ಕಲಬುರಗಿ:ಅ.14:ಬಸವಣ್ಣನವರು ದೇಗುಲಗಳಿಗೆ ಹೋಗಿ ವಿಧಿ-ವಿಧಾನಗಳನ್ನು ಆಚರಿಸುವುದಕ್ಕಿಂತಲೂ ಸರಳತೆ ಮತ್ತು ಭಕ್ತಿಯಿಂದ ದೇವರನ್ನು ಪೂಜಿಸುವುದಕ್ಕೆ ಪ್ರೋತ್ಸಾಹಿಸಿದರು ಎಂದು ಗೋದುತಾಯಿ ಶಿಕ್ಷಣ ಮಹಾವಿದ್ಯಾಲಯದ ಪ್ರಾಧ್ಯಾಪಕಿ ಶ್ರೀಮತಿ ಸುಂದರಾಬಾಯಿ ನಾಗಶೆಟ್ಟಿ ಹೇಳಿದರು.
ಅಖಿಲ ಭಾರತ ಶಿವಾನುಭವ ಮಂಟಪ ಶರಣಬಸವೇಶ್ವರ ದೇವಸ್ಥಾನದಲ್ಲಿ ಬುಧವಾರ ಶ್ರಾವಣ ಮಾಸದ ಸಾಂಸ್ಕøತಿಕ ಕಾರ್ಯಕ್ರಮಗಳಲ್ಲಿ ಕರ್ನಾಟಕದ ಸಾಂಸ್ಕøತಿಕ ನಾಯಕ ಬಸವಣ್ಣನವರ ವಿಷಯದ ಶೀರ್ಷಿಕೆ ಅಡಿಯಲ್ಲಿ ಬಸವಣ್ಣನವರ ದೇವರ ಪರಿಕಲ್ಪನೆ ಎಂಬ ವಿಷಯ ಕುರಿತು ಮಾತನಾಡಿದರು.
ಬಸವಣ್ಣನವರು ದೇವರನ್ನು ವ್ಯಕ್ತಿರೂಪದಲ್ಲಿ ಪೂಜಿಸುವುದನ್ನು ವಿರೋಧಿಸಿ, ಪ್ರತಿಯೊಬ್ಬರಲ್ಲೂ ದೇವರಿದ್ದಾನೆಂದು ನಂಬಿದ್ದರು. ಎಲ್ಲ ಜೀವಿಗಳಲ್ಲಿಯೂ ದೈವತ್ವವಿದೆ ಎಂದು ನಂಬಿದ್ದರು. ಅವರು ಇಷ್ಟಲಿಂಗವನ್ನು ಪರಿಚಯಿಸಿದರು, ಇದು ದೈವಿಕತೆಯ ವೈಯಕ್ತಿಕ ಸಂಕೇತವಾಗಿದೆ. ಬಸವಣ್ಣನವರ ಪ್ರಕಾರ, ದೇವರನ್ನು ಅರಸಲು ದೇಗುಲಗಳಿಗೆ ಹೋಗಬೇಕಾಗಿಲ್ಲ, ಪ್ರತಿಯೊಬ್ಬ ವ್ಯಕ್ತಿಯೂ ತನ್ನಲ್ಲಿಯೇ ದೇವತ್ವವನ್ನು ಕಾಣಬಹುದು.
ಇಷ್ಟಲಿಂಗ ಪೂಜೆಯು ದೈವಿಕತೆಯ ಸಂಕೇತವಾಗಿದೆ ಮತ್ತು ವ್ಯಕ್ತಿಯು ತನ್ನಲ್ಲಿಯೇ ದೇವತ್ವವನ್ನು ಅರಿತುಕೊಳ್ಳಲು ಸಹಾಯ ಮಾಡುತ್ತದೆ. ಇದನ್ನು ಧರಿಸುವ ಮೂಲಕ, ವ್ಯಕ್ತಿಯು ಯಾವಾಗಲೂ ದೇವರೊಂದಿಗೆ ಸಂಪರ್ಕದಲ್ಲಿರುತ್ತಾನೆ ಎಂದು ನಂಬಲಾಗಿದೆ.
