ಮುಂಬೈ,ಡಿ.೧೭-ಅನುಷ್ಕಾ ಶರ್ಮಾ ಪತಿ ವಿರಾಟ್ ಕೊಹ್ಲಿಯೊಂದಿಗೆ ವೃಂದಾವನಕ್ಕೆ ಆಗಮಿಸಿ ಅಲ್ಲಿ ಅವರು ಕೆಲ್ಲಿ ಕುಂಜ್ ಆಶ್ರಮದಲ್ಲಿ ಸಂತ ಪ್ರೇಮಾನಂದ ಜಿ ಮಹಾರಾಜ್ ಅವರನ್ನು ಭೇಟಿ ಮಾಡಿ ಅವರ ಆಶೀರ್ವಾದ ಪಡೆದಿದ್ದಾರೆ.
ಅನುಷ್ಕಾ ಮತ್ತು ವಿರಾಟ್ ಪ್ರೇಮಾನಂದ ಜಿ ಮಹಾರಾಜ್ ಅವರನ್ನು ಭೇಟಿ ಮಾಡುತ್ತಿರುವುದು ಇದು ಮೂರನೇ ಬಾರಿ. ಆದರೆ ಈ ಬಾರಿ ಅವರು ಒಂದು ಕಾರಣಕ್ಕಾಗಿ ಜನರ ಆಕ್ರೋಶಕ್ಕೆ ಗುರಿಯಾಗಿದ್ದಾರೆ ಮತ್ತು ಅಭಿಮಾನಿಗಳ, ಮನಸ್ಸಿನ ಮೇಲೆ ಒಂದು ರೀತಿಯ ಕೆಟ್ಟ ಪ್ರಭಾವ ಬೀರುತ್ತಿದ್ದಾರೆ. ಪ್ರೇಮಾನಂದ ಜಿ ಮಹಾರಾಜ್ ಅವರನ್ನು ಭೇಟಿಯಾದ ನಂತರ ಅನುಷ್ಕಾ ಮತ್ತು ವಿರಾಟ್ ಇಬ್ಬರೂ ಮುಂಬೈ ತಲುಪಿದ್ದು ಆಗ ಒಬ್ಬ ಅಂಗವಿಕಲ ಅಭಿಮಾನಿ ಕೊಹ್ಲಿಯನ್ನು ವಿಮಾನ ನಿಲ್ದಾಣದಲ್ಲಿ ಅವರೊಂದಿಗೆ ಫೋಟೋ ತೆಗೆದುಕೊಳ್ಳುವಂತೆ ವಿನಂತಿಸಲು ಪ್ರಾರಂಭಿಸಿದ್ದಾರೆ, ಆದರೆ ಕೊಯ್ಲಿ ಮತ್ತು ಅನುಷ್ಕಾ ಸಂಪೂರ್ಣವಾಗಿ ಅಂಗವಿಕಲ ಅಭಿಮಾನಿಯನ್ನು ನಿರ್ಲಕ್ಷಿಸಿದ್ದಾರೆ.
ಅನುಷ್ಕಾ ಮತ್ತು ವಿರಾಟ್ ಅವರನ್ನು ನಿರ್ಲಕ್ಷಿಸಿದಾಗ, ಒಬ್ಬ ಅಂಗರಕ್ಷಕ ಅವರನ್ನು ಎಳೆದುಕೊಂಡು ಹೋಗಿದ್ದಾರೆ.
ಅಂಗವಿಕಲ ಅಭಿಮಾನಿಯತ್ತ ನೋಡಲಿಲ್ಲ , ಬದಲಾಗಿ ತಮ್ಮ ಕಾರಿನ ಕಡೆಗೆ ನಡೆದಿದ್ದಾರೆ, ಅಭಿಮಾನಿ ಅವರನ್ನೇ ದಿಟ್ಟಿಸಿ ನೋಡುತ್ತಿದ್ದ. ಅನುಷ್ಕಾ ಮತ್ತು ವಿರಾಟ್ ಅವರ ಈ ವರ್ತನೆ ಬಳಕೆದಾರರಿಗೆ ಇಷ್ಟವಾಗಲಿಲ್ಲ, ಜಾಲತಾಣದಲ್ಲಿ ದಂಪತಿಯನ್ನು ಹಿಗ್ಗಾಮುಗ್ಗಾ ಟೀಕಿಸಿದ್ದಾರೆ. ಅವರು ವರ್ತನೆ ಹೀಗಿರುವಾಗ ಪ್ರೇಮಾನಂದ್ ಜಿ ಮಹಾರಾಜ್ ಬಳಿಗೆ ಹೋಗುವುದರ ಅರ್ಥವೇನೆಂದು ಅವರು ಪ್ರಶ್ನಿಸಿದ್ದಾರೆ.
