ಯಾದಗಿರಿ:ಮಾ.೫: ನಗರದ ಡಾ. ಅಂಬೇಡ್ಕರ್ ನಗರ ವ್ಯಾಪ್ತಿಯ ಟಿ.ಎಂ.ಸಿ. ಕಾಲೋನಿಯಲ್ಲಿ ಬಣ್ಣಗಳ ಹಬ್ಬವಾದ ಹೋಳಿ ಹಬ್ಬವನ್ನು ಅಪಾರ ಉತ್ಸಾಹ, ಹರ್ಷೋದ್ಗಾರ ಹಾಗೂ ಸೌಹಾರ್ದತೆಯ ವಾತಾವರಣದಲ್ಲಿ ಅದ್ದೂರಿಯಾಗಿ ಆಚರಿಸಲಾಯಿತು. ಹಬ್ಬದ ಅಂಗವಾಗಿ ಚಿಣ್ಣರು ಪರಸ್ಪರ ಬಣ್ಣ ಎರಚಿಕೊಂಡು ಸಂಭ್ರಮಿಸಿದ ದೃಶ್ಯಗಳು ಕಾಲೋನಿಯೆಲ್ಲೆಡೆ ಹಬ್ಬದ ವೈಭವವನ್ನು ಮೆರೆದವು.
ಬೆಳಿಗ್ಗೆಯಿಂದಲೇ ಕಾಲೋನಿಯಲ್ಲಿ ಹಬ್ಬದ ಸಂಭ್ರಮ ಕಂಗೊಳಿಸಿದ್ದು, ಪುಟಾಣಿ ಮಕ್ಕಳ ಕಿಲಿಕಿಲಿ ನಗು, ಬಣ್ಣಗಳ ಚಿತ್ತಾರ ಹಾಗೂ ಉಲ್ಲಾಸಭರಿತ ಆಟೋಪಾಟಗಳು ಎಲ್ಲರ ಮನಸೆಳೆಯುವಂತಾಗಿದ್ದವು. ಪೃಥ್ವಿ ನಾಯಕ್, ರಿತು ನಾಯಕ್ ಸೇರಿದಂತೆ ಅನೇಕ ಬಾಲಕ-ಬಾಲಕಿಯರು ಸ್ನೇಹಪೂರ್ಣ ವಾತಾವರಣದಲ್ಲಿ ಪರಸ್ಪರ ಬಣ್ಣ ಹಚ್ಚಿಕೊಂಡು, ಹೋಳಿ ಹಬ್ಬದ ಸಾರಾಂಶವಾದ ಏಕತೆ, ಸಹೋದರತ್ವ ಮತ್ತು ಪರಸ್ಪರ ಸೌಹಾರ್ದತೆಯ ಸಂದೇಶವನ್ನು ಜೀವಂತಗೊಳಿಸಿದರು.
ಹಬ್ಬದ ಸಂದರ್ಭದಲ್ಲಿ ಯಾವುದೇ ಅಹಿತಕರ ಘಟನೆಗಳು ಸಂಭವಿಸದAತೆ ಹಿರಿಯರು ಸೂಕ್ತ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಂಡಿದ್ದು, ಪರಿಸರ ಸಂರಕ್ಷಣೆಯ ದೃಷ್ಟಿಯಿಂದ ಒಣ ಬಣ್ಣಗಳನ್ನೇ ಬಳಸುವಂತೆ ಮಾರ್ಗದರ್ಶನ ನೀಡಿದರು. ಮಕ್ಕಳ ಉತ್ಸಾಹಕ್ಕೆ ಹಿರಿಯರ ಪ್ರೋತ್ಸಾಹ ಸೇರ್ಪಡೆಯಾಗಿ, ಹಬ್ಬದ ಆಚರಣೆ ಶಿಸ್ತುಬದ್ಧ ಹಾಗೂ ಸಾಂಸ್ಕೃತಿಕ ಮೌಲ್ಯಗಳ ಪ್ರತಿಬಿಂಬವಾಗಿತ್ತು.
ಒಟ್ಟಾರೆ ಟಿ.ಎಂ.ಸಿ. ಕಾಲೋನಿಯಲ್ಲಿ ಹೋಳಿ ಹಬ್ಬವು ಬಣ್ಣಗಳ ಸಡಗರದ ಜೊತೆಗೆ ಮಾನವೀಯ ಮೌಲ್ಯಗಳ ಮೆರವಣಿಗೆ ಆಗಿ, ಸಮಗ್ರ ಸಮಾಜಕ್ಕೆ ಏಕತೆಯ ಪ್ರೇರಣೆಯ ಸಂದೇಶ ಸಾರಿದ ಮಹತ್ವದ ಹಬ್ಬವಾಗಿ ದಾಖಲಾಗಿತು.
