ಕಲಬುರಗಿ,ಏ.1-ಕಲಬುರಗಿ ಸಂಸದರಾದ ರಾಧಾಕೃಷ್ಣ ದೊಡ್ಡಮನಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಬಿಎಸ್ಎನ್ಎಲ್ ನ ಗುಲಬರ್ಗಾ ಟೆಲಿಕಾಂ ಸಲಹಾ ಸಮಿತಿ ( ಖಿಂಅ) ಸಭೆಯನ್ನು ಕಲಬುರಗಿ ಯಲ್ಲಿ ನಡೆಸಲಾಯಿತು.
ವರ್ಚುವಲ್ ಮೂಲಕ ನಡೆದ ಸಭೆಯಲ್ಲಿ ರಾಧಾಕೃಷ್ಣ ಅವರು ಕಲಬುರಗಿ, ಯಾದಗಿರಿ ಮತ್ತು ಬೀದರ್ ಜಿಲ್ಲೆಗಳನ್ನು ಒಳಗೊಂಡಿರುವ ಗುಲ್ಬರ್ಗ ಕಾರ್ಯಾಚರಣೆ ವ್ಯಾಪ್ತಿಯ ಪ್ರದೇಶದಲ್ಲಿ (ಃಂ) ಃSಓಐ ನ ಮೂಲಸೌಕರ್ಯ ಮತ್ತು ಅಭಿವೃದ್ಧಿ ಯೋಜನೆಗಳ ಸಮಗ್ರ ಅವಲೋಕನವನ್ನು ನಡೆಸಲಾಯಿತು.
ಗುಲ್ಬರ್ಗ ಕಾರ್ಯಾಚರಣೆ ವ್ಯಾಪ್ತಿಯ ಪ್ರದೇಶವು ಎರಡು ಲಕ್ಷಕ್ಕೂ ಹೆಚ್ಚು ಮೊಬೈಲ್ ಸಂಪರ್ಕಗಳನ್ನು ಹೊಂದಿದೆ. ಕಲಬುರಗಿ, ಯಾದಗಿರಿ ಮತ್ತು ಬೀದರ್ ಜಿಲ್ಲೆಗಳಲ್ಲಿ 5,500 ಕ್ಕೂ ಹೆಚ್ಚು ಈಖಿಖಿಊ ( ಬ್ರಾಡ್ ಬ್ಯಾಂಡ್ ಸೌಲಭ್ಯ) ಸಂಪರ್ಕಗಳನ್ನು ಮತ್ತು 1,255 ಗುತ್ತಿಗೆ ಸಕ್ರ್ಯೂಟ್ಗಳನ್ನು ಒದಗಿಸುತ್ತದೆ. ಪ್ರಸ್ತುತ ಮೂರು ಜಿಲ್ಲೆಗಳಲ್ಲಿ 349 ಮೊಬೈಲ್ ಟವರ್ಗಳು ಕಾರ್ಯನಿರ್ವಹಿಸುತ್ತಿವೆ. ಇವುಗಳಲ್ಲಿ ಕಲಬುರಗಿಯಲ್ಲಿ 159, ಯಾದಗಿರಿಯಲ್ಲಿ 63 ಮತ್ತು ಬೀದರ್ನಲ್ಲಿ 127 ಸೇರಿವೆ ಎಂದು ಅಧಿಕಾರಿಗಳು ಮಾಹಿತಿ ಒದಗಿಸಿದರು.
4ಉ ಸ್ಯಾಚುರೇಶನ್ ಯೋಜನೆಯು ಭಾರತ ಸರ್ಕಾರದ ಒಂದು ಉಪಕ್ರಮವಾಗಿದ್ದು, ಮೊಬೈಲ್ ಸಿಗ್ನಲ್ ಲಭ್ಯವಿಲ್ಲದ ಗ್ರಾಮಗಳಿಗೆ ಹೆಚ್ಚಿನ ವೇಗದ ಮೊಬೈಲ್ ಡೇಟಾವನ್ನು ಒದಗಿಸಲು ಡಿಜಿಟಲ್ ಭಾರತ್ ನಿಧಿ (ಆಃಓ) ನಿಂದ ಹಣಕಾಸು ನೆರವು ನೀಡಲಾಗಿದೆ. ಯೋಜನೆಯ 1 ನೇ ಹಂತದಲ್ಲಿ, ಅಂದರೆ ಕಲಬುರಗಿ ಜಿಲ್ಲೆಯ ಕಾಮನಹಳ್ಳಿ ಮತ್ತು ಯಾದಗಿರಿ ಜಿಲ್ಲೆಯ ಬೊಮ್ಮರಾಳದೊಡ್ಡಿ ಮತ್ತು ಬೀದರ್ ಜಿಲ್ಲೆಯ 9 ಸ್ಥಳಗಳಲ್ಲಿ ಟವರ್ಗಳನ್ನು ಸ್ಥಾಪಿಸಲಾಗಿದ್ದು ಅವು ಕಾರ್ಯನಿರ್ವಹಿಸುತ್ತಿವೆ ಎಂದರು ಅಧಿಕಾರಿಗಳು ತಿಳಿಸಿದರು.
