ಕಲಬುರಗಿ:ಅ.22:”ಉದ್ಯೋಗವು ಶಿಕ್ಷಣದ ಉಪಉತ್ಪನ್ನವಾಗಿದೆ. ಇದರ ಮುಖ್ಯ ಉದ್ದೇಶ ಮಾನವರನ್ನು ಸೃಷ್ಟಿಸುವುದು” ಎಂದು ನವದೆಹಲಿಯ ಭಾರತೀಯ ಶಿಕ್ಷಣ ಮಂಡಲದ ರಾಷ್ಟ್ರೀಯ ಸಂಘಟನಾ ಕಾರ್ಯದರ್ಶಿ ಶ್ರೀ ಬಿ ಆರ್ ಶಂಕರಾಂನದ ಹೇಳಿದರು.
ಅವರು ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯ, ಭಾರತೀಯ ಶಿಕ್ಷಣ ಮಂಡಲ ಮತ್ತು ಶೆಟ್ಟಿ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಸ್ಐಟಿ), ಕಲಬುರಗಿ ಜಂಟಿಯಾಗಿ ಆಯೋಜಿಸಿದ್ದ ‘ಭಾರತೀಯ ಮಾದರಿಯ ಪಠ್ಯಕ್ರಮ ವಿನ್ಯಾಸ’ ಕುರಿತು ಒಂದು ದಿನದ ರಾಷ್ಟ್ರೀಯ ಸಮ್ಮೇಳನವನ್ನು ಉದ್ಘಾಟಿಸಿ ಮಾತನಾಡುತ್ತಿದ್ದರು. ಕಲಬುರಗಿಯ ಶಹಾಬಾದ್ ರಸ್ತೆಯ ಎಸ್ಐಟಿ ಕ್ಯಾಂಪಸ್ನಲ್ಲಿ ಕಾರ್ಯಕ್ರಮ ನಡೆಯಿತು.
ಅವರು ಮುಂದುವರೆದು ಮಾತನಾಡಿ “ಶಿಕ್ಷಣದಲ್ಲಿ ಪಠ್ಯಕ್ರಮವು ಬಹಳ ಮುಖ್ಯ, ಆದರೆ 1835 ರಲ್ಲಿ ಬ್ರಿಟಿಷರು ತಮ್ಮ ಕೈಯಲ್ಲಿ ಗುಮಾಸ್ತರನ್ನು ಸೃಷ್ಟಿಸುವ ಶಿಕ್ಷಣ ಪದ್ದತಿಯನ್ನು ಜಾರಿಗೆ ತಂದು ಭಾರತದ ಶಿಕ್ಷಣ ಪದ್ದತಿಯನ್ನು ಹಾಳುಮಾಡಿದರು. ಕಳೆದ 200 ವರ್ಷಗಳಿಂದ ನಾವು ಅದನ್ನು ಅನುಸರಿಸುತ್ತಿದ್ದೇವೆ ಮತ್ತು ಪಾಶ್ಚಿಮಾತ್ಯ ವ್ಯವಸ್ಥೆಯ ಮಾನಸಿಕವಾಗಿ ಗುಲಾಮರಾಗಿ ಉಳಿದಿರುವುದು ದುರದೃಷ್ಟಕರ. ಇದರಿಂದ ಹೊರಬಂದು ಮಾನಸಿಕವಾಗಿ ಮತ್ತು ದೈಹಿಕವಾಗಿ ಆರೋಗ್ಯವಂತ ಮನುಷ್ಯ, ಕುಟುಂಬ, ಸಮಾಜವನ್ನು ಸೃಷ್ಟಿಸುವ ಮೂಲಕ ಅಂತಿಮವಾಗಿ ಆರೋಗ್ಯಕರ ರಾಷ್ಟ್ರಕ್ಕೆ ಕಾರಣವಾಗುವ ನಿಜವಾದ ಭಾರತೀಯ ಮಾದರಿ ಪಠ್ಯಕ್ರಮವನ್ನು ರಚಿಸುವ ಸಮಯ ಬಂದಿದೆ. ಆರೋಗ್ಯವಾಗಿರಲು ನಾವು ನಿರ್ಭೀತರಾಗಿರಬೇಕಾಗುತ್ತದೆ. ಭಾರತೀಯ ಶಿಕ್ಷಣ ಮಂಡಳಿಯು ಭಾರತೀಯ ಮಾದರಿ ಪಠ್ಯಕ್ರಮವನ್ನು ವಿನ್ಯಾಸಗೊಳಿಸುವುದು ಮತ್ತು ಅದನ್ನು ಅನುμÁ್ಟನಗೋಳಿಸಲು ಬದ್ಧವಾಗಿದೆ” ಎಂದು ಹೇಳಿದರು.
