ಧನಸ್ಸು

ಈ ವರ್ಷಾರಂಭದಿಂದ (18-3-2018) ಅಕ್ಟೋಬರ್ 11 ರವರೆಗೆ 11ನೇ ಗುರು ವಿಫುಲ ಧನಸಂಪತ್ತನ್ನು ಕೊಡುವನು. ನಂತರ 5-4-2019 ರವರೆಗೆ 12ನೇ ಗುರು ಹಾನಿಕಾರಕ ನಾಗುತ್ತಾನೆ. ಶನಿದೇವನು ಇಡೀ ವರ್ಷ ಜನ್ಮಸ್ಥನಾಗಿಯೇ ಇದ್ದು, ಸಾಡೇ ಸಾತಿಯಾಗಿ ಕಾಡುತ್ತಾನೆ. ಇತರ ಗ್ರಹಗಳ ಬಲಗಳನ್ನು ಪರಿಶೀಲಿಸಲಾಗಿ ಗುರುಬಲದ ಮೊದಲ ಅವಧಿಯಲ್ಲಿ ಆರ್ಥಿಕ ಸ್ಥಿತಿ. ಹೆಚ್ಚು ಹೆಚ್ಚು ಬೆಳೆಯುವುದು. ಧನ-ಕನಕಾದಿಗಳಿಗೆ ಕೊರತೆ ಇರುವುದಿಲ್ಲ. ಸಾಮಾಜಿಕ, ಧಾರ್ಮಿಕ ಕಾರ್ಯಕಲಾಪಗಳಲ್ಲಿ ಹೆಚ್ಚಿನ ಆಸಕ್ತಿ ತೋರುವಿರಿ. ಸಂಘ- ಸಂಸ್ಥೆಗಳು ಹಚ್ಚಿನ ಗೌರವದಿಂದ ಸನ್ಮಾನಿಸುವುವು. ಕುಟುಂಬದ ಸದಸ್ಯರು ನಿಮ್ಮೊಂದಿಗಿದ್ದು ದುಡಿಯುವರು. ಭೂಖರೀದಿಗೆ ಓಡಾಡುವಿರಿ. ಆರೋಗ್ಯ ಅನುಕೂಲಕರವೆನ್ನಿ. ಮಕ್ಕಳು ಶಿಕ್ಷಣ ಸಾಧನೆಯಲ್ಲಿ ತೇರ್ಗಡೆ ಹೊಂದುವರು. ಕಂಪನಿಯೊಂದರಲ್ಲಿ ಪಾಲ್ಗೊಳ್ಳಲು ಕರೆ ಕೊಡುವುದು. ಹಿಂದು-ಮುಂದು ಆಲೋಚಿಸದೇ ಸೇರಿಕೊಳ್ಳಿ. ಆಟಗಾರರು ರಾಷ್ಟ್ರೀಯ ಆಟಗಳಲ್ಲಿ ಭಾಗಿಗಳಾಗಿ ವಿಜಯಶಾಲಿಗಳಾಗುವರು. ಪ್ರತಿಷ್ಠಿತ ಬಹುಮಾನವೂ ತಂಡಕ್ಕೆ ದೊರೆಯಲಿದೆ. ವರ್ಷದ ಉತ್ತರಾರ್ಧದಲ್ಲಿ ಸಾಕಷ್ಟು ಕಷ್ಟಗಳು ಬರಲಿವೆ. ಕಾರ್ಯಕ್ಷೇತ್ರ, ನೌಕರಿ ಸ್ಥಿತಿ ಡೋಲಾಯಮಾನವಾಗಿರುವುದು. ಆರಂಭಿಕದಲ್ಲಿದ್ದ ಸ್ಥಿತಿ ಇಲ್ಲಿ ನಿರೀಕ್ಷಿಸಲಾಗದು. ಆಗಾಮಿ ಕಾರ್ಯ ಕಲಾಪಗಳು ಆದಾಯಗಳನ್ನು ತಿಂದು ಹಾಕುವವು. ಸಾಲ ಪ್ರಸಂಗ ಎದುರಾಗಲಿದೆ. ಮಿತ್ರರು ದೂರ ಸರಿಯುವರು. ಉದ್ಯಮಿಗಳು ಹಾನಿಗೊಳಗಾಗುವರು. ಆಸ್ತಿಗಳನ್ನು ಅಡವಿಡುವ ಪ್ರಸಂಗ ತಲೆದೋರುವುದು. ಸಾಹಿತಿ,ಕಲಾವಿದ, ರಂಗನಿರ್ದೇಶಕ, ವೈದ್ಯ, ವಕೀಲರು ಇವರಿಗೆ ಜೀವನ ಆರೋಗ್ಯ ಪೂರ್ಣವಾಗಿದ್ದು, ಲಾಭದಾಯಕನಾಗಿರುತ್ತದೆ. ಮಹಿಳೆಗೆ ವಿವಾಹ ಯತ್ನ ಕೈಗೂಡುವುದು. ವರ್ಷಾಂತ್ಯದಲ್ಲಿ ಕೈಗಾರಿಕಾ ಕೇಂದ್ರ ಕಟ್ಟಿ ಪೂರೈಸುವಿರಿ.

ಆದಾಯ- 5 ವ್ಯಯ-5