ಮುಂಬೈ,ಜು.೨೧-೧೯೭೮ರಲ್ಲಿ ತೆರೆಕಂಡ ಅಮಿತಾಬ್ ಬಚ್ಚನ್ ಅವರ ಸಾಹಸಮಯ ಚಲನಚಿತ್ರ ಡಾನ್’ ನಿರ್ದೇಶಕ ಚಂದ್ರ ಬರೋಟ್ ಅವರು ೮೬ ನೇ ವಯಸ್ಸಿನಲ್ಲಿ ನಿಧನರಾಗಿದ್ದಾರೆ. ಅವರು ದೀರ್ಘಕಾಲದವರೆಗೆ ಅನಾರೋಗ್ಯ ಮತ್ತು ವೃದ್ಧಾಪ್ಯದ ಸಮಸ್ಯೆಗಳಿಂದ ಬಳಲುತ್ತಿದ್ದರು.
ಡಾನ್’ ನಂತಹ ಚಿತ್ರವನ್ನು ನೀಡುವುದರ ಜೊತೆಗೆ, ಚಂದ್ರ ಬರೋಟ್ ಅನೇಕ ಉತ್ತಮ ಹಿಂದಿ ಚಿತ್ರಗಳಲ್ಲಿ ಸಹಾಯಕರಾಗಿಯೂ ಕೆಲಸ ಮಾಡಿದ್ದಾರೆ. ಮನೋಜ್ ಕುಮಾರ್ ಅವರ ಪುರಬ್ ಔರ್ ಪಶ್ಚಿಮ್ ಚಿತ್ರದ ಜೊತೆಗೆ, ಅವರು ಯದ್ಗಾರ್ ರೋಟಿ ಕಪ್ಡಾ ಮಕಾನ್ ನಂತಹ ಚಿತ್ರಗಳಲ್ಲಿಯೂ ಸಹಾಯಕರಾಗಿ ಕೆಲಸ ಮಾಡಿದ್ದರು. ಚಂದ್ರ ಬರೋಟ್ ಬಂಗಾಳಿ ಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾರೆ .ಆದರೆ ಜನ ಅಮಿತಾಬ್ ಬಚ್ಚನ್ ಅವರ ಡಾನ್ ಚಿತ್ರಕ್ಕಾಗಿ ಮಾತ್ರ ಸಾರ್ವಜನಿಕರು ಅವರನ್ನು ನೆನಪಿಸಿಕೊಳ್ಳುತ್ತಾರೆ.
೧೯೭೮ ರಲ್ಲಿ ಬಿಡುಗಡೆಯಾದ ’ಡಾನ್’ ತನ್ನ ಆಕ್ಷನ್ ಮತ್ತು ಅದ್ಭುತ ಸಂಭಾಷಣೆಗಳಿಗೆ ಹೆಸರುವಾಸಿಯಾಗಿದೆ .
ಇದರಲ್ಲಿ ಅಮಿತಾಬ್ ಬಚ್ಚನ್, ಜೀನತ್ ಅಮನ್, ಪ್ರಾಣ್ ಅವರಂತಹ ಮಹಾನ್ ತಾರೆಯರು ಇದ್ದರು. ಇದನ್ನು ಜಾವೇದ್ ಅಖ್ತರ್ ಮತ್ತು ಸಲೀಂ ಖಾನ್ ಜೋಡಿ ಬರೆದಿದ್ದಾರೆ. ಈ ಚಿತ್ರ ಸುಮಾರು ೫೦ ವರ್ಷಗಳ ಹಿಂದೆ ಬಿಡುಗಡೆಯಾಯಿತು ಮತ್ತು ಬಾಕ್ಸ್ ಆಫೀಸ್‌ನಲ್ಲಿ ಸೂಪರ್‌ಹಿಟ್ ಎಂದು ಸಾಬೀತಾಯಿತು.