ಭಾರತೀಯ ಮಾದರಿಯ ಶಿಕ್ಷಣಕ್ಕೆ ನಾವು ಹೇಗೆ ಬದಲಾಗಬೇಕು ಎಂಬುದರ ಕುರಿತು ಮಾತನಾಡಿದ ಅವರು, “ನಾವು ನಮ್ಮದೇ ಆದ ಶಿಕ್ಷಣದ ಉದ್ದೇಶಗಳನ್ನು ರೂಪಿಸಿಕೊಳ್ಳಬೇಕು, ನೀತಿಗಳನ್ನು ವಿನ್ಯಾಸಗೊಳಿಸಬೇಕು, ಪಠ್ಯಕ್ರಮ ಮತ್ತು ಕಲಿಸುವ ವಿಧಾನವನ್ನು ರೂಪಿಸಿಕೊಳ್ಳಬೇಕು. ಅದಕ್ಕಾಗಿ ನಾವು ಶಿಕ್ಷಕ ಕೇಂದ್ರಿತ ಶಿಕ್ಷಣದಿಂದ ವಿದ್ಯಾರ್ಥಿ ಕೇಂದ್ರಿತ ಶಿಕ್ಷಣಕ್ಕೆ ಬದಲಾಗಬೇಕು. ಶಿಕ್ಷಣವು ಕಲಿಕೆ ಕೇಂದ್ರಿತ ಮತ್ತು ಫಲಿತಾಂಶ ಆಧಾರಿತವಾಗಿರಬೇಕು. ಶಿಕ್ಷಕರು ಗುರುಗಳಾಗಬೇಕು ಮತ್ತು ಅವರು ತಮ್ಮ ಕೆಲಸವನ್ನು ಬದ್ಧತೆ, ಸಮರ್ಪಣೆ ಮತ್ತು ಭಕ್ತಿಯಿಂದ ಮಾಡಬೇಕು. ಶಿಕ್ಷಣವು ಜನರು ಪ್ರಪಂಚದ ಸತ್ಯ ಮತ್ತು ವಾಸ್ತವವನ್ನು ಅರಿತುಕೊಳ್ಳುವಂತೆ ಮಾಡಬೇಕು. ಅದು ಜನರನ್ನು ನ್ಯಾಯಯುತ, ದಯೆ ಮತ್ತು ಸತ್ಯವಂತರನ್ನಾಗಿ ಮಾಡಬೇಕು. ಎನ್ಇಪಿ 2020 ಮೂಲಕ ನಾವು ಈ ಎಲ್ಲಾ ಕೆಲಸಗಳನ್ನು ಮಾಡಲು ಪ್ರಯತ್ನಿಸುತ್ತಿದ್ದೇವೆ. ಆದ್ದರಿಂದ ಅದು ನಿಜವಾದ ಮನುಷ್ಯರನ್ನು ಸೃಷ್ಟಿಸಲಿದೆ” ಎಂದು ಅವರು ಹೇಳಿದರು.
