ನವದೆಹಲಿ,ಮಾ.೬-ಇಸ್ರೇಲ್ ಮತ್ತು ಇರಾನ್ ನಡುವಿನ ಯುದ್ಧ ಸಂಘರ್ಷದ ಮಧ್ಯೆ, ಆಕಾಶದಿಂದ ಕ್ಷಿಪಣಿಗಳ ಮಳೆಯ ನಡುವೆ, ಇರಾನ್ನ ಬಂದರ್ ಅಬ್ಬಾಸ್ನ ಪಶ್ಚಿಮಕ್ಕೆ ಶನಿವಾರ ಬೆಳಿಗ್ಗೆ ಇರಾನ್ನಲ್ಲಿ ಪ್ರಬಲ ಭೂಕಂಪ ಸಂಭವಿಸಿದೆ. ಈ ಕಂಪನವು ಜನರನ್ನು ಭಯಭೀತಗೊಳಿಸಿದೆ. ಭೂಕಂಪದ ತೀವ್ರತೆಯನ್ನು ರಿಕ್ಟರ್ ಮಾಪಕದಲ್ಲಿ ೪.೪ ಎಂದು ಅಳೆಯಲಾಗಿದೆ.
ಹಾರ್ಮೋಜ್ಗನ್ ಪ್ರಾಂತ್ಯದ ಬಂದರ್ ಅಬ್ಬಾಸ್ನಿಂದ ಸುಮಾರು ೭೫ ಕಿ.ಮೀ ಪಶ್ಚಿಮಕ್ಕೆ ೧೦ ಕಿ.ಮೀ ಆಳದಲ್ಲಿ ಕಂಪನ ಸಂಭವಿಸಿದೆ. ಸಧ್ಯಕ್ಕೆ ಯಾವುದೇ ಸಾವುನೋವುಗಳ ವರದಿಗಳಿಲ್ಲ.
ಯುನೈಟೆಡ್ ಸ್ಟೇಟ್ಸ್ ಭೂವೈಜ್ಞಾನಿಕ ಸಮೀಕ್ಷೆ (ಯುಎಸ್ಜಿಎಸ್) ಪ್ರಕಾರ, ಶನಿವಾರ ಬೆಳಿಗ್ಗೆ ಇರಾನ್ನ ಬಂದರ್ ಅಬ್ಬಾಸ್ನ ಪಶ್ಚಿಮಕ್ಕೆ ೪.೧ ತೀವ್ರತೆಯ ಭೂಕಂಪ ಸಂಭವಿಸಿದೆ. ಯುಎಸ್ಜಿಎಸ್ ಮಾಹಿತಿಯ ಪ್ರಕಾರ, ಬಂದರ್ ಅಬ್ಬಾಸ್ನ ಪಶ್ಚಿಮಕ್ಕೆ ೭೪ ಕಿಲೋಮೀಟರ್ ದೂರದಲ್ಲಿ ಮತ್ತು ೧೦ ಕಿಲೋಮೀಟರ್ ಆಳದಲ್ಲಿ ಭೂಕಂಪ ಸಂಭವಿಸಿದೆ. ಭೂಕಂಪವು ವ್ಯಾಪಕ ಭೀತಿಯನ್ನು ಉಂಟುಮಾಡಿದೆ. ಕಂಪನದ ಅನುಭವವಾದ ತಕ್ಷಣ ಜನರು ತಮ್ಮ ಮನೆಗಳಿಂದ ಹೊರಗೆ ಓಡಿ ಬಂದಿದ್ದಾರೆ.
ಇಸ್ರೇಲ್ ಮತ್ತು ಯುನೈಟೆಡ್ ಸ್ಟೇಟ್ಸ್ನೊಂದಿಗಿನ ನಡೆಯುತ್ತಿರುವ ಸಂಘರ್ಷದ ನಡುವೆ ಇರಾನ್ ಪರಮಾಣು ಪರೀಕ್ಷೆಯನ್ನು ನಡೆಸಿರಬಹುದು ಎಂಬ ಅನುಮಾನವನ್ನು ಕೆಲವರು ಎತ್ತುತ್ತಿದ್ದಾರೆ.
