ನ್ಯೂಯಾರ್ಕ್,ಏ.೧-ಅಮೆರಿಕದ ನ್ಯೂಯಾರ್ಕ್ ನಗರದಲ್ಲಿ ನಡೆದ ಅಕರ್ನ ವಾರ್ಷಿಕ ಹರಾಜಿನಲ್ಲಿ ೧೯೪೫ ರ ಡೊಮೈನ್ ಡೆ ಲಾ ರೊಮಾನೀ ಕಾಂಟಿ ಹೆಸರಿನ ವೈನ್ ಬಾಟಲಿಯು ೭.೬೩ ಕೋಟಿ ರೂ.ಗೆ ಮಾರಾಟವಾಗಿದೆ. ಈ ವೈನ್ ಬಾಟಲಿಯನ್ನು ಯಾರು ಖರೀದಿಸಿದರು ಎಂಬುದು ಇನ್ನೂ ತಿಳಿದಿಲ್ಲ.
ಅಮೆರಿಕದ ಅತ್ಯಂತ ಹಳೆಯ ವೈನ್ ವ್ಯಾಪಾರಿ ಮತ್ತು ವಿಶ್ವದ ಅತಿದೊಡ್ಡ ಉತ್ತಮ ವೈನ್ ಹರಾಜುದಾರ ಅಕರ್ ಆಯೋಜಿಸಿದ್ದ ವಾರ್ಷಿಕ ಲಾ ಪೌಲೀ ಹರಾಜಿನ ಸಂದರ್ಭದಲ್ಲಿ ಈ ಮಾರಾಟ ನಡೆದಿದೆ..
ಫೋರ್ಟ್ಸ್ ವರದಿಯ ಪ್ರಕಾರ, ೧೯೪೫ ರ ಡೊಮೈನ್ ಡೆ ಲಾ ರೊಮಾನೀ-ಕಾಂಟಿ ಬಾಟಲಿಯ ಮಾರಾಟವು ಹರಾಜಿನಲ್ಲಿ ಮಾರಾಟವಾದ ಅತ್ಯಂತ ದುಬಾರಿ ಬಾಟಲಿಯ ಹಿಂದಿನ ವಿಶ್ವ ದಾಖಲೆಯನ್ನು ಸುಮಾರು ೫೦% ರಷ್ಟು ಮುರಿದಿದೆ. ಆದರೆ ಈ ವೈನ್ ಬಾಟಲಿಯನ್ನು ಅವರ ಪ್ರಿಯಕರನಿಗಾಗಿ ಖರೀದಿಸಲಾಗಿದೆ ಎಂದು ಹೇಳಲಾಗುತ್ತದೆ.
ಈ ವೈನ್ ೧೯೪೫ ರ ಸುಮಾರಿಗೆ ವೈನ್ ತಯಾರಕ ಮಾಸಿಯನ್ ಜೋಸೆಫ್ ದೋಹಿನ್ ಅವರ ಕುಟುಂಬದ ಸದಸ್ಯ ರಾಬರ್ಟ್ ಕ್ರೋವಿನ್ ಅವರ ನೆಲಮಾಳಿಗೆಯಿಂದ ಪಡೆಯಲಾಗಿದೆ. ಎರಡನೇ ಮಹಾಯುದ್ಧದ ಅಂತ್ಯದವರೆಗೆ ಈ ರೀತಿಯ ವೈನ್ನ ಸುಮಾರು ೬೦೦ ಬಾಟಲಿಗಳನ್ನು ತಯಾರಿಸಲಾಗುತ್ತಿತ್ತು. ಉಳಿದಿರುವ ಕೆಲವೇ ಬಾಟಲಿಗಳಿಗೆ ಹೆಚ್ಚಿನ ಬೇಡಿಕೆಯಿದೆ.
ಈ ವೈನ್ ತಯಾರಿಸಿದ ನಂತರ, ದ್ರಾಕ್ಷಿತೋಟಗಳನ್ನು ಕಿತ್ತುಹಾಕಲಾಯಿತು. ಅದಕ್ಕಾಗಿಯೇ ಈ ವೈನ್ ತುಂಬಾ ದುಬಾರಿ ಮತ್ತು ಬೇಡಿಕೆಯಲ್ಲಿದೆ ಎಂದು ಹೇಳಲಾಗುತ್ತದೆ. ಇದಕ್ಕೂ ಮೊದಲು, ೨೦೧೮ ರಲ್ಲಿ, ೧೯೪೫ ರ ’ಡೊಮೈನ್ ಡೆ ಲಾ ರೊಮಾನೀ ಕಾಂಟಿ’ ಎಂಬ ವೈನ್ ಬಾಟಲಿಯನ್ನು ಸೋಥೆಬಿಸ್ನಲ್ಲಿ ೫.೨೧ ಕೋಟಿ ರೂ.ಗೆ ಮಾರಾಟ ಮಾಡಲಾಯಿತು. ಈಗ, ೧೯೪೫ ರ ’ಡೊಮೈನ್ ಡೆ ಲಾ ರೊಮಾನೀ ಕಾಂಟಿ’ ಎಂಬ ವೈನ್ ಬಾಟಲಿಯು ವಿಶ್ವದ ಅತ್ಯಂತ ದುಬಾರಿ ವೈನ್ಗಳ ಪಟ್ಟಿಗೆ ಸೇರಿದೆ.
