ವಾಷಿಂಗ್ಟನ್/ನವದೆಹಲಿ,ಮಾ.೩೦-ಇರಾನ್ ಜೊತೆಗಿನ ಅಮೆರಿಕ-ಇಸ್ರೇಲ್ ಯುದ್ಧ ಉಲ್ಬಣಗೊಂಡಂತೆ ಏಷ್ಯಾದಲ್ಲಿ ಜಾಗತಿಕ ತೈಲ ಬೆಲೆಗಳು ಗಗನಕ್ಕೇರಿದ್ದು ಕಚ್ಚಾತೈಲ ಪ್ರತಿ ಬ್ಯಾರಲ್ಗೆ ೧೧೫ ಡಾಲರ್ಗೆ ಏರಿಕೆಯಾಗಿದೆ, ಇದರ ಪರಿಣಾಮ ಷೇರು ಮಾರುಕಟ್ಟೆ ತೀವ್ರವಾಗಿ ಕುಸಿದಿವೆ.
ಬ್ರೆಂಟ್ ಕಚ್ಚಾ ತೈಲದ ಬೆಲೆ ಬ್ಯಾರೆಲ್ಗೆ ಶೇಕಡಾ ೩ ರಷ್ಟು ಏರಿಕೆಯಾಗಿ ಪ್ರತಿ ಬ್ಯಾರಲ್ಗೆ ೧೧೫ ಡಾಲರ್ ತಲುಪಿದೆ. ಅಮೆರಿಕ ವ್ಯಾಪಾರದ ತೈಲ ಸುಮಾರು ಶೇಕಡಾ ೩.೫ ರಷ್ಟು ಏರಿಕೆಯಾದ ನಂತರ ಪ್ರತಿ ಬ್ಯಾರಲ್ಗೆ ೧೦೩ ಡಾಲರ್ಗೆ ಹೆಚ್ಚಾಗಿದೆ. ಬ್ರೆಂಟ್ ಅನ್ನು ದಾಖಲೆಯ ಅತಿದೊಡ್ಡ ಬೆಲೆ ಏರಿಕೆ ಇದಾಗಿದೆ.
ಕಚ್ಚಾತೈಲದ ಬೆಲೆ ಗಣನೀಯವಾಗಿ ಹೆಚ್ಚಳವಾಗುತ್ತಿರುವ ಹಿನ್ನೆಲೆಯಲ್ಲಿ ಏಷ್ಯಾದಲ್ಲಿ ಷೇರು ಮಾರುಕಟ್ಟೆಗಳು ಕುಸಿತ ಆರಂಭವಾಗಿದೆ., ಜಪಾನ್ನ ನಿಕ್ಕಿ ೨೨೫ ರಷ್ಟಿದ್ದು ಶೇಕಡಾ ೪.೫ ಮತ್ತು ದಕ್ಷಿಣ ಕೊರಿಯಾದ ಕೋಸ್ಪಿ ಶೇಕಡಾ ೪ರಷ್ಟು ಕುಸಿತಕಂಡಿವೆ.
ಯೆಮೆನ್ನಲ್ಲಿರುವ ಇರಾನ್ ಬೆಂಬಲಿತ ಹೌತಿ ಬಂಡುಕೋರರು ವಾರಾಂತ್ಯದಲ್ಲಿ ಇಸ್ರೇಲ್ ಮೇಲೆ ದಾಳಿ ಮಾಡುವ ಮೂಲಕ ಸಂಘರ್ಷಕ್ಕೆ ಸೇರಿದ ನಂತರ ಮತ್ತು ಇರಾನ್ ವಿಶ್ವವಿದ್ಯಾಲಯಗಳು ಮತ್ತು ಅಮೆರಿಕದ ಮತ್ತು ಇಸ್ರೇಲಿ ಅಧಿಕಾರಿಗಳ ವಿರುದ್ಧ ಪ್ರತೀಕಾರದ ದಾಳಿ ವಿಸ್ತರಿಸುವುದಾಗಿ ಬೆದರಿಕೆ ಹಾಕಿದ ನಂತರ ಬೆಲೆ ಏರಿಕೆಯಾಗಿದೆ.
