ಬೆಂಗಳೂರು.ಜ೨೪: ಭಾರತದ ಒಳನಾಡಿನ ಜಲಸಾರಿಗೆ ಜಾಲವನ್ನು ವಿಸ್ತರಿಸಲು, ಪ್ರಮುಖ ಮೂಲಸೌಕರ್ಯ ಹೂಡಿಕೆಗಳನ್ನು ಅನುಮೋದಿಸಲು ಮತ್ತು ದೇಶದ ನದಿಗಳ ಸಂಪೂರ್ಣ ಆರ್ಥಿಕ ಸಾಮಥ್ರ್ಯವನ್ನು ಅನಾವರಣ ಮಾಡುವ ಉದ್ದೇಶದಿಂದ ಕೇಂದ್ರ- ರಾಜ್ಯ ಸಮನ್ವಯವನ್ನು ಬಲಪಡಿಸಲು ಸಮಗ್ರ ಮಾರ್ಗಸೂಚಿ ರೂಪಿಸುವುದರೊಂದಿಗೆ ಒಳನಾಡಿನ ಜಲಮಾರ್ಗ ಅಭಿವೃದ್ಧಿ ಮಂಡಳಿಯ ಐಡಬ್ಲ್ಯುಡಿಸಿ ೩.೦) ಮೂರನೇ ಸಭೆ ಮುಕ್ತಾಯವಾಯಿತು
ಕೇಂದ್ರ ಬಂದರುಗಳು, ಹಡಗು ಮತ್ತು ಜಲಮಾರ್ಗಗಳ ಸಚಿವ ಸರ್ಬಾನಂದ ಸೋನೋವಾಲ್ ಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಸುಸ್ಥಿರ ಮತ್ತು ಪರಿಣಾಮಕಾರಿ ಲಾಜಿಸ್ಟಿಕ್ಸ್ನ ಪ್ರಮುಖ ಆಧಾರಸ್ತಂಭವಾಗಿ ಒಳನಾಡು ಜಲಸಾರಿಗೆಯನ್ನು ಬಲಪಡಿಸುವ ಭಾರತದ ಪ್ರಯಾಣದಲ್ಲಿ ಈ ಸಭೆ ಮಹತ್ವದ ಮೈಲಿಗಲ್ಲು ಎನಿಸಿತು.
ಹಸಿರು ಚಲನಶೀಲತೆಯನ್ನು ವೇಗಗೊಳಿಸುವ, ಬಹುಮಾದರಿ ಲಾಜಿಸ್ಟಿಕ್ಸ್ ಅನ್ನು ಬಲಪಡಿಸುವ ಮತ್ತು ನದಿ ಆಧಾರಿತ ಆರ್ಥಿಕ ಅಭಿವೃದ್ಧಿಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿರುವ ಐಡಬ್ಲ್ಯೂಡಿಸಿ ೩.೦ ರಲ್ಲಿ ರೂ. ೧,೫೦೦ ಕೋಟಿಗಿಂತ ಹೆಚ್ಚಿನ ಮೌಲ್ಯದ ಯೋಜನೆಗಳನ್ನು ಪರಿಗಣಿಸಲಾಯಿತು. ದೇಶಾದ್ಯಂತ ಕ್ರೂಸ್ ಪ್ರವಾಸೋದ್ಯಮ ಸಕ್ರ್ಯೂಟ್ಗಲಳ ವಿಸ್ತರಣೆಯನ್ನು ಬೆಂಬಲಿಸುವ ?ಕೇರಳ, ಗುಜರಾತ್, ಕರ್ನಾಟಕ, ಒಡಿಶಾ ಮತ್ತು ತೆಲಂಗಾಣದಲ್ಲಿ ನದಿ ಕ್ರೂಸ್ ಜೆಟ್ಟಿಗಳು ಸೇರಿದಂತೆ ರೂ. ೧೫೦ ಕೋಟಿಗಿಂತ ಹೆಚ್ಚಿನ ಯೋಜನೆಗಳಿಗೆ ಅಡಿಪಾಯ ಹಾಕಲಾಯಿತು. ನೌಕಾಯಾನ, ಸುರಕ್ಷತೆ ಮತ್ತು ವರ್ಷಪೂರ್ತಿ ಕಾರ್ಯಾಚರಣೆಗಳನ್ನು ಹೆಚ್ಚಿಸಲು ರೂ. ೪೬೫ ಕೋಟಿಗಿಂತ ಹೆಚ್ಚಿನ ಮೌಲ್ಯದ ಆಸ್ತಿ ಖರೀದಿಯನ್ನು ಸಹ ಘೋಷಿಸಲಾಯಿತು. ರೂ. ೯೦೦ ಕೋಟಿಗಿಂತ ಹೆಚ್ಚಿನ ಮೌಲ್ಯದ ಪ್ರಮುಖ ಹೊಸ ಯೋಜನೆಗಳ ಬಗ್ಗೆ ಮಂಡಳಿಗೆ ಮಾಹಿತಿ ನೀಡಲಾಯಿತು.
ಪರಿಷತ್ತಿನಲ್ಲಿ ಮಾತನಾಡಿದ ಕೇಂದ್ರ ಸಚಿವ ಸರ್ಬಾನಂದ ಸೋನೋವಾಲ್ ಅವರು, ಪ್ರಧಾನಿ ನರೇಂದ್ರ ಮೋದಿಯವರ ನೇತೃತ್ವದಲ್ಲಿ ಭಾರತದ ಸಾರಿಗೆ ಮತ್ತು ಲಾಜಿಸ್ಟಿಕ್ಸ್ ರೂಪಾಂತರದ ಕಾರ್ಯತಂತ್ರದ ಆಧಾರಸ್ತಂಭವಾಗಿ ಒಳನಾಡಿನ ಜಲಮಾರ್ಗಗಳು ಹೊರಹೊಮ್ಮಿವೆ ಎಂದು ಹೇಳಿದರು. “ನಮ್ಮ ಕ್ರಿಯಾಶೀಲ ಪ್ರಧಾನಿ ನರೇಂದ್ರ ಮೋದಿ ಅವರು ಒಳನಾಡಿನ ಜಲಮಾರ್ಗಗಳಿಗೆ ವಿಶೇಷ ಉತ್ತೇಜನ ನೀಡಿದ್ದಾರೆ, ಇದು ರಸ್ತೆಗಳಲ್ಲಿನ ದಟ್ಟಣೆಯನ್ನು ಕಡಿಮೆ ಮಾಡುವ ಜತೆಗೆ ಲಾಜಿಸ್ಟಿಕ್ಸ್ ವೆಚ್ಚವನ್ನು ಕಡಿಮೆ ಮಾಡಿದೆ ಮತ್ತು ವ್ಯಾಪಾರ ಮಾಡುವ ಸುಲಭತೆಯನ್ನು ಬಲಪಡಿಸಿದೆ ಎಂದು ಹೇಳಿದರು.
