ಟಿ20 ಮಹಿಳಾ ವಿಶ್ವಕಪ್‌: ನಾಳೆ ಭಾರತ-ಆಸ್ಟ್ರೇಲಿಯಾ ವನಿತೆಯರ ಸೆಣಸಾಟ

ಸಿಡ್ನಿ, ಫೆ 20 – ಟಿ20 ವಿಶ್ವಕಪ್‌ ಟೂರ್ನಿಯಲ್ಲಿ ಮೂರು ಬಾರಿ ಸೆಮಿಫೈನಲ್‌ ಹಂತದಲ್ಲಿ ಎಡವಿರುವ ಭಾರತ ಕ್ರಿಕೆಟ್ ಮಹಿಳಾ ತಂಡ ಮತ್ತೊಂದು ಪ್ರಯತ್ನವನ್ನು ಆರಂಭಿಸಲಿದೆ. ಮಹಿಳೆಯರ ಚುಟುಕು ವಿಶ್ವಕಪ್ ಪ್ರಸ್ತುತ ಆವೃತ್ತಿಯ ಉದ್ಘಾಟನಾ ಪಂದ್ಯದಲ್ಲಿ ನಾಲ್ಕು ಬಾರಿ ಚಾಂಪಿಯನ್ ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ಹರ್ಮನ್‌ಪ್ರೀತ್ ಕೌರ್ ನಾಯಕತ್ವದ ಭಾರತ ತಂಡ ನಾಳೆ ಇಲ್ಲಿನ ಸಿಡ್ನಿ ಶೋಗ್ರೌಂಡ್‌ ಕ್ರೀಡಾಂಗಣದಲ್ಲಿ ಸೆಣಸಲು ಸಜ್ಜಾಗಿದೆ.

ಕಳೆದ 2009, 2010 ಹಾಗೂ 2018ರಲ್ಲಿ ಭಾರತ ಸೆಮಿಫೈನಲ್‌ ಹಂತದಲ್ಲಿ ಸೋತು ನಿರಾಸೆ ಅನುಭವಿಸಿತ್ತು. ಇದೀಗ ಹೊಸ ಹುಮ್ಮಸ್ಸಿನಿಂದ ವಿಶ್ವಕಪ್ ಅಭಿಯಾನ ಆರಂಭಿಸಲು ಭಾರತ ವನಿತೆಯರು ಎದುರು ನೋಡುತ್ತಿದ್ದಾರೆ. 2010ರ ಸೆಮಿಫೈನಲ್‌ ಹಣಾಹಣಿಯಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ್ದ ಬಾರತ 119 ಗಳಿಸಿತ್ತು. ನಂತರ, 2018ರ ಉಪಾಂತ್ಯದ ಪಂದ್ಯದಲ್ಲಿಯೂ ಭಾರತ ಮೊದಲು ಬ್ಯಾಟಿಂಗ್‌ ಮಾಡಿ 112 ರನ್‌ ದಾಖಲಸಿತ್ತು. ಆದರೆ, ಎದುರಾಳಿ ತಂಡವನ್ನು ನಿಯಂತ್ರಿಸುವಲ್ಲಿ ವಿಫಲವಾಗಿತ್ತು.

ನಾಯಕಿ ಹರ್ಮನ್‌ಪ್ರೀತ್ ಕೌರ್ 2009 ರಲ್ಲಿ ಚುಟುಕು ಸ್ವರೂಪದಲ್ಲಿ ಪಾದಾರ್ಪಣೆ ಮಾಡಿದಾಗಿನಿಂದ ತನ್ನ ಏಳನೇ ಟಿ 20 ವಿಶ್ವಕಪ್ ಆಡುವ ಶಕ್ತಿ ಮತ್ತು ಸ್ಥಿತಿಸ್ಥಾಪಕತ್ವವನ್ನು ಉಳಿಸಿಕೊಂಡು ಬಂದಿದ್ದಾರೆ. 30 ರ ಹರೆಯದ ಆಟಗಾರ್ತಿ 2009 ರ ಭಾರತೀಯ ತಂಡದಿಂದ ಸ್ಟಾರ್ ಆಟಗಾರ್ತಿಯಾಗಿಯೇ ಉಳಿದುಕೊಂಡಿದ್ದಾರೆ.
ಹರ್ಮನ್‌ಪ್ರೀತ್‌ ಕೌರ್‌ ಹಾಗೂ ದೀಪ್ತಿ ಶರ್ಮಾ ಅವರು ಮಧ್ಯಮ ಕ್ರಮಾಂಕದಲ್ಲಿ ಎದುರಾಳಿ ಬೌಲರ್‌ಗಳನ್ನು ದೂಳಿಪಟ ಮಾಡುವ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಈ ಜೋಡಿ ಕಳೆದ ಒಂದು ವರ್ಷದಿಂದ 140.86 ಸ್ಟ್ರೈಕ್‌ ರೇಟ್‌ ಹೊಂದಿದೆ. ವಿಕೆಟ್‌ ಕೀಪರ್‌ ತನಿಯಾ ಭಾಟಿಯಾ ಮತ್ತು ಹರ್ಲೀನ್‌ ಡಿಯೋಲ್‌ ಕೂಡ ದೊಡ್ಡ ಹೊಡೆತಗಾರ್ತಿಯರಾಗಿದ್ದಾರೆ. ಅವರು ಲಯಕ್ಕೆ ಮರಳುವ ಅಗತ್ಯವಿದೆ.