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸಂದರ್ಶನದಲ್ಲಿ “ಇರಾನ್ನಲ್ಲಿರುವ ಖಾರ್ಗ್ ದ್ವೀಪವನ್ನು ವಶಪಡಿಸಿಕೊಳ್ಳಲಿದೆ. ಇದರಿಂದ ಪ್ರಮುಖ ಇಂಧನ ಕೇಂದ್ರವಾದ ಖಾರ್ಗ್ ದ್ವೀಪ ವಶಪಡಿಸಿಕೊಳ್ಳುವುದರಿಂದ ಇರಾನ್ಗೆ ಬಾರಿ ಪೆಟ್ಟು” ನೀಡುವುದಾಗಿ ಮಾಹಿತಿ ಹಂಚಿಕೊಂಡಿದ್ದಾರೆ.
ವೆನೆಜುವೆಲಾದಲ್ಲಿ ಜನವರಿಯಲ್ಲಿ ಆಗಿನ ಅಧ್ಯಕ್ಷ ನಿಕೋಲಸ್ ಮಡುರೊ ಅವರನ್ನು ವಶಪಡಿಸಿಕೊಂಡ ನಂತರ ತೈಲ ಉದ್ಯಮ “ಅನಿರ್ದಿಷ್ಟವಾಗಿ” ನಿಯಂತ್ರಿಸಲು ಅಮೇರಿಕಾ ಹಲವು ಕ್ರಮ ಕೈಗೊಳ್ಳಲಾಗಿತ್ತು.
ಇರಾನ್ ಸಂಸತ್ತಿನ ಸ್ಪೀಕರ್ ತಮ್ಮ ದೇಶದ ಪಡೆಗಳು “ಅಮೆರಿಕನ್ ಸೈನಿಕರಿಗಾಗಿ ಕಾಯುತ್ತಿವೆ” ಎಂದು ಎಚ್ಚರಿಸಿದರು, ಏಕೆಂದರೆ ಇನ್ನೂ ೩,೫೦೦ ಅಮೆರಿಕ ಪಡೆಗಳು ಮಧ್ಯಪ್ರಾಚ್ಯಕ್ಕೆ ಆಗಮಿಸಿದ್ದು ಸಂಘರ್ಷ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ.
ಹಾರ್ಮುಜ್ ಜಲಸಂಧಿಯನ್ನು ದಾಟಲು ಪ್ರಯತ್ನಿಸುವ ಹಡಗುಗಳ ಮೇಲೆ ದಾಳಿ ಮಾಡುವುದಾಗಿ ಬೆದರಿಕೆ ಹಾಕುವ ಮೂಲಕ ಇರಾನ್, ಅಮೇರಿಕಾ ಮತ್ತು ಇಸ್ರೇಲಿ ದಾಳಿಗಳಿಗೆ ಪ್ರತೀಕಾರ ತೀರಿಸಿಕೊಂಡ ನಂತರ ಜಾಗತಿಕ ಇಂಧನ ಮಾರುಕಟ್ಟೆಗಳು ಭಾರಿ ಅಸ್ಥಿರತೆ ಎದುರಾಗಿದೆ.
ವಿಶ್ವದ ತೈಲ ಮತ್ತು ಅನಿಲ ಪೂರೈಕೆಯ ಸುಮಾರು ಶೇಕಡಾ ೨೦ ರಷ್ಟು ಸಾಮಾನ್ಯವಾಗಿ ಕಿರಿದಾದ ಜಲಮಾರ್ಗದ ಮೂಲಕ ಹಾದುಹೋಗುತ್ತದೆ. ಆದರೆ ಹೆಚ್ಚಾಗಿ ಸ್ಥಗಿತಗೊಂಡಿದೆ, ಹಡಗುಗಳ ನಿರ್ಬಂಧದಿಂದ ತೈಲ ಬೆಲೆಗಳು ಗಗನಕ್ಕೇರಿವೆ.
ಮ್ಯಾಕ್ವಾರಿ ವಿಶ್ವವಿದ್ಯಾಲಯದ ಇಂಧನ ಮಾರುಕಟ್ಟೆಗಳ ತಜ್ಞ ಸೀನ್ ಫೊಲಿ ಅವರು ಸಂಘರ್ಷ ಕಡಿಮೆಯಾಗದ ಹೊರತು ತೈಲ ಬೆಲೆಗಳು ಮತ್ತಷ್ಟು ಏರಿಕೆಯಾಗುವ ನಿರೀಕ್ಷೆಯಿದೆ ಎಂದು ಎಚ್ಚರಿಸಿದ್ದಾರೆ.
