ವೃಶ್ಚಿಕ

ಈ ವರ್ಷ 11-10-2018 ರವರೆಗೆ 12ನೇ ಗುರು ಸಾಕಷ್ಟು ಹಣ ಪೋಲಾಗುವಂತೆ ಮಾಡುವನು. ನಂತರ 5-4-2019 ರವರೆಗೆ ಜನ್ಮ ಗುರು ಆದಿ ವ್ಯಾಧಿ ಬಾಧೆಗಳಿಂದ ಹಿಂಸಿಸುವನು. ಶನಿ ದೇವನು ದ್ವಿತೀಯದಲ್ಲಿ ಸಾಡೇ ಸಾತಿಯಾಗಿ ಅಪಾಯಕ್ಕೆ ನೂಕುವನು. ಇತರ ಗ್ರಹಗಳ ಬಲಗಳನ್ನೂ ಪರಿಶೀಲಿಸಲಾಗಿ ವರ್ಷದ ಪೂರ್ವಾರ್ಧ- ಉತ್ತರಾರ್ಧಗಳು ಮಿಶ್ರಫಲದಾಯಕವಾಗಿ ಜೀವನ ಸಮತೋಲನದಲ್ಲಿರುವಂತೆ ನೋಡಿಕೊಳ್ಳುವವು. ಆರ್ಥಿಕ ಮುಗ್ಗಟ್ಟು ಕಗ್ಗಂಟಾಗುವುದು. ಉದ್ಯೋಗದಲ್ಲಿ ಪ್ರಗತಿ ಕುಂಠಿತ, ದೈಹಿಕ ಹಾಗೂ ಮಾನಸಿಕ ಬಲಗಳು ಕುಂದುವವು. ಖಾಸಗಿ ವ್ಯವಹಾರಗಳು ನೆನೆಗುದಿಗೆ ಬೀಳುವವು. ಕುಟುಂಬ ಜೀವನ ನೆಮ್ಮದಿ ಕಲಕುವವು. ಸಹೋದರರು ಆಸ್ತಿ ವಿಭಜಿಸುವರು. ಸಾಲವೆಂಬ ಶೂಲಕ್ಕೆ ಬಲಿಯಾಗುವಿರಿ. ಮಕ್ಕಲು ಅಧ್ಯಯನದಲ್ಲಿ ವಿಮುಖರಾಗುವರು. ಆದರೆ ಉತ್ತರಾರ್ಧದಲ್ಲಿ ಅಷ್ಟೇ ಪ್ರಗತಿಶೀಲರಾಗುವರು. ವರ್ಷದ ಕೊನೆಯ 4 ತಿಂಗಳು ನಿಮ್ಮ ಜೀವನ ಸಾರ್ಥಕ ಪಡೆಯುವುದು. ಎಲ್ಲ ಸಂದರ್ಭಗಳನ್ನು ಧೈರ್ಯದಿಂದ ಎದುರಿಸುವಿರಿ. ಆಸ್ತಿ ಸಂಗ್ರಹ, ಒಡವೆ, ವಸ್ತ್ರಾದಿಗಳ ಖರೀದಿ, ಸಮಾಜ ಸೇವೆ, ಜನಪ್ರಿಯತೆಗಳು ಹೆಚ್ಚುತ್ತವೆ. ವ್ಯವಸಾಯಗಾರರು ತರಕಾರಿ, ಹಣ್ಣು ಹಂಪಲುಗಳಿಂದ ಲಾಭ ಕಾಣದ ಹಾನಿಗೊಳಗಾಗುವರು.ಶಿಕ್ಷಣ, ಸಾಹಿತ್ಯ, ಕಲೆ, ಕ್ರೀಡೆ, ಸಂಶೋಧನೆ, ವಿಜ್ಞಾನ, ಇತಿಹಾಸ, ಸಮಾಜಸೇವೆ, ರಾಜಕೀಯ, ಸಂಗೀತ, ಮುದ್ರಕ ಪ್ರಕಾಶಕ, ವೈದ್ಯ, ವಕೀಲ, ಪತ್ರಿಕೋದ್ಯಮಿ, ಇವರೆಲ್ಲರ ಜೀವನ ಸುಖ-ಶಾಂತಿಗಳಿಂದ ಮುಂದುವರೆಯುವುದು. ಮಹಿಳೆಗೆ ವಿವಾಹ ಯೋಗ ಕೈಗೂಡುವುದು. ಕ್ಷೀರೋದ್ಯಮ ಹೆಚ್ಚು ಬಲಿಷ್ಠವಾಗಲಿದೆ. ಮೇವು ಸಂಗ್ರಹಗಾರರು ಅದಿಕ ಆದಾಯದಲ್ಲಿರುವರು. ಯತಿಗಳು ಸಂಕಷ್ಟಗಳನ್ನು ನಿಭಾಯಿಸಿಕೊಂಡು ಸನ್ಮಾರ್ಗದತ್ತ ಜನ ಕಲ್ಯಾಣ ಮಾಡುವರು.

ಆದಾಯ-2 ವ್ಯಯ-14