ನವದೆಹಲಿ, ಸೆ.23:- ಆಫ್ಘಾನಿಸ್ತಾನದ 13 ವರ್ಷದ ಬಾಲಕ ವಿಮಾನದ ಲ್ಯಾಂಡಿಂಗ್ ಗೇರ್ನಲ್ಲಿ ಅಡಗಿಕೊಂಡು ಭಾರತಕ್ಕೆ ನುಸುಳಿದ್ದ. ಈ ಘಟನೆ ಸೆಪ್ಟೆಂಬರ್ 21 ರ ಭಾನುವಾರದಂದು ಸಂಭವಿಸಿದೆ. ವಿಚಾರಣೆಯ ನಂತರ ಬಾಲಕನನ್ನು ಆಫ್ಘಾನಿಸ್ತಾನಕ್ಕೆ ವಾಪಸ್ ಕಳುಹಿಸಲಾಗಿದೆ. ಮಾಧ್ಯಮ ವರದಿಗಳ ಪ್ರಕಾರ, ಸಾಂಪ್ರದಾಯಿಕ ಆಫ್ಘಾನ್ ಉಡುಪನ್ನು ಧರಿಸಿದ್ದ ಬಾಲಕ ಇರಾನ್ಗೆ ಪ್ರವೇಶಿಸಲು ಪ್ರಯತ್ನಿಸುತ್ತಿದ್ದನು ಆದರೆ ತಪ್ಪಾದ ವಿಮಾನ ಏರಿದ್ದಾನೆ.
ಆಫ್ಘಾನಿಸ್ತಾನದ ಕೆಎಎಂ ಏರ್ಲೈನ್ಸ್ ವಿಮಾನ ಆರ್ಕ್ಯೂ-4401, ಕಾಬೂಲ್ನ ಹಮೀದ್ ಕರ್ಜೈ ವಿಮಾನ ನಿಲ್ದಾಣದಿಂದ ಭಾರತೀಯ ಕಾಲಮಾನ ಬೆಳಿಗ್ಗೆ 8.46 ಕ್ಕೆ ಹೊರಟು, ದೆಹಲಿಯ ಇಂದಿರಾಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್ 3 ರಲ್ಲಿ ಬೆಳಿಗ್ಗೆ 10.20 ಕ್ಕೆ ಇಳಿದಿದೆ. ಈ ವೇಳೆ ವಿಮಾನದ ಬಳಿ ಒಬ್ಬ ಹುಡುಗ ಅಲೆದಾಡುತ್ತಿರುವುದನ್ನು ವಿಮಾನಯಾನ ಸಿಬ್ಬಂದಿ ಗಮನಿಸಿ ಅವರು ತಕ್ಷಣ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ನಂತರ ಸಿಐಎಸ್ಎಫ್ ಬಾಲಕನನ್ನು ವಶಕ್ಕೆ ಪಡೆದು ಪೆÇಲೀಸರಿಗೆ ಒಪ್ಪಿಸಿದೆ.
ಆಫ್ಘಾನಿಸ್ತಾನದ ಕುಂದುಜ್ನವನಾದ ಆ ಹುಡುಗ, ಕುತೂಹಲದಿಂದ ವಿಮಾನದ ಲ್ಯಾಂಡಿಂಗ್ ಗೇರ್ನಲ್ಲಿ ಅಡಗಿದ್ದಾಗಿ ಅದು ಹೇಗೆ ಅನಿಸುತ್ತದೆ ಎಂದು ನೋಡಲು ಅವನು ಬಯಸಿದನು ಎನ್ನುವ ಹೇಳಿಕೆ ನೀಡಿದ್ದಾನೆ. ಸೋಮವಾರ, ಬಾಲಕ ಕಾಬೂಲ್ ವಿಮಾನ ನಿಲ್ದಾಣಕ್ಕೆ ನುಸುಳಿ ವಿಮಾನದ ಹಿಂಭಾಗದ ಲ್ಯಾಂಡಿಂಗ್ ಗೇರ್ ವಿಭಾಗಕ್ಕೆ ಪ್ರವೇಶಿಸುವಲ್ಲಿ ಯಶಸ್ವಿಯಾಗಿದ್ದಾನೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸಂಪೂರ್ಣ ತಪಾಸಣೆಯ ನಂತರ, ವಿಮಾನವನ್ನು ಸುರಕ್ಷಿತವೆಂದು ಘೋಷಿಸಲಾಯಿತು. ಅದೇ ದಿನ ಅದೇ ವಿಮಾನದಲ್ಲಿ ಬಾಲಕನನ್ನು ಆಫ್ಘಾನಿಸ್ತಾನಕ್ಕೆ ಹಿಂತಿರುಗಿ ಕಳುಹಿಸಲಾಗಿದೆ.
ಸುರಕ್ಷತಾ ತಜ್ಞರ ಪ್ರಕಾರ, ವಿಮಾನದ ಚಕ್ರದ ಬಳಿ ಅಡಗಿಕೊಳ್ಳುವುದು ಅತ್ಯಂತ ಅಪಾಯಕಾರಿ. 30,000 ಅಡಿ ಎತ್ತರದಲ್ಲಿ, ತಾಪಮಾನವು ಮೈನಸ್ 40 ರಿಂದ ಮೈನಸ್ 60ಲಿಅ ಗೆ ಇಳಿಯುತ್ತದೆ ಮತ್ತು ಆಮ್ಲಜನಕದ ಮಟ್ಟವು ತುಂಬಾ ಕಡಿಮೆಯಿರುತ್ತದೆ, ಇದು ಕೆಲವೇ ನಿಮಿಷಗಳಲ್ಲಿ ಪ್ರಜ್ಞೆ ಕಳೆದುಕೊಳ್ಳಲು ಅಥವಾ ಸಾವಿಗೆ ಕಾರಣವಾಗಬಹುದು.
ವಿಮಾನದ ಅತ್ಯಂತ ಕೆಳ ಭಾಗದಲ್ಲಿ ಲ್ಯಾಂಡಿಂಗ್ ಗೇರ್ ವಿಭಾಗವಿದ್ದು, ಸುರಕ್ಷತಾ ಉಪಕರಣಗಳು, ಬ್ರೇಕಿಂಗ್ ವ್ಯವಸ್ಥೆ ಮತ್ತು ಹೈಡ್ರಾಲಿಕ್ ಪೈಪ್ಗಳನ್ನು ಹೊಂದಿರುವುದರಿಂದ, ಬಾಲಕ ಹೇಗೆ ಬದುಕುಳಿದನು ಎಂಬುದರ ಬಗ್ಗೆ ಗೊಂದಲಕ್ಕೊಳಗಾಗಿದ್ದಾರೆ.
ಅಂತಹ ಅಡಗಿಕೊಳ್ಳುವ ಪ್ರಯತ್ನಗಳಲ್ಲಿ ಬದುಕು ಳಿಯುವಿಕೆಯ ಪ್ರಮಾಣವು ತುಂಬಾ ಕಡಿಮೆಯಾಗಿದೆ, ವಿಶ್ವಾದ್ಯಂತ ಕೇವಲ 20% ಮಾತ್ರ ಬದುಕುಳಿದಿವೆ ಎನ್ನಲಾಗಿದೆ.
