ಬೆಂಗಳೂರು,ಸೆ.೧೧:ವಿಧಾನ ಪರಿಷತ್ಗೆ ನಾಮಕರಣಗೊಂಡಿರುವ ನಾಲ್ವರು ಪರಿಷತ್ ಸದಸ್ಯರಾಗಿ ಇಂದು ಪ್ರಮಾಣವಚನ ಸ್ವೀಕರಿಸಿದರು. ವಿಧಾನ ಪರಿಷತ್ನಲ್ಲಿ ಖಾಲಿ ಇದ್ದ ನಾಲ್ಕು ನಾಮನಿರ್ದೇಶನ ಸ್ಥಾನಗಳಿಗೆ ರಾಜ್ಯಸರ್ಕಾರ ಕಳೆದವಾರ ಕೆಪಿಸಿಸಿಯ ಮಾಧ್ಯಮ ಘಟಕದ ಅಧ್ಯಕ್ಷ ರಮೇಶ್ಬಾಬು, ಎನ್ಆರ್ಐ ವಿಭಾಗದ ಮುಖ್ಯಸ್ಥೆ ಆರತಿಕೃಷ್ಣ, ದಲಿತ ಮುಖಂಡರಾದ ಹುಬ್ಬಳ್ಳಿ-ಧಾರವಾಡದ ಜಕ್ಕಪ್ಪನವರ್, ಮೈಸೂರು ಮೂಲದ ಪತ್ರಕರ್ತ ಶಿವಕುಮಾರ್. ಕೆ ಅವರನ್ನು ನೇಮಕ ಮಾಡಿತ್ತು.
ವಿಧಾನ ಪರಿಷತ್ಗೆ ನಾಮಕರಣಗೊಂಡ ರಮೇಶ್ಬಾಬು,ಆರತಿ ಕೃಷ್ಣ, ಜಕ್ಕಪ್ಪನವರ್ ಮತ್ತು ಶಿವಕುಮಾರ್ ಅವರು ಇಂದು ವಿಧಾನಸೌಧದ ಬ್ಯಾಂಕ್ವೆಟ್ ಹಾಲ್ನಲ್ಲಿ ನಡೆದ ಸಮಾರಂಭದಲ್ಲಿ ವಿಧಾನ ಪರಿಷತ್ ಸದಸ್ಯರಾಗಿ ಪ್ರಮಾಣವಚನ ಸ್ವೀಕರಿಸಿದರು.
ಈ ಸಂದರ್ಭದಲ್ಲಿ ವಿಧಾನ ಪರಿಷತ್ತಿನ ಸಭಾಪತಿ ಬಸವರಾಜ ಹೊರಟ್ಟಿ, ಮುಖ್ಯಮಂತ್ರಿ ಸಿದ್ದರಾಮಯ್ಯ, ಉಪಮುಖ್ಯಮಂತ್ರಿ ಡಿ.ಕೆ ಶಿವಕುಮಾರ್, ಸಚಿವರುಗಳಾದ ಡಾ. ಜಿ. ಪರಮೇಶ್ವರ್, ಎಚ್.ಕೆ ಪಾಟೀಲ್, ಕೆ. ವೆಂಕಟೇಶ್, ಬೋಸರಾಜು, ಜಮೀರ್ಅಹ್ಮದ್ಖಾನ್ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.