ಈ ಹಂತದಲ್ಲಿ, ಕಲಬುರಗಿ ಜಿಲ್ಲೆಯ 46 ಗ್ರಾಮಗಳು, ಯಾದಗಿರಿ ಜಿಲ್ಲೆಯ 5 ಗ್ರಾಮಗಳು ಮತ್ತು ಬೀದರ್ ಜಿಲ್ಲೆಯ 23 ಗ್ರಾಮಗಳಲ್ಲಿ ಹೊಸ 4ಉ ಟವರ್ಗಳನ್ನು ಸ್ಥಾಪಿಸಲು ಭೂಮಿ ಹಂಚಿಕೆಗಾಗಿ ಶಿಫಾರಸ್ಸನ್ನು ಸಂಸದರಿಗೆ ಅಧಿಕಾರಿಗಳು ಕೋರಿದರು.
ಆಗ ಮಾತನಾಡಿದ ಸಂಸದರು, ಹಂಚಿಕೆಯಾದ 4ಉ ಸ್ಯಾಚುರೇಶನ್ ಸೈಟ್ಗಳ ಪಟ್ಟಿಯನ್ನು ಕಲಬುರಗಿ ಮತ್ತು ಆಯಾ ಜಿಲ್ಲಾಧಿಕಾರಿಗಳಿಗೆ ಭೂ ಹಂಚಿಕೆಗಾಗಿ ಕಳುಹಿಸಲು ನಿರ್ದೇಶನ ನೀಡಿದರು.
ಧರ್ತಿ ಆಬಾ ಜನಜಾತಿಯ ಗ್ರಾಮ ಉತ್ಕರ್ಷ್ ಅಭಿಯಾನ ಎನ್ನುವ ಮತ್ತೊಂದು ಯೋಜನೆಯನ್ನು ಮೂರು ಜಿಲ್ಲೆಗಳಲ್ಲಿ ವ್ಯಾಪ್ತಿಗೆ ಒಳಪಡುವ ತಾಂಡಾಗಳಿಗೆ (ಬುಡಕಟ್ಟು ವಸಾಹತುಗಳು) 4ಉ ವ್ಯಾಪ್ತಿಯನ್ನು ಒದಗಿಸುವ ಗುರಿಯನ್ನು ಹೊಂದಲಾಗಿದೆ.
ಭಾರತ್ ನೆಟ್ ಯೋಜನೆಯು ಕಲಬುರಗಿ ಜಿಲ್ಲೆಯ 263 ಗ್ರಾಮ ಪಂಚಾಯಿತಿಗಳು, ಯಾದಗಿರಿ ಜಿಲ್ಲೆಯ 127 ಗ್ರಾಮ ಪಂಚಾಯಿತಿಗಳು ಮತ್ತು ಬೀದರ್ ಜಿಲ್ಲೆಯ 186 ಗ್ರಾಮ ಪಂಚಾಯಿತಿಗಳಿಗೆ ಆಪ್ಟಿಕಲ್ ಫೈಬರ್ ಕೇಬಲ್ಗಳ ಮೂಲಕ ಗ್ರಾಮ ಪಂಚಾಯಿತಿಗಳಿಗೆ ಹೆಚ್ಚಿನ ವೇಗದ ಇಂಟರ್ನೆಟ್ ಸಂಪರ್ಕವನ್ನು ಒದಗಿಸುವ ಗುರಿಯನ್ನು ಹೊಂದಿದೆ.
ಭಾರತ್ ನೆಟ್ ಕಾರ್ಯಕ್ರಮ- 2023 ತಿದ್ದುಪಡಿಯಾದ ನಂತರ ಅಖಿಲ ಭಾರತ ವ್ಯಾಪ್ತಿಗೆ ರೂ 1,39,579 ಕೋಟಿ ಬಜೆಟ್ ನಿಗದಿಪಡಿಸಿ ಕಾರ್ಯಕ್ರಮ ನವೀಕರಣ ಮಾಡಲಾಗಿದೆ. ಉತ್ತಮ ವಿಶ್ವಾಸಾರ್ಹತೆಗಾಗಿ ರಿಂಗ್ ಟೋಪೆÇೀಲಜಿಯನ್ನು ಬಳಸಿಕೊಂಡು ನೆಟ್ವರ್ಕ್ ಅನ್ನು ಸುಧಾರಿಸುವ ಮತ್ತು ಬೇಡಿಕೆಯ ಆಧಾರದ ಮೇರೆಗೆ ಗ್ರಾಮ ಪಂಚಾಯಿತಿಯಲ್ಲದ ಗ್ರಾಮಗಳಿಗೆ ಫೈಬರ್ ಅನ್ನು ವಿಸ್ತರಿಸುವ ಗುರಿಯನ್ನು ಹೊಂದಿದೆ ಎನ್ನುವ ಕುರಿತು ಸುದೀರ್ಘ ಚರ್ಚೆ ನಡೆಸಲಾಯಿತು.