ಅನುಷ್ಕಾ ಮತ್ತು ವಿರಾಟ್ ಪ್ರೇಮಾನಂದ್ ಜಿ ಮಹಾರಾಜ್ ಅವರನ್ನು ಭೇಟಿಯಾದ ವಿಡಿಯೋ ಜೊತೆಗೆ, ಅಭಿಮಾನಿಯೊಂದಿಗಿನ ವಿಡಿಯೋ ಕೂಡ ವೈರಲ್ ಆಗುತ್ತಿದ್ದು, ಬಳಕೆದಾರರು ಭಾರಿ ಕಾಮೆಂಟ್ ಮಾಡುತ್ತಿದ್ದಾರೆ. ಒಬ್ಬರು “ಆಧ್ಯಾತ್ಮಿಕ ಪ್ರವಾಸಕ್ಕೆ ಹೋಗಿ ಆದರೆ ಅಂಗವಿಕಲ ಅಭಿಮಾನಿಗಳನ್ನು ಅಸಭ್ಯವಾಗಿ ನಡೆಸಿಕೊಳ್ಳಿ ಎಂದು ಬರೆದಿದ್ದಾರೆ. ಮತ್ತೊಬ್ಬ ಬಳಕೆದಾರರು “ಸಂಪೂರ್ಣವಾಗಿ ಅಸಹ್ಯಕರ ನಡವಳಿಕೆ. ಇದು ಆಧ್ಯಾತ್ಮಿಕತೆ ಮತ್ತು ನಮ್ರತೆಯ ಸ್ಥಿತಿ” ಎಂದು ಕಾಮೆಂಟ್ ಮಾಡಿದ್ದಾರೆ.
ಯಾರಾದರೂ ಇಷ್ಟೊಂದು ದುರಹಂಕಾರ ಮತ್ತು ಹೆಮ್ಮೆಯಿಂದ ಓಡಾಡುತ್ತಿದ್ದರೆ ಪ್ರೇಮಾನಂದ್ ಜಿ ಅವರನ್ನು ಭೇಟಿ ಮಾಡುವುದರಲ್ಲಿ ಅರ್ಥವೇನು? ಕೇವಲ ಫೋಟೋ ಬೇಕಾಗಿದ್ದ ಅಂಗವಿಕಲ ಮಗುವನ್ನು ನಿರ್ಲಕ್ಷಿಸುವುದು ಹೃದಯವಿದ್ರಾವಕ. ನನಗೆ ಅವನ ಬಗ್ಗೆ ತುಂಬಾ ಬೇಸರವಾಗುತ್ತದೆ” ಎಂದು ಮತ್ತೊಂದು ಕಾಮೆಂಟ್ ಬರೆಯಲಾಗಿದೆ. “ವಿರಾಟ್ ದುರ್ವರ್ತನೆ ತೋರಿದ್ದಾನೆ” ಎಂದು ಮತ್ತೊಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ.
“ಅವನು ಆ ಮಗುವನ್ನು ಏಕೆ ನಿರ್ಲಕ್ಷಿಸಿದನು ಅವನು ಅನುಷ್ಕ ಹಾಯ್ ಹೇಳಬಹುದಿತ್ತು, ಅವನು ತನ್ನ ಬಿಡುವಿಲ್ಲದ ವೇಳಾಪಟ್ಟಿಯಿಂದ ಕೆಲವು ಸೆಕೆಂಡುಗಳನ್ನು ತೆಗೆದುಕೊಳ್ಳಬಹುದಿತ್ತು. ಆ ಮಗುವಿನ ಬಗ್ಗೆ ನನಗೆ ಬೇಸರವಾಗಿದೆ. ಅವನು ಮಕ್ಕಳನ್ನು ಮತ್ತು ಅವರ ಭಾವನೆಗಳನ್ನು ಗೌರವಿಸಬೇಕು” ಎಂದು ಮತ್ತೊಬ್ಬರು ಬರೆದಿದ್ದಾರೆ