ಸಿಯುಕೆಯ ಗೌರವಾನ್ವಿತ ಕುಲಪತಿ ಪೆÇ್ರ. ಬಟ್ಟು ಸತ್ಯನಾರಾಯಣ ಅವರು ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಮಾತನಾಡಿ “ಈಗ ಪ್ರಪಂಚದಾದ್ಯಂತ ಜನರು ಭಾರತೀಯ ಸಂಸ್ಕøತಿ, ತತ್ವಶಾಸ್ತ್ರ, ವಿಜ್ಞಾನ ಮತ್ತು ಸಾಹಿತ್ಯವನ್ನು ಅಧ್ಯಯನ ಮಾಡಲು ಭಾರತಕ್ಕೆ ಬರುತ್ತಿದ್ದಾರೆ. ಭಾರತೀಯ ಶಿಕ್ಷಣ ವ್ಯವಸ್ಥೆಯು ಉತ್ತಮ ಕುಟುಂಬ ವ್ಯವಸ್ಥೆ ಮತ್ತು ಸಾಮಾಜಿಕ ಸಂಬಂಧಗಳನ್ನು ನಿರ್ಮಿಸಲು ನಮಗೆ ಕಲಿಸುತ್ತದೆ. ಇದು ಇಂದಿನ ಮಾನವ ಪ್ರಪಂಚದ ಅಗತ್ಯವಾಗಿದೆ. ವಿಕಾಸಿತ ಭಾರತದ ಗುರಿ ಜಗತ್ತಿಗೆ ಮಾದರಿ ಶಿಕ್ಷಣ ವ್ಯವಸ್ಥೆಯನ್ನು ಒದಗಿಸುವುದಾಗಿದೆ. ಇದು ಭಾರತೀಯ ಪಠ್ಯಕ್ರಮ ವಿನ್ಯಾಸದ ಮೂಲಕ ಮಾತ್ರ ಸಾಧ್ಯ. ಭಾರತೀಯ ಶಿಕ್ಷಣ ಮಂಡಳಿಯು ಇದನ್ನು ಹೆಚ್ಚಿನ ಪ್ರಮಾಣದಲ್ಲಿ ಮಾಡುತ್ತಿದೆ. ಶಿಕ್ಷಣವು ಫಲಿತಾಂಶ ಆಧಾರಿತವಾಗಿರಬೇಕು. ಇದು ಎನ್ಇಪಿ 2020 ರ ಕನಸು ಕೂಡ ಆಗಿದೆ. ಇಲ್ಲಿ ಜ್ಞಾನವು ಪ್ರಮಾಣಪತ್ರಕ್ಕಿಂತ ಮುಖ್ಯವಾಗಿದೆ. ಮಾನವ ಜೀವನಕ್ಕೆ ಅರ್ಥವು ಭಾರತೀಯ ಶಿಕ್ಷಣ ವ್ಯವಸ್ಥೆಯಿಂದ ಬರುತ್ತದೆ” ಎಂದು ಅವರು ಹೇಳಿದರು.
ಭಾರತೀಯ ಶಿಕ್ಷಣ ಮಂಡಲದ ಉತ್ತರ ಪ್ರಾಂತದ ಅಧ್ಯಕ್ಷ ಶ್ರೀ ಬಸವರಾಜ ಅನಾಮಿ, ಶೆಟ್ಟಿ ಗ್ರೂಪ್ ಆಫ್ ಇನ್ಸ್ಟಿಟ್ಯೂಟ್ನ ನಿರ್ದೇಶಕ ಶ್ರೀ ಅನಿರುದ್ಧ ಶೆಟ್ಟಿ ಅವರು ಮಾತನಾಡಿದರು.
ಇದಕ್ಕೂ ಮುನ್ನ ಕಾರ್ಯಕ್ರಮದ ಸಂಘಟನಾ ಕಾರ್ಯದರ್ಶಿ ಪೆÇ್ರ.ರವೀಂದ್ರ ಹೆಗಡಿ ಸ್ವಾಗತಿಸಿ, ಪ್ರಾಸ್ತಾವಿಕವಾಗಿ ಮಾತನಾಡಿದರು. ಡಾ. ನಿತೀನ್ ಬಿ ಕಾರ್ಯಕ್ರಮ ನಿರೂಪಿಸಿದರು, ಶ್ರೀಮತಿ ಪಲ್ಲವಿ ಪಾಟೀಲ ವಂದಿಸಿದರು.
ಈ ಸಂದರ್ಭದಲ್ಲಿ ಇತ್ತೀಚೆಗೆ ಲಿಂಗೈಕ್ಯರಾದ ಪೂಜ್ಯ ಡಾ.ಶರಬಸವಪ್ಪ ಅಪ್ಪಾ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.
ಈ ಸಂದರ್ಭದಲ್ಲಿ ಶ್ರೀ ಉದಯಶಂಕರ ಶೆಟ್ಟಿ, ಪೆÇ್ರ.ಬಸವರಾಜ ಡೋಣೂರ, ಪೆÇ್ರ.ಜಿ.ಆರ್.ಅಂಗಡಿ, ಪೆÇ್ರ.ಗಣೇಶ ಪವಾರ, ಬಸವರಾಜ ಕುಬಕಡ್ಡಿ, ಶರಣು ಉದನೂರ, ಸಿದ್ದು ಮದರಕಂಡಿ, ಆಹ್ವಾನಿತರು ಹಾಗೂ ಪ್ರತಿನಿಧಿಗಳು ಉಪಸ್ಥಿತರಿದ್ದರು.