ಬಸವಣ್ಣನವರು ಜಾತಿ, ಲಿಂಗ, ವರ್ಗ ಭೇದವಿಲ್ಲದೆ ಎಲ್ಲರೂ ದೇವರ ಸಮಾನ ಭಕ್ತರು ಎಂದು ಬೋಧಿಸಿದರು. ಎಲ್ಲ ಜೀವಿಗಳಲ್ಲಿ ದೈವತ್ವವಿದೆ ಎಂದು ನಂಬಿದ್ದರು. ಅವರು ಕಾಯಕಕ್ಕೆ ಮಹತ್ವ ನೀಡಿದರು. ಪ್ರತಿಯೊಬ್ಬ ವ್ಯಕ್ತಿಯು ತನ್ನ ಕಾಯಕವನ್ನು ಶ್ರದ್ಧೆಯಿಂದ ಮಾಡಿದರೆ, ಅದುವೇ ಕೈಲಾಸಕ್ಕೆ ಸಮಾನ ಎಂದು ನಂಬಿದ್ದರು.
ದೇವರ ಪರಿಕಲ್ಪನೆಯು ಆಧ್ಯಾತ್ಮಿಕತೆ, ಸಾಮಾಜಿಕ ನ್ಯಾಯ ಮತ್ತು ಸಮಾನತೆಯನ್ನು ಪ್ರತಿಪಾದಿಸುತ್ತದೆ. ಅವರು ಎಲ್ಲ ಜೀವಿಗಳಲ್ಲಿಯೂ ದೈವತ್ವವಿದೆ ಎಂದು ನಂಬಿದ್ದರು ಮತ್ತು ಎಲ್ಲರೂ ಸಮಾನರು ಎಂದು ಸಾರಿದರು. ಲಿಂಗವು ಬ್ರಹ್ಮಾಂಡದ ಉದಯಕ್ಕೆ ಕಾರಣವಾಗಿದ್ದು ಅದು ಶರಣರ ಹೃದಯದಲ್ಲಿ ಪ್ರಜ್ವಲಿಸುವ ಜ್ಯೋತಿಯಿದ್ದಂತೆ. ಲಿಂಗ ನಿರೀಕ್ಷೆಯು ಮನುಷ್ಯನಲ್ಲಿ ಹೊಸ ಚೈತನ್ಯ ಹಾಗೂ ತೇಜಸ್ಸನ್ನು ಮೂಡಿಸುತ್ತದೆ. ಶರಣರಿಗೆ ದೇವರಿಗೆ ಸವಾಲು ಹಾಕುವ ಶಕ್ತಿಯಿದೆ. ದೇಹ, ವರ್ಣ ಮತ್ತು ರೂಪವಿಲ್ಲದವನೇ ದೇವರಾಗಿದ್ದಾನೆ. ಶರಣರು ಪರಮಾತ್ಮನನ್ನು ಪದಗಳಿಂದ ಅಳೆಯದೇ ಅನುಭವದಿಂದ ಕಂಡುಕೊಂಡರು. ಕಷ್ಟವೆಂಬ ಕತ್ತಿಯನ್ನು ಹಿಡಿದರೂ ದೇವರಿಗೆ ಮನುಷ್ಯನ ಮೇಲೆ ಪ್ರೀತಿ ಜಾಸ್ತಿ. ದೇವರ ಹುಚ್ಚು ಹಿಡಿದವನಿಗೆ ಸಂಸಾರದ ಭವಸಾಗರದಿಂದ ಮೋಕ್ಷ ಪ್ರಾಪ್ತಿಯಾಗುತ್ತದೆ ಎಂದರು. ಸಂಚಾಲಕ ಡಾ.ಶಿವರಾಜ ಶಾಸ್ತ್ರಿ ಹೇರೂರ್ ಮಾತನಾಡಿದರು.