ಭಾರತದ ಅಗ್ರ ಐದು ಬ್ಯಾಟ್ಸ್‌ವುಮೆನ್‌ಗಳು ಶೇ. 60 ರಷ್ಟು ಪಂದ್ಯದ ಭಾಗವನ್ನು ಯಶಸ್ವಿಗೊಳಿಸಲು ಶಕ್ತರಿದ್ದಾರೆ. ಆದರೆ, ಇನ್ನುಳಿದ ಭಾಗವನ್ನು ಯಶಸ್ವಿಯಾಗಿ ಮುಗಿಸುವ ಹೊಣೆ ಮಧ್ಯಮ ಹಾಗೂ ಕೆಳಕ್ರಮಾಂಕದ ಮೇಲಿದೆ. ಈ ಬಾರಿ ಮಾಜಿ ನಾಯಕಿ ಮಿಥಾಲಿ ರಾಜ್‌ ತಂಡದಲ್ಲಿ ಇಲ್ಲ. ಅವರು ಟಿ20 ಕ್ರಿಕೆಟ್‌ ನಿಧಾನಗತಿಯ ಸರಾಸರಿ ಹೊಂದಿರುವ ಕಾರಣ ಚುಟುಕು ಕ್ರಿಕೆಟ್‌ನಿಂದ ನಿವೃತ್ತಿ ಪಡೆದಿದ್ದಾರೆ. ಆದರೂ, ಅವರು 89 ಪಂದ್ಯಗಳಿಂದ 17 ಅರ್ಧಶತಕಗಳು ಸೇರಿದಂತೆ ಒಟ್ಟು 2,364 ರನ್‌ ಗಳಿಸಿದ್ದಾರೆ.

ಜೂಲನ್ ಗೋಸ್ವಾಮಿ ಸ್ಪಿನ್ ವಿಭಾಗದಲ್ಲಿ ಭರವಸೆ ಮೂಡಿಸಿದ್ದು, ಪೂನಮ್ ಯಾದವ್ (ಐಸಿಸಿ ಶ್ರೇಯಾಂಕದಲ್ಲಿ ನಂ. 12) ತಮ್ಮ ಕಾರ್ಯದಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಈ ಇಬ್ಬರೂ ಸ್ಪಿನ್ನರ್‌ಗಳು ತಡವಾಗಿ ವಿಕೆಟ್ ಕೀಪರ್‌ಗೆ ಗಲಿಬಿಲಿ ಮಾಡುವ ಜತೆಗೆ, ಎದುರಾಳಿ ಬ್ಯಾಟರ್‌ಗಳ ಮೇಲೆ ಒತ್ತಡ ಹೇರಬಲ್ಲರು.

ತಂಡದಲ್ಲಿ ಫೀಲ್ಡಿಂಗ್ ಅನಿಯಮಿತವಾಗಿದ್ದು, ಸಮತೋಲನವನ್ನು ಅಗತ್ಯವಿದೆ. ಸ್ಮೃತಿ ಮಂಧಾನ, ವೇದ, ಹರ್ಮನ್‌ಪ್ರೀತ್ ಮತ್ತು ಜೆಮಿಮಾ ರೊಡ್ರಿಗಸ್ ಮೈದಾನ ಹಾಗೂ ವಿಕೆಟ್‌ಗಳ ಮಧ್ಯೆ ಅತ್ಯುತ್ತಮವಾಗಿದ್ದಾರೆ. ಇನ್ನುಳಿದವರು ಸುಧಾರಣೆಯಾಗಬೇಕು. ಕಳೆದ 15 ಟಿ-20 ಪಂದ್ಯಗಳಲ್ಲಿ ಭಾರತ ತಂಡ ಕೊದಲೆಳೆಯ ಅಂತರದಲ್ಲಿ ಗೆಲುವನ್ನು ಕಳೆದುಕೊಂಡಿತ್ತು.

Leave a Comment