ಕಲಬುರಗಿ:ನ.9: ಜ್ಞಾನ ಸಾಗರ ವಿದ್ಯಾ ಪೀಠದ ಶಾಲೆಯಲ್ಲಿ ಇಂದು ಕನಕದಾಸ ಜಯಂತಿಯ ಶುಭ ಸಂದರ್ಭದಲ್ಲಿ, ಶ್ರೀ ಆಕಾಶ್ ಸರಡಗಿ (ಅಊಂಖಖಿಇಆ ಂಅಅಔUಓಖಿಂಓಖಿ) ಅಂತಿಮ ಪರೀಕ್ಷೆಯಲ್ಲಿ (ಸೆಪ್ಟೆಂಬರ್ 2025) ಯಶಸ್ವಿಯಾದ ಪ್ರಯುಕ್ತ ಅವರನ್ನು ಸನ್ಮಾನಿಸಲಾಯಿತು.
ಕಲಬುರಗಿಯ ಚಿತ್ತಾಪುರದ ಬಡ ಕುಟುಂಬ ದಿಂದ ಬಂದ ಆಕಾಶ್, ತಂದೆ ಶ್ರೀ ಸುಬಾಷ್ ಚಂದ್ರ ಸರಡಗಿ ಎಲಕ್ಟ್ರಿಷಿಯನ್ ಮತ್ತು ತಾಯಿಯು ಶ್ರೀಮತಿ ಸಂಗೀತಾ ಸರಡಗಿ ಗೃಹಿಣಿ ಒಂದೇ ಕೋಣೆಯ ಮನೆಯಲ್ಲಿ ವಾಸವಿದ್ದು ಅತಿ ಕಡುಬಡತನ ಬಂದವರು. ಭಾರತದ ಅತ್ಯಂತ ಪ್ರತಿಷ್ಠಿತ ವೃತ್ತಿಪರ ಅರ್ಹತೆಗಳಲ್ಲಿ ಒಂದನ್ನು ಸಾಧಿಸುವವರೆಗಿನ ಅವರ ಪ್ರಯಾಣವು ರಾಷ್ಟ್ರದಾದ್ಯಂತದ ವಿದ್ಯಾರ್ಥಿಗಳಿಗೆ ಭರವಸೆಯ ದಾರಿದೀಪವಾಗಿದೆ.
ಆಕಾಶ್ ತನ್ನ ಪ್ರಾಥಮಿಕ ಶಿಕ್ಷಣವನ್ನು ಕನ್ನಡ ಮಾಧ್ಯಮ ಶಿಶು ವಿಹಾರ್ ಶಾಲೆಯಲ್ಲಿ ಮತ್ತು ಪ್ರೌಢಶಾಲೆ ಶಿಕ್ಷಣವನ್ನು ಚಿತ್ತಾಪುರದ ಬೆಥನಿ ಕನ್ನಡ ಮಾಧ್ಯಮ ಪ್ರೌಢಶಾಲೆಯಲ್ಲಿ ಎಸ್ಎಸ್ಎಲ್ಸಿಯಲ್ಲಿ 83% ಅಂಕಗಳೊಂದಿಗೆ ಪೂರ್ಣಗೊಳಿಸಿದರು. ನಂತರ ಅವರು ಕಲಬುರಗಿಯ ನ್ಯಾಯಮೂರ್ತಿ ಶಿವರಾಜ. ವಿ.ಪಾಟೀಲ್ ಪಿಯು ವಿಜ್ಞಾನ ಕಾಲೇಜಿನಲ್ಲಿ ಪಿಯುಸಿಯಲ್ಲಿ 95% ಗಳಿಸಿ ಅಧ್ಯಯನ ಮಾಡಿದರು. ನೀಟ್, ಐಐಟಿ-ಜೆಇಇ ಮತ್ತು ಕೆಸಿಇಟಿಯಲ್ಲಿ ಉತ್ತೀರ್ಣರಾಗಿದ್ದರೂ, ಆಕಾಶ್ ಚಾರ್ಟರ್ಡ್ ಅಕೌಂಟೆನ್ಸಿಯನ್ನು ಮುಂದುವರಿಸಲು ಆಯ್ಕೆ ಮಾಡಿಕೊಂಡರು ಮತ್ತು IಅಂI ಎಲ್ಲಾ ಹಂತಗಳನ್ನು ಯಶಸ್ವಿಯಾಗಿ ಪೂರೈಸಿದ್ದಾರೆ.
ಸನ್ಮಾನ ಸಮಾರಂಭವು ಎSಗಿP ಶಾಲಾ ಆವರಣದಲ್ಲಿ ಎSಗಿP, ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಶ್ರೀಮತಿ ನಿರ್ಮಲಾದೇವಿ ನಾಗಲಾಪುರ, ಅಧ್ಯಕ್ಷರು, ಎನ್ಜಿಎನ್ ಫೌಂಡೇಶನವರು, ಶ್ರೀಮತಿ ವಿಜಯಲಕ್ಷ್ಮಿ ಗದ್ವಾಲ್ ಹಾಗೂ ಡಾ. ಸಂತೋಷ ನಾಗಲಾಪುರ, ಸ್ಥಾಪಕರು, ಎನ್ಜಿಎನ್ ಫೌಂಡೇಶನ್,ಕಾರ್ಯಕ್ರಮದ ಅಧ್ಯಕ್ಷತೆಯನ್ನೂ ಶ್ರೀ ಗಂಗಾಧರ ದೇಸಾಯಿ, ಪ್ರಾಂಶುಪಾಲರು, ವಹಿಸಿದ್ದರು ಹಾಗೂ ಗೌರವಾನ್ವಿತ ಎಸ್ಡಿಎಂಸಿ ಸದಸ್ಯರು, ಕೊತ್ತಂಬರಿ ಲೇಔಟ್ನ ಹಿರಿಯ ನಾಗರಿಕರು, ಬೋಧನಾ ಸಿಬ್ಬಂದಿ, ವಿದ್ಯಾರ್ಥಿಗಳು ಮತ್ತು ಹಿತೈಷಿಗಳು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದರು.
ಕಾರ್ಯಕ್ರಮದಲ್ಲಿ ಕುಮಾರಿ ದೇವಿಕ ದೇಶಮುಖ್ ಸ್ವಾಗತಿಸಿದರು. ಕುಮಾರ ಬಸವಲಿಂಗಪ್ಪ ಅವರಿಂದ ಚಾರ್ಟೆಡ್ ಅಕೌಂಟೆಂಟ್ ಆಕಾಶ್ ಜೀವನ ನಡೆದು ಬಂದ ದಾರಿ ವಿವರಿಸಿದರು, ಕುಮಾರ ಶ್ರೀಷಾ ಶೆಟ್ಟಿ ಅವರಿಂದ ವಂದನಾರ್ಪಣೆ ಮಾಡಿದರು.