ಮೈಸೂರು,ಫೆ ೧೦- ರಾಜ್ಯದಲ್ಲಿ ಸಾಕಷ್ಟು ಸದ್ದು ಮಾಡಿದ್ದ ಮುಡಾ ಹಗರಣ ಪ್ರಕರಣ ಇದೀಗ ಮತ್ತೆ ಮುನ್ನಲೆಗೆ ಬಂದಿದ್ದು ಸೈಟ್ ಮಾರಿದ್ದವರು, ಸೈಟ್ ಕೊಂಡುಕೊಂಡವರಿಗೆ ನಡುಕ ಶುರುವಾಗಿದೆ.
ಮುಡಾ ೫೦:೫೦ ಹಗರಣ ವಿಚಾರಕ್ಕೆ ಇದೀಗ ಬಿಗ್ ಟ್ವಿಸ್ಟ್ ಸಿಕ್ಕಿದ್ದು ಮುಡಾದ ೧೩೪ ಪ್ರಕರಣಗಳಿಗೆ ಮತ್ತೆ ಮರು ಜೀವ ಬಂದಿದೆ.
ಈ ನಡುವೆ ೫೦:೫೦ ಅನುಪಾತದಲ್ಲಿ ಸೈಟ್ ಪಡೆದಿದ್ದವರಿಗೆ ೪೦ ಕ್ಕೂ ಹೆಚ್ಚು ಮಂದಿಗೆ ಲೋಕಾಯುಕ್ತ ಅಧಿಕಾರಿಗಳು ನೋಟಿಸ್ ನೀಡಿದ್ದಾರೆ೧೦೫೫ ಸೈಟ್ ಗಳಿಂದ ಸಾವಿರಾರು ಕೋಟಿ ಅಕ್ರಮ ನಡೆದಿರುವ ಆರೋಪ ಕೇಳಿ ಬಂದಿತ್ತು. ಪ್ರಕರಣ ಕುರಿತು ಲೋಕಾಯುಕ್ತ ತನಿಖೆ ಮುಂದುವರೆಸಿದ್ದು ಇದೀಗ ಮಾಜಿ ಮುಡಾ ಆಯುಕ್ತ ದಿನೇಶ್, ನಟೇಶ್ ಸೇರಿ ಅನೇಕರಿಗೆ ಮತ್ತೆ ನೋಟಿಸ್ ನೀಡಿದೆ.
ಕಾನೂನು ಗಾಳಿಗೆ ತೂರಿ ಸೈಟ್ ಹಂಚಿದವರಿಗೆ, ಸೈಟ್ ಪಡೆದಿದ್ದವರೆಗೂ ನೋಟಿಸ್ ಜಾರಿ ಮಾಡಲಾಗಿದ್ದು, ವಿಚಾರಣೆಗೆ ಹಾಜರಾಗಿ ಉತ್ತರ ಕೊಡುವಂತೆ ಲೋಕಾಯುಕ್ತ ಎಸ್ಪಿ ಉದೇಶ್ ನೋಟಿಸ್ ನೀಡಿದ್ದಾರೆ ಎನ್ನಲಾಗಿದೆ.