ಭಾರತ್ನೆಟ್ ಉದ್ಯಮಿ (ಃಓU) ಯೋಜನೆಯು ಉದ್ಯಮಿಗಳಿಗೆ ಆದಾಯ ಹಂಚಿಕೆ ಮಾದರಿಯ ಅಡಿಯಲ್ಲಿ ಃSಓಐ ನೊಂದಿಗೆ ಪಾಲುದಾರಿಕೆ ಮಾಡಿಕೊಳ್ಳಲು ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಕೊನೆಯ ಹಂತದ ಈಖಿಖಿಊ ಸಂಪರ್ಕಗಳನ್ನು ಒದಗಿಸಲು ಅವಕಾಶವನ್ನು ನೀಡುತ್ತದೆ. ಅಕ್ಟೋಬರ್ 2022 ರಿಂದ ಭಾರತದಾದ್ಯಂತ 3.5 ಲಕ್ಷಕ್ಕೂ ಹೆಚ್ಚು ಸಂಪರ್ಕಗಳನ್ನು ಈಗಾಗಲೇ ಒದಗಿಸಲಾಗಿದೆ. ಭಾರತ್ನೆಟ್ ಉದ್ಯಮಿ (ಃಓU) ಯೋಜನೆಯು ಸ್ವಯಂ ಉದ್ಯೋಗವನ್ನು ಬಯಸುವ ಯುವಕರಿಗೆ ಉತ್ತಮ ಅವಕಾಶವಾಗಿದೆ ಎಂದು ಸಂಸದರಿಗೆ ಅಧಿಕಾರಿಗಳು ಮಾಹಿತಿ ನೀಡಿದರು.
ಬಿಎಸ್ಎನ್ಎಲ್ನ ಉಪಕ್ರಮಗಳು, ವಿಶೇಷವಾಗಿ ಭಾರತ್ನೆಟ್ ಮತ್ತು 4ಉ ಸ್ಯಾಚುರೇಶನ್ ಯೋಜನೆ, ಗ್ರಾಮೀಣ ಪ್ರದೇಶದ ನಿವಾಸಿಗಳಿಗೆ ಅಗತ್ಯವಾದ ‘ಜೀವನಪಥ’ಗಳಾಗಿದ್ದು, ಶಿಕ್ಷಣ, ಆನ್ಲೈನ್ ಬ್ಯಾಂಕಿಂಗ್ ಮತ್ತು ಟೆಲಿಮೆಡಿಸಿನ್ಗೆ ಪ್ರವೇಶವನ್ನು ಸಕ್ರಿಯಗೊಳಿಸುತ್ತವೆ. ಕಲಬುರಗಿ, ಯಾದಗಿರಿ ಮತ್ತು ಬೀದರ್ ಜಿಲ್ಲೆಗಳ ಸುಧಾರಣೆಗಾಗಿ ಯೋಜನೆಗಳನ್ನು ಜಾರಿಗೆ ತರಲು ಅಗತ್ಯ ಬೆಂಬಲ ನೀಡುವುದಾಗಿ ಹಾಗೂ ಕ್ರಮವಹಿಸುವುದಾಗಿ ಸಂಸದ ರಾಧಾಕೃಷ್ಣ ದೊಡ್ಡಮನಿ ಈ ಸಂದರ್ಭದಲ್ಲಿ ಭರವಸೆ ನೀಡಿ ಈ ಬಗ್ಗೆ ಮುಂದಿನ ಟಿಎಸಿ ಸಭೆಯಲ್ಲಿ ಪ್ರಗತಿ ಬಗ್ಗೆ ಚರ್ಚಿಸಲಾಗುವುದು ಎಂದರು.
ಪಿ. ಪಾಣಿ ಪ್ರಸಾದ್, ಪಿಜಿಎಂ ಬಿಎಸ್ಎನ್ಎಲ್ ಗುಲ್ಬರ್ಗ ಸದಸ್ಯ ಕಾರ್ಯದರ್ಶಿಯಾಗಿ ಹಾಜರಿದ್ದರು. ಹಿರಿಯ ಬಿಎಸ್ಎನ್ಎಲ್ ಅಧಿಕಾರಿಯೂ ಸಭೆಯಲ್ಲಿ ಉಪಸ್ಥಿತರಿದ್ದರು.