ಕನ್ಯಾ

ಈ ವರ್ಷಾರಂಭ (18-3-2018) ದಿಂದ ಅಕ್ಟೋಬರ್ 11ರವರೆಗೆ 2ನೇ ಗುರು ಬಲಿಷ್ಠ ಸಾಧನೆಗಳಿಗೆ ಆರ್ಥಿಕ ನೆರವು ಅನುಗ್ರಹಿಸಲಿದ್ದಾನೆ. ನಂತರ 5-4-2019 ವರೆಗೆ 3ನೇ ಗುರು ನಿರ್ಬಲನಾಗಿ ಮಿಶ್ರಫಲ ನೀಡುವನು. ಶನಿ 4ನೇಯವನಿದ್ದು ಅರ್ಧಾಷ್ಟಮನಾಗಿ ಕಾಡುವನು. ನರಗಳ ದೌರ್ಬಲ್ಯ, ಬುದ್ಧಿಮಾಂದ್ಯ ನಿಶ್ಶಕ್ತಿಗಳು ಆವರಿಸುವವು. ಕುಟುಂಬ ರಕ್ಷಣೆಯಲ್ಲಿ ನಿರುತ್ಸಾಹಿಗಳಾಗುವಿರಿ. ಉದ್ಯೋಗದಲ್ಲಿ ಯಾವ ಸಾಧನೆಗಳು ಕಂಡು ಬರುವುದಿಲ್ಲ. ಆರ್ಥಿಕವಾಗಿ ದೌರ್ಬಲ್ಯಕ್ಕೊಳಗಾಗುವಿರಿ. ಸಾಮಾಜಿಕ, ಧಾರ್ಮಿಕ ಕ್ಷೇತ್ರಗಳಲ್ಲಿ ಅಪವಾದದ ಮಾತುಗಳು ಕೇಳಿ ಬರುವವು. ಚರ್ಮೋದ್ಯೋಗಿಗಳಿಗೆ ವಿಸ್ತೃತ ಲಾಭ ಸಿಗಲಿದೆ. ಮಕ್ಕಳ ಶಿಕ್ಷಣ ಅರ್ಧಕ್ಕೆ ನಿಲ್ಲುವ ಸೂಚನೆ ಕಂಡು ಬರುತ್ತದೆ. ಮನೆಯ ಖರ್ಚು- ವೆಚ್ಚಗಳು ಅಧಿಕ ನೌಕರಿದಾರರು ತೊಂದರೆ ಅನುಭವಿಸುವರು. ಅಧಿಕಾರಿಯ ದರ್ಪ ಚಿಂತೆಗೀಡುವುದು. ಸಮಾಧಾನ ತಂದು ಕೊಂಡು ಕಾರ್ಯನಿರ್ವಹಿಸಿ. ವರ್ಷದ ಉತ್ತರಾರ್ಧದಲ್ಲಿ ಜೀವನ ಪ್ರಗತಿಯತ್ತ ದಾಪುಗಾಲು ಹಾಕಲಿದೆ. ಆಪದ್ಧನ ನಿಮ್ಮ ಕೈ ಸೇರಿ ಹೊಸ ಹುರುಪು ಆರ್ಥಿಕ ಬಲ ಕೊಡುವುದು. ವ್ಯಾಪಾರದಲ್ಲಿ ಗುಪ್ತಧನ ಕಾಣುವಿರಿ. ಆರೋಗ್ಯವೂ ಚೈತನ್ಯ ಕೊಡಲಿದೆ. ಆಸ್ತಿ ಭದ್ರತೆ, ಅಲಂಕಾರ ವಸ್ತುಗಳ ಸಂಗ್ರಹ, ವಾಹನ ವ್ಯವಹಾರಿಗಳು ಪ್ರಗತಿ ಹೊಂದುವರು. ಗೃಹೋಪಕರಣ ವ್ಯಾಪಾರಿಗಳೂ, ಔಷಧಿ ಮಾರಾಟಗಾರರು, ಮಧ್ಯ ವ್ಯವಹಾರಿಗಳು ಹೇರಳ ಸಂಪಾದನೆಯಲ್ಲಿರುವರು. ಸಾಹಿತಿ, ಕಲಾವಿದ, ರೈತ, ವ್ಯಾಪಾರಿ, ಮುದ್ರಕ ಪ್ರಕಾಶಕ, ವೈದ್ಯ, ವಕೀಲ ಇವರೆಲ್ಲ ಸೀಮಿತ ಲಾಭ ಮಾಡಿಕೊಳ್ಳುವರು. ಮಹಿಳೆಗೆ ವಿವಾಹ ಸಂಬಂಧ ಮಾತುಕತೆ ಈಡೇರುವುದು. ಕ್ರೀಡಾರಂಗದವರು ಸೋಲಿನಲ್ಲಿ ಸಾಗುವರು. ಒಟ್ಟಾರೆ ಈ ವರ್ಷ ಮಿತ್ರಫಲದಾಯಕವಿದೆ.

ಆದಾಯ- 14 ವ್ಯಯ-2