ಸೈದಾಪುರ:ಸೆ.೬:ಪಟ್ಟಣದಲ್ಲಿ ಮುಸ್ಲಿಂ ಬಾಂಧವರು ಈದ್ ಮಿಲಾದ್ ಹಬ್ಬದ ಅಂಗವಾಗಿ ರೈಲ್ವೆ ನಿಲ್ದಾಣದಿಂದ ಜಾಮಿಯಾ ಮಜೀದವರೆಗೆ ಮದೀನಾ ಪ್ರತಿಕೃತಿಯ ಭವ್ಯ ಮೆರವಣಿಗೆ ಮಾಡಿದರು. ಪ್ರವಾದಿ ಮಹಮ್ಮದ ಪೈಗಂಬರ ಅವರ ಜನ್ಮದಿನ ಇದಾಗಿದ್ದೂ ಅವರು ನೊಂದವರ ಶೋಷಿತರ ಪರವಾಗಿ ಹತ್ತಾರು ಕ್ರಾಂತಿಕಾರಿ ಹೋರಾಟಗಳ ಮೂಲಕವಾಗಿ ತಮ್ಮ ಗಟ್ಟಿತನದಿಂದ ಶೋಷಣೆಗೆ ಒಳಗಾದವರಿಗೆ ದನಿಯಾಗಿ ನಿಂತರು. ಸಮುದಾಯದಲ್ಲಿ ನಡೆಯುತ್ತಿರುವ ಶೋಷಣೆಯನ್ನು ತೊಡೆದು ಹಾಕಿದರು. ಅವರ ಸಂದೇಶಗಳು ಸರ್ವ ಕಾಲಕ್ಕೂ ಮಾರ್ಗದರ್ಶನವಾಗಿವೆ. ನಿತ್ಯದ ಅವರ ತತ್ವ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡು ಸಾಗಬೇಕೆಂದು ಅಭಿಪ್ರಾಯಪಟ್ಟರು. ಈ ಸಂದರ್ಭದಲ್ಲಿ ಜಾಮೀಯ ಮಜೀದನ ಮೌಲಾನ ಸಾಬ, ಅಲ್ಲಾಭಾಷ ಹಿಚಗೇರಿ ಸೇರಿದಂತೆ ಇತರರಿದ್ದರು.
