದೇನೆ… ನಾನು ಅದರ ಬಗ್ಗೆ ನಂತರ ನಿಮಗೆ ತಿಳಿಸುತ್ತೇನೆ” ಎಂದು ಅವರು ಹೇಳಿದ್ದಾರೆ.
ಇರಾನ್ನ ತಸ್ನಿಮ್ ಸುದ್ದಿ ಸಂಸ್ಥೆಯ ಪ್ರಕಾರ, ಟೆಹ್ರಾನ್ನ ೧೪ ಅಂಶಗಳ ಯೋಜನೆಯು ಲೆಬನಾನ್ ಒಳಗೊಂಡ ಉದ್ವಿಗ್ನತೆಗಳು ಸೇರಿದಂತೆ ಎಲ್ಲಾ ರಂಗಗಳಲ್ಲಿ “ಯುದ್ಧ ಕೊನೆಗೊಳಿಸಲು” ಸಮಗ್ರ ಚೌಕಟ್ಟನ್ನು ಬಯಸುತ್ತದೆ. ಯಾವುದೇ ತಾತ್ಕಾಲಿಕ ಕದನ ವಿರಾಮವನ್ನು ತಿರಸ್ಕರಿಸುತ್ತದೆ, ಬದಲಿಗೆ ೩೦ ದಿನಗಳಲ್ಲಿ ಶಾಶ್ವತ ಪರಿಹಾರಕ್ಕಾಗಿ ಒತ್ತಾಯಿಸುತ್ತದೆ ಎಂದು ಹೇಳಿದೆ.
ಇರಾನ್ ಮೇಲಿನ ಭವಿಷ್ಯದ ದಾಳಿಗಳನ್ನು ತಡೆಗಟ್ಟುವ ಭದ್ರತಾ ಖಾತರಿಗಳು, ಸುತ್ತಮುತ್ತಲಿನ ಪ್ರದೇಶಗಳಿಂದ ಅಮೇರಿಕಾ ಪಡೆ ಹಿಂತೆಗೆದುಕೊಳ್ಳುವುದು ಮತ್ತು ನೌಕಾ ನಿರ್ಬಂಧಗಳು ಮತ್ತು ದಿಗ್ಬಂಧನಗಳನ್ನು ತೆಗೆದುಹಾಕುವ ಬೇಡಿಕೆಗಳನ್ನು ಈ ಪ್ರಸ್ತಾವನೆಯು ಒಳಗೊಂಡಿದೆ
ನಿರ್ಬಂಧಗಳು ಮತ್ತು ಮಿಲಿಟರಿ ಒತ್ತಡಕ್ಕೆ ಸಂಬಂಧಿಸಿದ ಇರಾನಿನ ಸ್ಥಗಿತಗೊಂಡ ಆಸ್ತಿಗಳು ಮತ್ತು ಪರಿಹಾರವನ್ನು ಬಿಡುಗಡೆ ಮಾಡಲು ಸಹ ಇದು ಒತ್ತಾಯಿಸುತ್ತದೆ.
ಆರ್ಥಿಕವಾಗಿ, ಅಮೇರಿಕಾ ಮತ್ತು ಅಂತರರಾಷ್ಟ್ರೀಯ ನಿರ್ಬಂಧಗಳನ್ನು ತೆಗೆದುಹಾಕಲು ಪ್ರಯತ್ನಿಸಿದೆ. ಸ್ಥಿರವಾದ ಕಡಲ ಹರಿವನ್ನು ಖಚಿತಪಡಿಸಿಕೊಳ್ಳಲು ಹಾರ್ಮುಜ್ ಜಲಸಂಧಿಗೆ ಹೊಸ ಆಡಳಿತ ಕಾರ್ಯವಿಧಾನವನ್ನು ಈ ಯೋಜನೆ ಪ್ರಸ್ತಾಪಿಸಿದೆ.
ಇರಾನ್ ನಾಯಕತ್ವದ ಬಗ್ಗೆ ಕಳವಳಗಳನ್ನು ಪುನರುಚ್ಚರಿಸಿದರು, ಅದನ್ನು “ತುಂಬಾ ಅಸಂಗತ” ಎಂದು ಬಣ್ಣಿಸಿದ್ದು ಅಗತ್ಯವಿದ್ದರೆ ಮತ್ತಷ್ಟು ಮಿಲಿಟರಿ ಕ್ರಮ ಕೈಗೊಳ್ಳುವ ಬಗ್ಗೆಯೂ ಅವರು ಸುಳಿವು ನೀಡಿದರು: “ಅವರು ಅನುಚಿತವಾಗಿ ವರ್ತಿಸಿದರೆ… ಅದು ಸಂಭವಿಸುವ ಸಾಧ್ಯತೆಯಿದೆ ಎಂದಿದ್ದಾರೆ.
ಪಾಕಿಸ್ತಾನದ ಮೂಲಕ ಮಧ್ಯವರ್ತಿಯಾಗಿ ನೀಡಲಾದ ಈ ಪ್ರಸ್ತಾವನೆ “ಹೇರಿದ ಯುದ್ಧವನ್ನು ಶಾಶ್ವತವಾಗಿ ಕೊನೆಗೊಳಿಸುವ” ಗುರಿ ಹೊಂದಿದೆ ಎಂದು ಇರಾನ್ನ ಉಪ ವಿದೇಶಾಂಗ ಸಚಿವ ಕಾಜೆಮ್ ಘರಿಬಬಾದಿ ಹೇಳಿದ್ದಾರೆ
ರಾಜತಾಂತ್ರಿಕತೆ ಅಥವಾ ಮುಖಾಮುಖಿಯನ್ನು ಆಯ್ಕೆ ಮಾಡುವ “ಚೆಂಡು ಅಮೆರಿಕದ ಅಂಗಳದಲ್ಲಿದೆ” .ಈಗ ಅಮೇರಿಕಾ ಕೈಗೊಳ್ಳುವ ನಿರ್ದಾರದ ಮೇಲೆ ಎಲ್ಲವೂ ಅವಲಂಬಿತವಾಗಿದೆ ಎಂದಿದ್ದಾರೆ