ನವದೆಹಲಿ, ಸೆ.೧೦- ನೂತನ ಉಪರಾಷ್ಟ್ರಪತಿಯಾಗಿ ಆಯ್ಕೆಯಾಗಿರುವ ಸಿಪಿ ರಾಧಾಕೃಷ್ಣನ್ ಅವರ ಭದ್ರತೆಯನ್ನು ಝೆಡ್ ಫ್ಲಸ್ಗೆ ಹೆಚ್ಚಳ ಮಾಡಿ ಕೇಂದ್ರ ಗೃಹ ಸಚಿವಾಲಯ ಆದೇಶಿಸಿದೆ.
ಬೆದರಿಕೆ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಕೇಂದ್ರ ಗೃಹ ಸಚವಾಲಯದ ಆದೇಶದ ಬೆನ್ನಲ್ಲೇ ಕೇಂದ್ರೀಯ ಮೀಸಲು ಪೊಲೀಸ್ ಪಡೆ- ಸಿಆರ್ ಪಿಎಫ್ ಸಿಬ್ಬಂದಿ ಉಪ ರಾಷ್ಡ್ರಪತಿ ಅವರ ಭದ್ರತೆಯ ಹೊಣೆ ಜವಾಬ್ದಾರಿ ತೆಗೆದುಕೊಂಡಿದೆ.
ದೇಶದ ಎರಡನೇ ಅತ್ಯುನ್ನತ ಸಾಂವಿಧಾನಿಕ ಹುದ್ದೆಯಾದ ಉಪ ರಾಷ್ಡ್ರಪತಿ ಅವರಿಗೆ ಗಣ್ಯ ವಿಐಪಿ ಭದ್ರತಾ ವಿಭಾಗದ ಸಶಸ್ತ್ರ ಮೀಸಲು ಪಡಯ ಕಮಾಂಡೋಗಳು ಭದ್ರತಾ ಉಸ್ತುವಾರಿ ವಹಿಸಿಕೊಂಡಿದ್ದಾರೆ.
ಬೆದರಿಕೆ ಕುರಿತುಗುಪ್ತಚರ ಬ್ಯೂರೋದ ಮಾಹಿತಿ ಆಧರಿಸಿ ಗೃಹ ಸಚಿವಾಲಯ ಈ ನಿರ್ಧಾರ ಕೈಗೊಂಡಿದೆ. , ಉಪರಾಷ್ಟ್ರಪತಿಯವರ ವೈಯಕ್ತಿಕ ಭದ್ರತೆಯನ್ನು ನಿಭಾಯಿಸಲು ಸಿಆರ್ಪಿಎಫ್ಗೆ ನಿರ್ದೇಶನ ನೀಡಲಾಗಿದೆ. ಈಗಾಗಲೇ ಮೌಖಿಕ ಆದೇಶ ಹೊರಡಿಸಲಾಗಿದೆ.
.
ಹೊಸ ಭದ್ರತಾ ಗ್ರಿಡ್ ಅಡಿಯಲ್ಲಿ, ದೆಹಲಿ ಪೊಲೀಸರು ಪ್ರವೇಶ ನಿಯಂತ್ರಣ, ಪರಿಧಿ ಪರಿಶೀಲನೆಗಳು ಮತ್ತು ಹೊರಗಿನ ಕಾರ್ಡನ್ ಅನ್ನು ನಿರ್ವಹಿಸುವುದನ್ನು ಮುಂದುವರಿಸುತ್ತಾರೆ, ಆದರೆ ಸಿಆರ್ಪಿಎಫ್ ನಿಕಟ ರಕ್ಷಣಾ ಕರ್ತವ್ಯಗಳನ್ನು ವಹಿಸಿಕೊಳ್ಳುತ್ತದೆ ಎಂದು ತಿಳಿಸಲಾಗಿದೆ.
೫೫ ಸಿಬ್ಬಂದಿ ಸದಾ ರಕ್ಷಣೆ
’ಝೆಡ್ ಫ್ಲಸ್ ಅತ್ಯುನ್ನತ ಭದ್ರತಾ ವಿಭಾಗಗಳಲ್ಲಿ ಒಂದಾಗಿದೆ ಮತ್ತು ಕಮಾಂಡೋಗಳು, ಬೆಂಗಾವಲುಗಾರರು ಮತ್ತು ಸಹಾಯಕ ಸಿಬ್ಬಂದಿ ಸೇರಿದಂತೆ ೫೫ ಕ್ಕೂ ಹೆಚ್ಚು ಸಶಸ್ತ್ರ ಸಿಬ್ಬಂದಿಯನ್ನು ನಿಯೋಜಿಸುತ್ತದೆ.
ಝಡ್ ಪ್ಲಸ್ ಭದ್ರತೆಗೆ ನಿಯೋಜಿಸಲಾದವರಿಗೆ ಭಯೋತ್ಪಾದನಾ ನಿಗ್ರಹ ಕಾರ್ಯಾಚರಣೆಗಳು, ನಿಕಟ ಯುದ್ಧ, ಸ್ಥಳಾಂತರಿಸುವ ಕವಾಯತುಗಳು ಮತ್ತು ಹೆಚ್ಚಿನ ಬೆದರಿಕೆ ಪ್ರತಿಕ್ರಿಯೆಗಳಲ್ಲಿ ತರಬೇತಿ ನೀಡಲಾಗುತ್ತದೆ.
ಉನ್ನತ ಸಾಂವಿಧಾನಿಕ ಅಧಿಕಾರಿಗಳ ರಕ್ಷಣೆಗಾಗಿ ಮಾರ್ಗಸೂಚಿ ರೂಪಿಸುವ ವಿವರವಾದ ಭದ್ರತಾ ಕೈಪಿಡಿ ಪರಿಷ್ಕೃತ ಬ್ಲೂ ಬುಕ್ ಮಾನದಂಡಗಳಿಗೆ ಅನುಗುಣವಾಗಿ ಬದಲಾವಣೆಗಳನ್ನು ಮಾಡಲಾಗುತ್ತಿದೆ. ಸಿಆರ್ಪಿಎಫ್ ಈಗಾಗಲೇ ಹಲವಾರು ಅಪಾಯಕಾರಿ ಗಣ್ಯರನ್ನು ರಕ್ಷಿಸುತ್ತಿದೆ ಮತ್ತು ಈಗ ಅದೇ ಉಪ ರಾಷ್ಟ್ರಪತಿ ಅವರಿಗೂ ಝೆಡ್ ಫ್ಲಸ್ ಭದ್ರತೆ ವಿಸ್ತರಿಸಲಾಗಿದೆ.