ಸಂಜೆವಾಣಿ ವಾರ್ತೆ
ಹಗರಿಬೊಮ್ಮನಹಳ್ಳಿ. ಆ.23 ತಾಲೂಕಿನ ತಂಬ್ರಹಳ್ಳಿಯ ತುಂಗಭದ್ರಾ ನದಿಯಲ್ಲಿ ಮೀನು ಹಿಡಿಯಲು ಹೋಗಿ ಮೃತಪಟ್ಟ ಯುವಕರ ಮನೆಗೆ ಶನಿವಾರ ಭೇಟಿ ನೀಡಿ ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದ ಶಾಸಕರು, ವಿಜಯನಗರ ಜಿಲ್ಲಾ ಉಸ್ತುವಾರಿ ಹಾಗೂ ಮೀನುಗಾರಿಕೆ ಇಲಾಖೆ ಸಚಿವ ಕೆ.ಎಸ್.ಬಸವಂತಪ್ಪ ಅವರೊಂದಿಗೆ ಈಗಾಗಲೇ ಮಾತನಾಡಿದ್ದು, ರಾಜ್ಯ ಸರ್ಕಾರದಿಂದ ತಲಾ 10 ಲಕ್ಷ ರೂ., ಕೇಂದ್ರದಿಂದ 5 ಲಕ್ಷ ಒಟ್ಟು 15ಲಕ್ಷ ರೂ. ಪರಿಹಾರ ಜತೆಗೆ ವಸತಿ ಯೋಜನೆಯಡಿ ಕುಟುಂಬಕ್ಕೆ ಮನೆ ನಿರ್ಮಿಸಿಕೊಡುವುದಾಗಿ ಶಾಸಕ ಕೆ.ನೇಮಿರಾಜ್ ನಾಯ್ಕ ಭರವಸೆ ನೀಡಿದರು.
ಮೀನುಗಾರಿಕೆ ಅಭಿವೃದ್ಧಿ ನಿಗಮದಿಂದ ರಾಜ್ಯದ ಎಲ್ಲ ಮೀನುಗಾರರಿಗೆ ಜೀವ ರಕ್ಷಕ ಪರಿಕರಗಳ ಉಚಿತವಾಗಿ ವಿತರಿಸಲು ಸರ್ಕಾರವನ್ನು ಒತ್ತಾಯಿಸುವ ಜತೆಗೆ ಸಚಿವರ ಗಮನಕ್ಕೂ ತರುತ್ತೇನೆ. ಮೀನುಗಾರರಿಗೆ ಅಪಾಯ ಸಂದರ್ಭದಲ್ಲಿ ಮುನ್ಸೂಚನೆ ನೀಡುವಂತೆ ಅಧಿಕಾರಿಗಳಿಗೆ ಸೂಚಿಸಿದ ಶಾಸಕರು, ನಿಮ್ಮ ನಿರ್ಲಕ್ಷ್ಯದಿಂದಲೇ ಮೂವರು ಯುವಕರು ನೀರುಪಾಲಾಗಬೇಕಾಯಿತೆಂದು ದೂರಿದರು. ತಹಸೀಲ್ದಾರ್ ಆರ್. ಕವಿತಾ, ಗ್ರಾಪಂ ಮಾಜಿ ಅಧ್ಯಕ್ಷ ಬಣಕಾರ ಕೊಟ್ರೇಶ್, ಜೆಡಿಎಸ್ ಜಿಲ್ಲಾಧ್ಯಕ್ಷ ಬಾದಾಮಿ ಮೃತ್ಯುಂಜಯ, ಸೊಬಟಿ ಹರೀಶ್,ಕಿನ್ನಾಳ ಸುಭಾಷ್, ಮೀನುಗಾರರ ರು ಸಂಘದ ಅಧ್ಯಕ್ಷರ ರಾಮನಾಯ್ಕ, ಸಿಪಾಯಿ ಹುಲಗಪ್ಪ, ಅಗಸರ ಹನುಮೇಶ್, ಮೀನುಗಾರಿಕೆ ಇಲಾಖೆ ಸಹಾಯಕ ನಿರ್ದೇಶಕ ರಜಿನೀಶ, ಸಹಾಯಕ ರ ಅಧಿಕಾರಿ ಮಲ್ಲಮ್ಮ, ಪಿಡಿಒ ಚಂದ್ರಶೇಖರ ಇತರರಿದ್ದರು.