ಬೆಂಗಳೂರು,ಡಿ.೨೮- ಹೊಸ ವರ್ಷಾಚರಣೆಯ ದೃಷ್ಟಿಯಿಂದ, ಡಿಸೆಂಬರ್ ೩೧ ರಂದು ಬೆಳಿಗ್ಗೆ ೬ ರಿಂದ ಮಧ್ಯರಾತ್ರಿ ೧ ಗಂಟೆಯವರೆಗೆ ಬೆಂಗಳೂರಿನಲ್ಲಿ ಮದ್ಯ ವ್ಯಾಪಾರಕ್ಕೆ ಅವಕಾಶ ನೀಡಲಾಗುವುದು ಎಂದು ನಗರ ಪೊಲೀಸ್ ಆಯುಕ್ತರು ಆದೇಶಿಸಿದ್ದಾರೆ.
ವಿಶೇಷ ಸಾಂದರ್ಭಿಕ ಅಬಕಾರಿ ಪರವಾನಗಿದಾರರು (ಅಐ-೫) ಡಿಸೆಂಬರ್ ೩೧ ರಂದು ಬೆಳಿಗ್ಗೆ ೬ ರಿಂದ ಬೆಳಗಿನ ಜಾವ ೧ ಗಂಟೆಯವರೆಗೆ ಮದ್ಯ ವ್ಯಾಪಾರ ಮಾಡಲು ಮತ್ತು ಸೇವಿಸಲು ಅವಕಾಶ ನೀಡಲಾಗುವುದು ಎಂದು ನಗರ ಪೊಲೀಸ್ ಆಯುಕ್ತರು ಆದೇಶಿಸಿದ್ದಾರೆ, ಇದು ಬೆಂಗಳೂರಿನಲ್ಲಿ ಅನ್ವಯಿಸುತ್ತದೆ.
ಅಐ-೫ ತಾತ್ಕಾಲಿಕ (೨೪ ಗಂಟೆಗಳ) ಮದ್ಯ ಪರವಾನಗಿಯಾಗಿದ್ದು, ಇದು ವಿಶೇಷ ಸಂದರ್ಭಗಳಲ್ಲಿ ಮದ್ಯ ಸೇವನೆಗೆ ಅವಕಾಶ ನೀಡುತ್ತದೆ. ಈ ಪರವಾನಗಿಯು ಮುಖ್ಯವಾಗಿ ಖಾಸಗಿ ಪಾರ್ಟಿಗಳು ಮತ್ತು ನಿರ್ದಿಷ್ಟ ದಿನದಂದು ಆಯೋಜಿಸಲಾದ ಕಾರ್ಯಕ್ರಮಗಳಿಗೆ ಮದ್ಯ ಮಾರಾಟ ಅಥವಾ ಪೂರೈಕೆಯನ್ನು ಅನುಮತಿಸುತ್ತದೆ. ಹೊಸ ವರ್ಷದಂತಹ ವಿಶೇಷ ಸಂದರ್ಭಗಳಲ್ಲಿ ಈ ಪರವಾನಗಿದಾರರು ಕೇವಲ ಒಂದು ದಿನ ಮಾತ್ರ ಮದ್ಯ ಮಾರಾಟ ಮಾಡಲು ಅವಕಾಶವಿದೆ.
ಅಐ-೫ ಪರವಾನಗಿದಾರರು ಸಾಮಾನ್ಯ ದಿನಗಳಲ್ಲಿ ಬೆಳಿಗ್ಗೆ ೧೦.೩೦ ರಿಂದ ಮಧ್ಯರಾತ್ರಿ ೧೨ ರವರೆಗೆ ಮಾತ್ರ ಮದ್ಯ ವ್ಯಾಪಾರ ಮಾಡಲು ಅವಕಾಶವಿತ್ತು. ಆದಾಗ್ಯೂ, ಹೊಸ ವರ್ಷಾಚರಣೆಗೆ, ಡಿಸೆಂಬರ್ ೩೧ ರಂದು ಬೆಳಿಗ್ಗೆ ೬ ರಿಂದ ೧ ಗಂಟೆಯವರೆಗೆ ಮದ್ಯ ಮಾರಾಟಕ್ಕೆ ಅವಕಾಶ ನೀಡಲಾಗಿದೆ.
